Luka 9:52 - BAIBLO ALOO NGMAMI KLƆUKLƆU Ɔ

⁵² E tsɔ nihi kɛ sɛ e hlami kɛ ya Samaria kɔpe ko mi, konɛ a ya dla he ko ngɔ to lɛ.

Somi He Ɔ

⁵² Nɛ e tsɔ tsɔli kɛ sɛ e hlami; nɛ a ya sɛ Samariabi a ma ko mi konɛ a ya dla he ko ngɔ to lɛ.

Luka 9:52 ပူးပေါင်းရင်းမြစ်များ

Malaki 3:1

Yawɛ Tabohiatsɛ ɔ ke, “Ma tsɔ ye tsɔlɔ ɔ, nɛ e ma ya dla blɔ ngɔ to mi. Lɔ ɔ se ɔ, Nyɔmtsɛ ɔ nɛ nyɛ ngɛ blɔ hyɛe ɔ maa ba e we ɔ tlukaa. Tsɔlɔ ɔ nɛ nyɛ hla kaa nyɛ maa na a maa ba, nɛ e ma ba fiɛ ye somi ɔ.”

Mateo 10:5

Yesu tsɔ ni nyɔngma kɛ enyɔ nɛ ɔmɛ, nɛ e fa mɛ ke, “Nyɛ ko ya ma je li a zugba ko nɔ, nɛ nyɛ ko sɛ Samaria ma ko mi hulɔ.

Luka 10:1

Enɛ ɔ se ɔ, Nyɔmtsɛ ɔ hla nihi nyingmi kpaago kɛ enyɔ kpa hu, nɛ e tsɔ mɛ enyɔɔnyɔ kɛ sɛ e hlami kɛ ya ma tsuaa ma mi, kɛ he tsuaa he nɛ lɛ nitsɛ e maa ya a.

Luka 10:33

Se Samaria no ko nɛ nyɛɛ blɔ ba su he nɛ nyumu ɔ ngɛ ɔ, nɛ benɛ e na lɛ ɔ, e ní pee lɛ mɔbɔ.

Luka 17:11

Benɛ Yesu ngɛ blɔ ɔ nɔ kɛ yaa Yerusalem ɔ, e ya gu huza a nɔ ngɛ Samaria kɛ Galilea a kpɛti.

Luka 17:16

E kɛ e hɛ mi ba bu si ngɛ Yesu nane nya, nɛ e na lɛ si. Se nyumu ɔ, Samaria no ji lɛ.

Luka 7:27

Ejakaa Yohane he lɛ ngmami ɔ de ngɛ ke, ‘Mawu ke, ma tsɔ ye tsɔlɔ ɔ kɛ sɛ o hlami, nɛ e ya dla blɔ ɔ ngɔ to mo.’

Yohane 4:4

Benɛ e yaa a, e hia kaa e gu Samaria.

Yohane 4:5

E ba su Samaria ma ko nɛ a tsɛɛ Sikar a. Lejɛ ɔ kɛ zugba kpɔ nɛ Yakob ngɔ ha e bi Yosef ɔ he kɛ we kulaa.

Yohane 4:9

Yo ɔ bi Yesu ke, “Pi Yuda no ji mo lo? Nɛ kɛ pee kɛɛ nɛ o ngɛ imi Samaria no nyu bae nɛ o nu ɔ?” (Yuda bi kɛ Samaria bi yi.)

Yohane 8:48

Yuda bi ɔmɛ bi Yesu ke, “Ke wa de ke Samaria no ji mo, nɛ mumi yayami ngɛ o mi ɔ, wa tɔ lo?”