Luka 9:41 - BAIBLO ALOO NGMAMI KLƆUKLƆU Ɔ

⁴¹ Yesu he nɔ nɛ e de ke, “Oo yi nɔ bi nɛ be hemi kɛ yemi nɛ a kplɛɛ we tsakemi, mɛni be i kɛ nyɛ maa hi si kɛ yaa si?” Kɛkɛ nɛ e de nyumu ɔ ke, “O kɛ o bi ɔ nɛ ba hiɛ ɔ!”

Somi He Ɔ

⁴¹ Yesu he nɔ nɛ e ke: ‘Oo yi nɔ bihi nɛ he we yi nɛ be a jebo nɔ! Mɛni be i kɛ nyɛ maa hi si nɛ ma hɛɛ nyɛ kɛ ya su? O kɛ o bi ɔ nɛ ba hiɛ ɔ!”

Luka 9:41 ပူးပေါင်းရင်းမြစ်များ

Matsɛmɛ II, 5:8

Benɛ Mawu nɔmlɔ Elisha nu sane nɛ ba a, e tsɔ ya de matsɛ ɔ ke, “Mɛni he je o hao kikɛ nɛ ɔ? Ha nɛ nyumu ɔ nɛ ba ye ngɔ, nɛ e maa na kaa gbalɔ ko ngɛ Israel.”

La 78:8

konɛ a ko ba wa tue, nɛ a ko ba tsɔ atuã kaa bɔ nɛ a nɛmɛ ɔmɛ pee ɔ. Mɛɛ a ngɔɛ a hɛ kɛ fɔɛ Mawu nɔ kɛ pi si; anɔkuale hu a yi lɛ bɔ nɛ sa.

Mose II, 10:3

Mose kɛ Aaron ho Farao ɔ ngɔ ya, nɛ a ya de lɛ ke, “Bɔ nɛ Yawɛ, Hebri bi ɔmɛ a Mawu ɔ de ji nɛ ɔ nɛ: ‘Mɛni be o ma kua o he si bami ha mi kɛ yaa si? Ha ye ma a nɛ ya nɛ a ya ja mi.

Mose II, 16:28

Nɛ Yawɛ de Mose ke, “Kɛ yaa si mɛni be nɛ nyɛ maa ya nɔ ma gbo mi tue nɛ nyɛ ma kua ye mlaa amɛ a nɔ yemi?

Yeremia 4:14

Yerusalem, mo fɔ ní yayami ɔmɛ kɛ je o tsui mi, nɛ a he o yi wami. Kɛ yaa si mɛni be lɛ o maa hi ní yayamihi a he susue?

Mose IV, 14:11

Yawɛ bi Mose ke, “Kɛ yaa si mɛni be ma nɛ ɔ ma kua mi? Kɛ yaa si mɛni be loko a ma he mi maa ye ngɛ okadihi babauu nɛ i pee ngɛ a kpɛti ɔ he?

Mose IV, 14:27

“Mɛni be ma yiwutsotsɛmɛ nɛ ɔmɛ maa hɔɔ nya si kɛ wo mi kɛ yaa si? Munyu huitihuiti nɛ Israel ma a ngɛ tue kɛ ngɛ mi sie ɔ, i nu.

Mateo 11:28

“Nyɛ nihi tsuo nɛ nyɛ tloo tlomi nɛ pɔ tɔ nyɛ, nyɛɛ ba ye ngɔ, nɛ ma ha nɛ nyɛɛ jɔɔ nyɛ he.

Mateo 12:39

Yesu he nɔ nɛ e de ke, “Nyɛ yi nɔ yaya bi nɛ nyɛ li Mawu! Nyɛ ke nyɛ ngɛ ye nine nya okadi hlae, pi ja? Dɛbi! Okadi pɛ nɛ a ma ha nyɛ ji gbalɔ Yona nɔ́ ɔ.

Mateo 12:45

Kɛkɛ ɔ, e yaa nɛ e ya ngɔɔ mumi kpa kpaago kɛ baa, nɛ e kɛ mɛ ba hii lejɛ ɔ. Mumi yayamihi nɛ pe lɛ nitsɛ po ji mumi nɛ ɔmɛ. Nɔmlɔ nɛ ɔ nyagbe si himi ɔ ba peeɔ haomi kulaa pe sisije ɔ po. Yi nɔ nɛ ɔ bi yayami peeli nɛ ɔmɛ ɔ, nɔ́ nɛ maa ba mɛ hu a nɔ ji nɛ ɔ nɛ.”

Mateo 16:4

Mwɔnɛmwɔnɛ yi nɔ bi yayami nɛ li Mawu! Nyɛ bi ke ma pee nyakpɛ nɔ́ ko ha nyɛ, pi jã? Dɛbi! Okadi pɛ nɛ a ma ha nyɛ ji Yona nɔ́ ɔ.” Kɛkɛ nɛ Yesu je a he, nɛ e pue nɔ kɛ ho.

Mateo 17:17

Yesu he nɔ ke, “Nyɛ yi nɔ yayami bi nɛ nyɛ be hemi kɛ yemi! Mɛni be i kɛ nyɛ maa hi si kɛ yaa si? Mɛni be ma to ye tsui si ha nyɛ kɛ yaa si? Nyɛɛ ngɔ jokuɛ ɔ kɛ ba ye ngɔ ngɛ hiɛ ɔ.”

Mateo 23:36

Niinɛ, i ngɛ nyɛ dee ke, tue gblami nɛ ɔ maa ba yi nɔ bi nɛ ɔmɛ tsuo a nɔ!

Mateo 3:7

Benɛ Yohane na kaa Farisi bi, kɛ Saduki bi babauu ma e ngɔ nɛ e sɔle mɛ ɔ, e de mɛ ke, “Nyɛ sinɔhi a nina, mɛnɔ wo nyɛ ga ke nyɛɛ tu fo ngɛ tue gblami nɛ Mawu kɛ ma nyɛ nɔ ɔ nya.

Marko 10:14

Benɛ Yesu na a, e tsui fia, nɛ e de e kaseli ɔmɛ ke, “Nyɛ ha jokuɛwi ɔmɛ nɛ a ba ye ngɔ; nyɛ ko tsi mɛ blɔ, ejakaa nihi nɛ ngɛ kaa ni nɛ ɔmɛ a nɔ ji Mawu matsɛ yemi ɔ nɛ.

Marko 10:49

Yesu da si, nɛ e ke, “Nyɛ tsɛ lɛ kɛ ba!” Kɛkɛ nɛ a tsɛ hɛ yuyuilɔ ɔ, nɛ a de lɛ ke, “Na tsui; tee si, e ngɛ mo tsɛe!”

Marko 9:19

Yesu de mɛ ke, “Nyɛ yi nɔ nɛ ɔ bi nɛ nyɛ he we Mawu yi! Mɛni be i kɛ nyɛ maa hi si kɛ yaa si? Mɛni be ma to ye tsui si ha nyɛ kɛ ya su? Nyɛɛ ngɔ jokuɛ nyumuyo ɔ kɛ ba ye ngɔ.”

Luka 8:25

Kɛkɛ nɛ Yesu bi e kaseli ɔmɛ ke, “Jije nyɛ hemi kɛ yemi ɔ ngɛ?” Se kaseli ɔmɛ a he mi po, nɛ a ye gbeye, nɛ a de a sibi ke, “Mɛni nɔmlɔ po ji nɛ ɔ? E ngaa kɔɔhiɔ, kɛ nyu tete po yi, nɛ a buɔ lɛ tue!”

Luka 9:40

I kpa o kaseli ɔmɛ pɛɛ ke a hia mumi yayami ɔ, se a nyɛ we.”

Luka 9:42

Benɛ jokuɛ ɔ ma a, mumi yayami ɔ po lɛ fɔ si, nɛ e ha e lua gaganii. Se Yesu nga mumi ɔ yi, nɛ e tsa jokuɛ ɔ, nɛ e ngɔ lɛ ngɔ ha e tsɛ ɔ ekohu.

Yohane 14:9

Yesu he nɔ ke, “Filipo, be babauu nɛ i kɛ nyɛ hi si nɛ ɔ, kɛ pee kɛɛ nɛ o li mi ɔ? Nɔ tsuaa nɔ nɛ na mi ɔ, e na Tsɛ ɔ. Mɛni he je mɔ nɛ o deɔ ke ma tsɔɔ nyɛ Tsɛ ɔ?

Yohane 20:27

Jehanɛ, e de Toma ke, “Ngɔɔ o nine nguɛ ba slaa ye dɛ mi nɛ o hyɛ; nɛ o kɛ o nine ba hɔ ye kasa mi. Kpa nɔ jemi, nɛ o he ye!”

Ni Tsumi 13:18

E to e tsui si ha mɛ, nɛ e hyɛ a nɔ ngɛ nga a nɔ maa pee jeha nyingmi eywiɛ.

Ni Tsumi 2:40

Petro tu munyu kpahi fuu kɛ ye odase, nɛ e kɛ wo mɛ ga ke, “Tue gblami nɛ yi nɔ nɛ ɔ bi yayami peeli ma na a, nyɛɛ hyɛ saminya nɛ e kó ba nyɛ nɔ.”

Romabi 2:4

O bui nɔ́! Mɛni he je ɔ, Mawu mi mi jɔ, e naa nɔ he tsui, nɛ e toɔ e tsui si. Blɔɔ o li kaa Mawu mi mi jɔ ha mo konɛ o tsake o tsui lo?

Mose V, 32:5

Se nyɛɛ lɛɛ, nyɛ yi nyɛ siwo nɔ, nɛ nyɛ sɛ kulaa kaa nyɛ peeɔ e ma. Ma nɛ peeɔ yayami, nɛ sisiɔ nɔ ji nyɛ.

Hebribi 3:19

Lɔ ɔ he ɔ, wa naa kaa a nyɛ we nɛ a ya su lejɛ ɔ; ejakaa a he we Mawu yi.

Hebribi 4:11

Lɔ ɔ he ɔ, nyɛ ha nɛ waa bɔ mɔde, konɛ wa nine nɛ su he jɔɔmi nɛ ɔ nɔ, nɛ nɔ ko kó gbo tue kaa mɛ, nɛ e ba laa blɔ.

Hebribi 4:2

Ejakaa wɔ hu a fiɛ sane kpakpa a ngɔ tsɔɔ wɔ kaa bɔ nɛ a fiɛ ngɔ tsɔɔ mɛ ɔ nɔuu. A nu sɛ gbi ɔ lɛɛ, se e he ya bɛ se nami ha mɛ; ejakaa ni nɛmɛ nɛ nu ɔ ngɔɛ a hɛ kɛ fɔɛ nɔ́ nɛ a nu ɔ nɔ.

Hebribi 7:25

Lɔ ɔ he ɔ, nihi tsuo nɛ maa gu e nɔ kɛ ba Mawu ngɔ, amlɔ nɛ ɔ jio, hwɔɔ se jio, e ma he a yi wami. Ejakaa e ngɛ kɛ yaa neneene, nɛ e ngɛ Mawu pɛɛ kpae ha mɛ.