Luka 9:43 - BAIBLO ALOO NGMAMI KLƆUKLƆU Ɔ

⁴³ Mawu he wami kpetekpleenyɛ nɛ je kpo nɛ ɔ ha nɛ ni ɔmɛ tsuo a he mi po. Benɛ ni ɔmɛ a hɛ mi pee mɛ yaa ngɛ níhi tsuo nɛ Yesu ngɛ pee ɔ a he ɔ, e de e kaseli ɔmɛ ke,

Somi He Ɔ

⁴³ Nɛ mɛ tsuo a nya kpɛ a he ngɛ Mawu he wami kpetekpleenyɛ ɔ he. Se benɛ ni ɔmɛ tsuo a hɛ mi pee mɛ yaa ngɛ nihi tsu nɛ Yesu pee ɔ he ɔ, e de e kaseli ɔmɛ ke:

Luka 9:43 ပူးပေါင်းရင်းမြစ်များ

La 139:14

I ngɛ o yi jee, ejakaa bɔ nɛ o plɛ kɛ bɔ mi ɔ, e ngɛ gbeye, nɛ e ngɛ nyakpɛ hulɔ. Níhi nɛ o pee ɔ ngɛ nyakpɛ loo! O le mi fitsofitso.

Zakaria 8:6

“Ke e he maa wa ha nihi nɛ piɛ ngɛ ma a mi be nɛ ɔ mi kaa ní nɛ ɔmɛ ma nyɛ ba ma a mi ɔ, anɛ imi hu e he maa wa ha mi lo?

Mateo 17:22

Benɛ kaseli ɔmɛ tsuo a nya ba bua ngɛ Galilea a, Yesu de mɛ ke, “A miɔ nɛ a maa ngɔ Nɔmlɔ Bi ɔ kɛ wo nimli adesahi a dɛ mi

Marko 6:51

Kɛkɛ nɛ e ba a ngɔ ngɛ lɛ ɔ mi; nɛ kɔɔhiɔ ɔ jɔɔ fiami. Kaseli ɔmɛ a nya kpɛ a he nitsɛnitsɛ, nɛ a hɛ mi pee mɛ yaa;

Luka 18:43

Amlɔ ɔ nɔuu ɔ, e bɔni nɔ́ hyɛmi, nɛ e nyɛɛ Yesu se, nɛ e ngɛ Mawu yi jee. Benɛ nimli kpekpemi ɔ na nɔ́ nɛ ba a, mɛ tsuo a je Mawu yi.

Luka 4:36

Ni ɔmɛ tsuo a he mi po, nɛ a bi a he ke, “Mɛni nyakpɛ munyu po ji nɛ ɔ? Nyumu nɛ ɔ kɛ he wami ngaa mumi yayamihi a yi, kɛkɛ a jeɔ kpo!”

Luka 5:26

Mɛ tsuo a he mi po, nɛ a ye gbeye, nɛ a je Mawu yi, nɛ a de ke, “Wa na nyakpɛ ní mwɔnɛ ɔ!”

Luka 5:9

E kɛ nihi nɛ piɛ e he ɔ tsuo a he mi po ngɛ lo babauu ɔ nɛ a gbe ɔ he.

Luka 8:25

Kɛkɛ nɛ Yesu bi e kaseli ɔmɛ ke, “Jije nyɛ hemi kɛ yemi ɔ ngɛ?” Se kaseli ɔmɛ a he mi po, nɛ a ye gbeye, nɛ a de a sibi ke, “Mɛni nɔmlɔ po ji nɛ ɔ? E ngaa kɔɔhiɔ, kɛ nyu tete po yi, nɛ a buɔ lɛ tue!”

Luka 9:42

Benɛ jokuɛ ɔ ma a, mumi yayami ɔ po lɛ fɔ si, nɛ e ha e lua gaganii. Se Yesu nga mumi ɔ yi, nɛ e tsa jokuɛ ɔ, nɛ e ngɔ lɛ ngɔ ha e tsɛ ɔ ekohu.

2 Petro 1:16

Nɛ wa fiɛ tsɔɔ nyɛ ke wa Nyɔmtsɛ Yesu Kristo maa ba ekohu kɛ he wami kpetekpleenyɛ ɔ, pi sanehi nɛ a po de nɔ nɛ wa da. Se wa na e he wami kpetekpleenyɛ ɔ kɛ wɔ nitsɛmɛ wa hɛngmɛ.