Luka 9:51 - BAIBLO ALOO NGMAMI KLƆUKLƆU Ɔ

⁵¹ Benɛ be ɔ nɛ a maa ngɔ Yesu kɛ je je nɛ ɔ mi kɛ ya hiɔwe ɔ su ta a, e muɔ e yi mi kpɔ kaa e maa ya Yerusalem.

Somi He Ɔ

⁵¹ Nɛ e ba mi kaa benɛ ligbi nɛ a maa ngɔ Yesu kɛ ho hiɔwe ya su ta a, e ngɔ e hɛ mi ngɔ pi Yerusalem nɛ e yaa lejɛ ɔ.

Luka 9:51 ပူးပေါင်းရင်းမြစ်များ

Matsɛmɛ II, 2:11

Benɛ a ngɛ ní sɛɛe kɛ yaa a, ta zugba lɛ nɛ la okpɔngɔhi ngɛ gblae ba gba mɛ ni enyɔ ɔmɛ a kpɛti; nɛ lasiogblee sá Eliya kɛ ho hiɔwe ya.

Marko 16:19

Benɛ Nyɔmtsɛ Yesu kɛ mɛ tu munyu se ɔ, a ngɔ lɛ kɛ ho hiɔwe ya, nɛ e ya hi si ngɛ Mawu hiɔ nɔ.

Luka 12:50

A maa ngɔ mi kɛ wo amanehlu nɛ nya wa mi, nɛ ye he ngɛ mi hiae kɛ yaa si a maa gbe nya!

Luka 13:22

Benɛ Yesu ngɛ blɔ ɔ nɔ kɛ yaa Yerusalem ɔ, e ya kpa mahi kɛ kɔpehi a mi nɛ e tsɔɔ ní.

Luka 17:11

Benɛ Yesu ngɛ blɔ ɔ nɔ kɛ yaa Yerusalem ɔ, e ya gu huza a nɔ ngɛ Samaria kɛ Galilea a kpɛti.

Luka 18:31

Yesu tsɛ ni nyɔngma kɛ enyɔ ɔmɛ kɛ ba se, nɛ e de mɛ ke, “Nyɛ ngɛ tue bue! Wa yaa Yerusalem, nɛ lejɛ ɔ lɛ níhi tsuo nɛ gbali ɔmɛ ngma ngɛ Nɔmlɔ Bi ɔ he ɔ maa ba mi ngɛ.

Luka 19:11

Benɛ ni ɔmɛ ngɛ nɔ́ nɛ ɔ tue bue ɔ, Yesu tu mɛ munyu ngɛ abɛ gbi mi, ejakaa e su Yerusalem haa, nɛ ni ɔmɛ susu kaa Mawu matsɛ yemi ɔ maa ba nɔuu.

Luka 19:28

Benɛ Yesu de enɛ ɔ, e sɛ ni ɔmɛ a hlami kɛ yaa Yerusalem.

Luka 24:51

Benɛ e ngɛ mɛ gbae ɔ, e je a he, [nɛ a ngɔ lɛ kɛ ho hiɔwe ya.

Luka 9:57

Benɛ a yaa ngɛ blɔ ɔ nɔ ɔ, nyumu ko ba de Yesu ke, “Nyɔmtsɛ, ma nyɛɛ o se kɛ ya he tsuaa he nɛ o yaa.”

Yohane 13:1

Benɛ e piɛ ligbi kake loko a maa ye Hetsɔmi nyami ɔ, Yesu na kaa jehanɛ lɛɛ be ɔ su nɛ e ma si je ɔ mi kɛ ho Tsɛ ɔ ngɔ ya. Yesu suɔ nihi tsuo nɛ he lɛ ye ngɛ je ɔ mi ɔ saminya kɛ ya si e gbenɔ mi po.

Yohane 16:28

Niinɛ, i je Tsɛ ɔ ngɔ kɛ ba je ɔ mi, nɛ amlɔ nɛ ɔ, i ngɛ je ɔ mi jee kɛ yaa Tsɛ ɔ ngɔ.”

Yohane 16:5

Amlɔ nɛ ɔ lɛɛ i yaa nɔ nɛ tsɔ mi ɔ ngɔ, se nyɛ ti nɔ ko bi we mi he nɛ i yaa.

Yohane 17:11

Amlɔ nɛ ɔ, i be je ɔ mi hu. Mɛɛ a ngɛ je ɔ mi, se imi lɛɛ i ma o ngɔ. Tsaatsɛ klɔuklɔu! Bu a he kɛ mo nitsɛ o he wami nɛ o ngɔ ha mi ɔ, konɛ a pee kake kaa bɔ nɛ i kɛ mo wa ngɛ ɔ.

Yohane 6:62

Ke nyɛ na Nɔmlɔ Bi ɔ nɛ kpale kɛ yaa hiɔwe he nɛ e je kɛ ba a, kɛ nyɛ maa pee kɛɛ?

Ni Tsumi 1:2

kɛ ya su ligbi nɛ a ngɔ lɛ kɛ ho hiɔwe ya. Loko a ngɔ lɛ kɛ ho hiɔwe ya a, e gu Mumi Klɔuklɔu ɔ nɔ nɛ e tsɔɔ bɔfohi nɛ e hla a mlaa nɛ a ye nɔ.

Ni Tsumi 1:9

Benɛ e de enɛ ɔ se ɔ, a ngɛ lɛ hyɛe nɔuu nɛ a wo lɛ kɛ ho hiɔwe ya, nɛ bɔku ba sa lɛ kɛ ho nɛ a nɛ lɛ hu.

Efesobi 1:20

jamɛ a he wami ɔ nɔuu nɛ Mawu kɛ tle Kristo si kɛ je gbeje, nɛ e ngɔ lɛ ngɔ hi e hiɔ nɔ ngɛ hiɔwe ɔ nɛ.

Filipibi 3:14

Lɔ ɔ he ɔ, i ngɔ hɛ kɛ pi oti ɔ, konɛ ye nine nɛ su jlasi ɔ nɔ. Enɛ ɔ he nɛ Mawu tsɛ wɔ kɛ je hiɔwe tɔɔ kɛ gu Kristo Yesu nɔ.

1 Timoteo 3:16

Anɔkuale ɔ nɛ kɔɔ wa jami ɔ he ɔ ji laami sane nguaa; nɔ ko nɔ ko be nyɛe maa je he nɔ́. Kristo ba je nɛ ɔ mi kaa nɔmlɔ adesa; E ye nguɔ ngɛ mumi mi; E je e he kpo ngɔ tsɔɔ Mawu bɔfohi. A fiɛ lɛ ngɛ je ma amɛ a kpɛti; A he lɛ ye ngɛ je ɔ mi tsuo. A ngɔ lɛ kɛ ho hiɔwe ya ngɛ nyami mi.

Hebribi 12:2

Nyɛ ha waa hyɛ Yesu, ejakaa e nɔ wa hemi kɛ yemi ɔ daa si ngɛ. Akɛnɛ e le bua jɔmi nɛ e ma na pee se he je ɔ, gbenɔ nɛ e ma gbo ngɛ sɛumi tso ɔ nɔ ɔ pi zo nɔ́ ko kulaa kɛ ha lɛ. Mohu ɔ, e to e tsui si kɛ na amanehlu ngɛ sɛumi tso ɔ nɔ, nɛ amlɔ nɛ ɔ, e hii si ngɛ Mawu matsɛ sɛ ɔ hiɔ nɔ.

Hebribi 6:20

Wa he ɔ, Yesu sɛ wa hɛ mi kɛ ho lejɛ ɔ ya, nɛ e ya pee osɔfo nɔkɔtɔma pe kulaa kɛ yaa neneene kaa Melkizedek pɛ.

1 Petro 3:22

Yesu Kristo ho hiɔwe ya; e ya hii si ngɛ Mawu hiɔ nɔ, nɛ e ngɛ bɔfohi, kɛ mumi mi níhi tsuo nɛ ngɛ he wami a nɔ yee.