Yawɛ de mi ke, “Yeremia, ke ji nimli nɛ ɔmɛ a ti nɔ ko, aloo gbalɔ ko, aloo osɔfo ko bi mo ke, ‘Mɛni ji Yawɛ sɛ gbi?’ ɔ, de lɛ ke, ‘Mo ji tlomi nɛ Yawɛ tloo ɔ nɛ, nɛ e ma sake mo kɛ fɔ he.’
Yawɛ sɛ gbi ji nɛ ɔ nɛ. Yawɛ ke a maa gbla Hadrak zugba a, kɛ Damasko ma a a tue, ejakaa tsa pi Israel wɛtso ɔmɛ pɛ ji Yawɛ níhi; mohu ɔ, Syria matsɛ ma a hu e nɔ́.
Si nɛ Yuda bi ɔmɛ wo Mawu ɔ, a yi nɔ; mohu ɔ, a tsu musu ní ngɛ Yerusalem, kɛ zugba a tsuo nɔ. A ble Yawɛ we ɔ nɛ e suɔ saminya a. Nyumu ɔmɛ ngɔ yihi nɛ jaa ma se mawuhi.