Luka 9:56 - BAIBLO ALOO NGMAMI KLƆUKLƆU Ɔ

⁵⁶ Kɛkɛ nɛ e kɛ e kaseli ɔmɛ tsuo pue nɔ kɛ ho kɔpe kpa mi ya.

Somi He Ɔ

⁵⁶ nɛ a ho ma kpa ko mi ya.

Luka 9:56 ပူးပေါင်းရင်းမြစ်များ

Mateo 18:10

“Nyɛɛ hyɛ saminya nɛ nyɛ ko hie bimɛ tsɔwi nɛ ɔmɛ a ti nɔ ko. I ngɛ nyɛ dee ke a bɔfohi nɛ ngɛ hiɔwe ɔ daa si ngɛ Tsaatsɛ nɛ ngɛ hiɔwe ɔ hɛ mi daa. [

Mateo 18:11

Se Nɔmlɔ Bi ɔ ba nɛ e ba he nihi nɛ laa a a yi wami.]

Mateo 20:28

kaa bɔ nɛ Nɔmlɔ Bi ɔ pee ɔ. E bɛ nɛ a sɔmɔ lɛ, se e ba sɔmɔ mohu, konɛ e ngɔ e wami ngɔ ha, nɛ e kɛ he nihi fuu a yi wami.”

Mateo 5:39

Se imi lɛɛ i ngɛ nyɛ dee ke ke nɔ ko pee nyɛ yayami ɔ, nyɛ ko pee lɛ yayami ngɔ to nane mi. Ke nɔ ko gba o hiɔ ɔ nɔ tue mi ɔ, plɛ kake ɔ hu ha lɛ.

Luka 19:10

Nɔmlɔ Bi ɔ ba, konɛ e ba hla nihi nɛ laa a, nɛ e he a yi wami.”

Luka 22:51

Se Yesu de ke, “E hiɛ!” Kɛkɛ nɛ e ta nyumu ɔ tue ɔ he, nɛ e tsa lɛ.

Luka 23:34

Nɛ Yesu de ke, “Tsaatsɛ, kɛ pa mɛ! A li nɔ́ nɛ a ngɛ pee ɔ.” Kɛkɛ nɛ a fɔ sɔ kɛ dla e tade ɔmɛ.]

Luka 9:55

Se Yesu plɛ e he, nɛ e ka a hɛ mi.

Luka 9:57

Benɛ a yaa ngɛ blɔ ɔ nɔ ɔ, nyumu ko ba de Yesu ke, “Nyɔmtsɛ, ma nyɛɛ o se kɛ ya he tsuaa he nɛ o yaa.”

Yohane 10:10

Se julɔ ɔ lɛɛ ke e ba a, e ba juɔ; e gbeɔ to ɔmɛ, nɛ e kpataa a hɛ mi. Imi lɛɛ i ba, konɛ nyɛ na wami, nɛ nyɛ na kɛ be nɔ.

Yohane 12:47

Ke nɔ ko nu ye munyu ɔ, se e yi nɔ ɔ, pi imi nɛ ma kojo lɛ. I bɛ nɛ ma ba kojo je ɔ; se mohu i ba nɛ ma ba he je ɔ yi wami.

Yohane 3:17

Mawu tsɔ we e Bi ɔ kɛ bɛ je ɔ mi nɛ e ba kojo; se mohu e ba, konɛ e ba he nihi a yi wami.

Romabi 12:21

Nyɛ ko ha yayami nɛ ye nyɛ nɔ, se mohu nyɛɛ ngɔ kpakpa peemi kɛ ye yayami nɔ kunimi.

1 Timoteo 1:15

Kristo Yesu ba je ɔ mi, konɛ e ba he yayami peeli a yi wami. Anɔkuale munyu nitsɛnitsɛ nɛ sa kaa nɔ tsuaa nɔ nɛ he ye ji nɛ ɔ nɛ. Imi nitsɛ ɔ, yayami peelɔ kpanaku ji mi pe nihi tsuo.