Malaki 1:11 - BAIBLO ALOO NGMAMI KLƆUKLƆU Ɔ

¹¹ Je ma amɛ tsuo, kɛ je pu site he kɛ ya si pu sinɔ he ɔ, woɔ ye hɛ mi nyami. A sãã tsopa kɛ e he via kɛ haa mi ngɛ he tsuaa he, nɛ a kɛ nike ní nɛ he tsɔ hu baa. Mɛ tsuo pɛpɛɛpɛ a woɔ ye hɛ mi nyami.

Malaki 1:11 ပူးပေါင်းရင်းမြစ်များ

Kronika I, 16:25

Yawɛ kle, nɛ e sa yi jemi wawɛɛ nitsɛ. E sa nɛ a wo e hɛ mi nyami pe mawu ɔmɛ tsuo.

La 111:9

E ha e ma a ye a he, nɛ e kɛ mɛ so somi nɛ ngɛ daa. E he tsɔ, nɛ e he ngɛ gbeye!

La 113:3

Nihi nɛ ngɛ beleku je, kɛ bonyoku je tsuo, e sa kaa nyɛ je e yi.

La 138:5

A ma la kɛ gba nyakpɛ níhi nɛ o pee ɔ; a ma la ma de ke o hɛ mi nyami ɔ kle.

La 141:2

Ha nɛ ye kue fami ɔ nɛ je via kaa tsopa kɛ e he via ngɛ o hɛ mi; nɛ ye nine nɛ i wo nɔ kɛ ya hiɔwe ɔ, e pee kaa bɔ nɛ i ngɛ sãe gbɔkuɛ nya si ha mo.

La 45:17

Ma ha nɛ a ma kai mo yi nɔhi tsuo, nɛ ma amɛ tsuo ma je o yi daa kɛ maa ya neneene.

La 48:10

Mawu, dami sane pɛ o yeɔ; nɛ kaa bɔ nɛ o biɛ ngɛ pɛe ɔ, a ngɛ o yi jee ngɛ je ɔ mi tsuo.

La 48:11

Ha nɛ Zion ma a nɛ nya, nɛ Yuda ma amɛ a bua nɛ jɔ; ejakaa o kojoɔ bɔ nɛ sa pɛ.

La 50:1

Yawɛ Mawu Ope ɔ ngɛ munyu tue. E ngɛ je ɔ tsuo tsɛe; e ke a je beleku je, kɛ bonyoku je kɛ ba.

La 65:9

O slaa zugba a, o haa lɛ nyu, nɛ e baa ní babauu. Ke o ha pa a hyi kikɛ nɛ ɔ, ngmɔ ɔmɛ baa ní saminya. Bɔ nɛ o peeɔ lɛ ha ji nɛ ɔ nɛ.

La 67:2

konɛ je ɔ nɛ le o suɔmi nya ní, nɛ je ma amɛ tsuo nɛ a yo o he wami nɛ o kɛ heɔ yi wami ɔ.

La 86:9

Nyɔmtsɛ, je ma amɛ tsuo nɛ o bɔ ɔ ma ba kpla si ngɛ o hɛ mi, nɛ a ma je o he wami kpetekpleenyɛ ɔ yi.

La 96:8

Nyɛ je Yawɛ biɛ klɔuklɔu ɔ yi; nyɛɛ ngɔ nike ní kɛ ba e we ɔ.

Yesaya 12:4

Jamɛ a ligbi ɔ, ma a ma la nɛ a ma de ke, “Nyɛɛ na Yawɛ si! Nyɛɛ wo e biɛ ta! Nyɛ ha je ma amɛ tsuo nɛ le níhi nɛ e pee ɔ! Nyɛ ha nɛ a le kaa Yawɛ kle!

Yesaya 12:5

Nyɛ la kɛ je Yawɛ yi, ejakaa e tsu ní nguanguahi. Nyɛ ha je ɔ tsuo nɛ nu nɔ́ nɛ ɔ.

Yesaya 19:21

Yawɛ ma je e he si kɛ tsɔɔ Egipt bi ɔmɛ, nɛ a maa le lɛ; a ma ja lɛ, nɛ a kɛ sami bɔhi, kɛ nike ní ma ba ha lɛ. A ma ka Yawɛ kita nɛ a maa ye nɔ pɛpɛɛpɛ.

Yesaya 30:27

Yawɛ biɛ ngɛ pɛe ngɛ tsitsaa kɛ ma. E mi mi fu wawɛɛ nitsɛ kaa la su ku kpii nɛ ngɛ si tee. Munyuhi nɛ ngɛ e nya mi jee ɔ, abofu sɔuu kaa la nɛ puɛɔ ní.

Yesaya 45:6

I ngɛ nɔ́ nɛ ɔ pee, konɛ nihi tsuo ngɛ je ɔ mi, kɛ je beleku je kɛ ya si bonyoku je nɛ a le kaa imi ji Yawɛ, nɛ ye se ɔ, mawu kpa ko be hu.

Yesaya 54:5

O bɔlɔ ɔ ma ba pee o huno. E biɛ ji Yawɛ Tabohiatsɛ. Israel Mawu Klɔuklɔu ɔ ma he o yi wami; lɛ ji je ɔ tsuo Mawu.

Yesaya 59:19

Kɛ je beleku je kɛ yaa su bonyoku je ɔ, nɔ tsuaa nɔ maa ye Yawɛ gbeye. E maa ba kaa pa nɛ hia; e maa ba kaa ahumi nɛ hia kɛ ma.

Yesaya 66:18

I le níhi nɛ a ngɛ susue, kɛ níhi nɛ a ngɛ pee. Be ma nɛ ma bua je ma amɛ tsuo, kɛ gbi slɔɔtoslɔɔto ɔmɛ tsuo a nya. Ke a ba a, a ma ba na ye hɛ mi nyami ɔ.

Yeremia 10:6

Yawɛ, nɔ ko nɔ ko be nɛ kɛ mo sɔ; O je agbo, nɛ o biɛ hu kle nɛ e je agbo ja nɔuu.

Yeremia 10:7

Mo, je ma amɛ tsuo a matsɛ ɔ, mɛnɔ lɛ be mo gbeye yee? O sa bu. Je ma amɛ tsuo a kpɛti ɔ, nɔ ko be nɛ kɛ mo sɔ, a ní leli ɔmɛ jio, a matsɛmɛ ɔmɛ jio.

Yeremia 4:2

nɛ nyɛ ma ka kita ngɛ ye biɛ mi anɔkuale mi, nɛ nyɛ maa ye dami sane, nɛ nyɛ maa pee nɔ́ nɛ da a, lɛɛ je ma amɛ tsuo ma ba je ye yi, nɛ a ma de mi ke ma gbaa mɛ.”

Daniel 2:45

O na hu kaa tɛ ko hia kɛ je yo ɔ mi nɛ nɔ ko nine sɛ́ he; tɛ nɛ ɔ ba fia amaga a nɛ a kɛ dade, akɔblee, zu, sika hiɔ, kɛ sika tsu pee ɔ. Mawu nɛ kle agbo ɔ je nɔ́ nɛ maa ba hwɔɔ se ɔ kɛ tsɔɔ mo. I sɛɛ nlami ɔ kɛ ha mo kaa bɔ nɛ o nla a sisiisi, nɛ i tsɔɔ mo sisi pɛpɛɛpɛ.”

Amos 9:12

Nɛ nyɛ Israel bi, nyɛ maa ngɔ Edom zugba nɛ piɛ ɔ, kɛ je mahi tsuo nɛ nyɛ ye a nɔ sa be ko kɛ ha mi ɔ.” Bɔ nɛ Yawɛ de ji nɛ ɔ nɛ, nɛ nɔ́ nɛ e to nɛ e maa pee ɔ hu ji nɛ ɔ nɛ.

Mika 5:4

Ke matsɛ nɛ ɔ ba a, e maa ye e ma a nɔ kɛ he wami, kɛ kã nɛ je Yawɛ Mawu ɔ nitsɛ ngɔ. E ma mi bi ɔmɛ maa hi si ngɛ he jɔmi mi, ejakaa a maa bu lɛ ngɛ je ɔ mi he tsuaa he.

Zefania 2:11

Yawɛ hɛ maa dɔ kɛ wo mɛ. Yawɛ ma kpata wɔ ɔmɛ tsuo a hɛ mi ngɛ zugba a nɔ, nɛ je ma amɛ, wo kpo ɔ, kɛ zugbahi nɛ wo bɔle mɛ ɔ tsuo ma ja lɛ, nɔ tsuaa nɔ ngɛ lɛ nitsɛ e zugba nɔ.

Zefania 3:9

“Jamɛ a be ɔ, ma ha je ma amɛ gbi nɛ he tsɔ. Mɛ tsuo a maa fa kue ha imi Yawɛ, nɛ a maa pee a nya kake kɛ sɔmɔ mi.

Zakaria 8:7

Yawɛ Tabohiatsɛ ɔ ke ma ya kpɔ ye ma a kɛ je beleku je, kɛ bonyoku je ma amɛ a mi.

Malaki 1:14

Nɔ nɛ to ku ngɛ e to tsu mi, nɛ e wo si ke e kɛ lɔ ɔ maa sã bɔ ha mi, se mohu e ngɔ nɔ́ nɛ kpa ngɛ he kɛ ba a, musu tloo kikɛmɛ a sisilɔ nɛ ɔ! Ejakaa matsɛ nguaa ji mi, nɛ je ma amɛ tsuo yeɔ mi gbeye.” Yawɛ Tabohiatsɛ ɔ lɛ de.

Malaki 3:3

E ma ba kojo kaa bɔ nɛ sika hiɔ ga ní tsulɔ tsuɔ sika hiɔ he ɔ. Kaa bɔ nɛ sika hiɔ, loo sika tsu ga ní tsulɔ tsuɔ sika he ɔ, ja ji bɔ nɛ Yawɛ tsɔlɔ ɔ maa tsu osɔfo ɔmɛ a he, konɛ a ngɔ nike ní nɛ sa kɛ ba ha lɛ Yawɛ ɔ.

Mateo 28:19

Lɔ ɔ he ɔ, nyɛɛ ya je ma amɛ tsuo a ngɔ ngɛ he tsuaa he, nɛ nyɛɛ pee mɛ ye kaseli. Nyɛɛ sɔle mɛ ngɔ wo Tsɛ ɔ, kɛ Bi ɔ, kɛ Mumi Klɔuklɔu ɔ biɛ mi,

Mateo 8:11

I ngɛ nyɛ dee ke nihi babauu maa je beleku, kɛ bonyoku kɛ ba, nɛ a kɛ Abraham, kɛ Isak, kɛ Yakob ma ba ye ní ngɛ hiɔwe matsɛ yemi ɔ mi.

Luka 1:10

Be mi nɛ a ngɛ tsopa kɛ e he via a sãe ɔ, ma kpekpemi ɔ ngɛ sɔlee ngɛ ablanaa a mi.

Romabi 12:1

I kpa nyɛ pɛɛ ye nyɛmimɛ, Mawu na nyɛ mɔbɔ babauu, lɔ ɔ he ɔ, nyɛɛ ngɔ nyɛ he ngɔ ha kaa bɔ nɛ a sã, se kɛ̃ e hɛ ngɛ, nɛ e he tsɔ, nɛ e saa Mawu hɛ mi; nɛ nyɛɛ kɛ nyɛ wami tsuo nɛ sɔmɔ Mawu, konɛ nyɛ jami ɔ nɛ pee ngɛ mumi mi.

Romabi 15:16

i ba pee Kristo Yesu tsɔlɔ nɛ ma tsu ma je li ɔmɛ a he ní. Ma tsu ní kaa osɔfo kɛ fiɛ sane kpakpa a nɛ je Mawu ngɔ ɔ, konɛ Mumi Klɔuklɔu ɔ nɛ tsu ma je li ɔmɛ a he, nɛ a pee kaa bɔ nɛ a sã, nɛ maa sa Mawu hɛ mi.

Filipibi 4:18

Níhi tsuo nɛ nyɛ mane ɔ ba su mi; a hiɛ kulaa pe bɔ nɛ i susu! Epafrodito ngɔ nyɛ manemi ɔmɛ tsuo kɛ ba, nɛ nɔ́ ko nɔ́ ko hia we mi hu. Nike ní nɛ ɔmɛ ngɛ kaa bɔ ko nɛ a sã ha Mawu. Bɔ kaa kikɛ nɛ ɔ jeɔ via liliili; e saa Mawu hɛ mi, nɛ e naa he bua jɔmi.

2 Tesalonikabi 1:12

Kɛkɛ ɔ, nyɛ ní peepee he ɔ, nɔ tsuaa nɔ ma je Nyɔmtsɛ Yesu yi. Nɛ e he ɔ, nyɛ hu nyɛ hɛ mi maa ba nyami ngɛ wa Tsɛ Mawu, kɛ Nyɔmtsɛ Yesu Kristo dloomi ɔ nya.

1 Timoteo 2:8

He tsuaa he nɛ asafo ɔ ma bua a he nya ngɛ kɛ ja Mawu ɔ, nyumuhi nɛ a sɔle. E hia kaa a pee Kristo se nyɛɛli nɛ ngɔ a he kɛ ha Mawu kulaa. Ke a ngɛ sɔlee ɔ, a wo a nine nɔ, nɛ mi mi la kó hi mi; nɛ a ko hla kaa a maa sã nya ngɛ nɔ́ ko he.

Kpojemi 11:15

Jehanɛ ɔ, bɔfo kpaagone ɔ kpa e titimati ɔ, nɛ i nu gbihi nɛ ngɛ pɛe wawɛɛ ngɛ hiɔwe ke, “Amlɔ nɛ ɔ, wa Nyɔmtsɛ ɔ kɛ e Kristo ɔ nɛ a ngɛ je ɔ nɔ yee. Nɛ a maa ye matsɛ kɛ maa ya neneene!”

Kpojemi 15:4

Nyɔmtsɛ, nihi tsuo maa wo o hɛ mi nyami! Nihi tsuo ma de ke o kle; ejakaa mo pɛ ji nɔ klɔuklɔu. Nihi tsuo nɛ ngɛ je ɔ mi ɔ maa ba nɛ a ma ba ja mo; ejakaa dami sane nɛ o ngɛ yee ɔ, nɔ tsuaa nɔ na paa!”

Kpojemi 5:8

Benɛ To bi ɔ sɔle womi kpo ɔ, hɛ kali eywiɛ ɔmɛ, kɛ nikɔtɔma nyingmi enyɔ kɛ eywiɛ ɔmɛ ngɔ a hɛ mi ngɔ bu si ngɛ To bi ɔ hɛ mi. A ti nɔ tsuaa nɔ hɛɛ kpa saku, kɛ sika tsu sowe nɛ tsopa kɛ e he via hyi lɛ tɔ. Enɛ ɔmɛ ji ni klɔuklɔu ɔmɛ a sɔlemi.