Luka 9:59 - BAIBLO ALOO NGMAMI KLƆUKLƆU Ɔ

⁵⁹ E de nɔ kpa ke, “Ba nyɛɛ ye se!” Se lɛɛ e de ke, “Nyɔmtsɛ, ha mi blɔ nɛ ma ya pu tsaatsɛ lolo.”

Somi He Ɔ

⁵⁹ Nɛ e de nɔ kpa ke: “Nyɛɛ ye se!” Se lɛɛ e ke: “Nyɔmtsɛ, ngmɛɛ mi blɔ nɛ ma ya ya pu tsaatsɛ lolo.”

Luka 9:59 ပူးပေါင်းရင်းမြစ်များ

Matsɛmɛ I, 19:20

Kɛkɛ nɛ Elisha je e na amɛ a he, nɛ e tu fo kɛ nyɛɛ Eliya se; nɛ e de lɛ ke, “I kpa mo pɛɛ, ha nɛ i kɛ tsaatsɛ, kɛ maa ya ye sɛ, konɛ ma ba nyɛɛ o se.” Eliya he nɔ ke, “Yoo, moo ya. I tsi we o nya!”

Hagai 1:2

Yawɛ Tabohiatsɛ ɔ de Hagai ke, “Ma a ngɛ dee ke, be nɛ sa kaa a ma Mawu we ɔ sui lolo.”

Mateo 16:24

Jehanɛ, Yesu de e kaseli ɔmɛ ke, “Ke nɔ ko suɔ kaa e maa nyɛɛ ye se ɔ, e kua e he, nɛ e wo e sɛumi tso ɔ, nɛ e nyɛɛ ye se.

Mateo 6:33

Se nyɛ hla Mawu matsɛ yemi ɔ, kɛ níhi nɛ da ngɛ e hɛ mi ɔ kekle, nɛ a kɛ ní nɛ ɔmɛ tsuo maa piɛ he ngɔ ha nyɛ.

Mateo 9:9

Yesu je lejɛ ɔ, nɛ benɛ e yaa a, e na tó tsulɔ ko nɛ a tsɛɛ lɛ Mateo nɛ hii si ngɛ e ní tsumi he ɔ. Yesu de lɛ ke, “Nyɛɛ ye se!” Kɛkɛ nɛ Mateo te si, nɛ e nyɛɛ Yesu se.

Luka 9:60

Yesu de lɛ ke, “Ha nɛ ni gbogboehi nɛ a pu mɛ nitsɛmɛ a ni gbogboehi. Se moo lɛɛ yaa nɛ o ya fiɛ Mawu matsɛ yemi ɔ he sane ɔ.”