Luka 9:33 - BAIBLO ALOO NGMAMI KLƆUKLƆU Ɔ

³³ Benɛ nyumu ɔmɛ ngɛ Yesu sie ɔ, Petro de lɛ ke, “Nyɔmtsɛ, e hi kaa wa ngɛ hiɛ ɔ! Wa maa ma bo tsu etɛ, o nɔ́ kake, Mose nɔ́ kake, kɛ Eliya hu nɔ́ kake.” (Se e li nɔ́ nɛ e ngɛ dee tete).

Somi He Ɔ

³³ Nɛ benɛ ni ɔmɛ ngɛ Yesu sie ɔ, Petro de Yesu ke: “Tsɔɔlɔ, e hi kaa waa hi hiɛ ɔ, nɛ ha nɛ waa ma bo tsu etɛ, o nɔ kake kɛ Mose nɔ kake kɛ Elia nɔ kake;” se e li nɔ nɛ e ngɛ dee ɔ.

Luka 9:33 ပူးပေါင်းရင်းမြစ်များ

La 27:4

Nɔ́ kake kɛkɛ lɛ i bi Yawɛ; nɔ́ kake pɛ lɛ i ngɛ hlae ngɛ e dɛ. Lɔ ɔ ji kaa ma hi Yawɛ we ɔ ye wami be ɔ tsuo; ma na Yawɛ he fɛu ɔ, nɛ ma fa kue ngɛ e we ɔ.

La 73:28

Se imi lɛɛ e hi kaa ma hɛ mi kɛ su Mawu he. Ma ya sa we ngɛ Nyɔmtsɛ Yawɛ ngɔ, nɛ ma sɛɛ níhi nɛ e pee ɔ tsuo.

Mateo 17:14

Benɛ a kpale kɛ ba nimli kpekpemi ɔ a ngɔ ɔ, nyumu ko ba Yesu ngɔ ba kpla si ngɛ e hɛ mi,

Mateo 17:4

Kɛkɛ nɛ Petro de Yesu ke, “Nyɔmtsɛ, e hi kaa wa ngɛ hiɛ ɔ! Ke o suɔ ɔ, ma pee bo tsu etɛ ngɛ hiɛmɛ nɛ ɔ, o nɔ kake, Mose nɔ́ kake, kɛ Eliya hu nɔ́ kake.”

Marko 10:38

Yesu de mɛ ke, “Nyɛ li nɔ nɛ nyɛ ngɛ bie ɔ. Amanehlu kplu nɛ ma nu ɔ, anɛ nyɛ ma nyɛ nu lo? Nɔ sɔlemi nɛ a kɛ maa sɔle mi ɔ, anɛ nyɛ ma nyɛ lo!”

Luka 5:5

Simon he nɔ ke, “Nyɔmtsɛ, wa tsu ní wawɛɛ nyɔ nɛ ɔ mi tsuo, nɛ wa nɛ nɔ́ ko. Se kɛ̃, akɛnɛ mo lɛ o de ɔ, ma pue ya a.”

Luka 9:34

Benɛ e ngɛ munyu ɔ tue kɛ mwɔɔ ɔ, bɔku ko ba ha a nɔ, nɛ kaseli ɔmɛ ye gbeye.

Luka 9:49

Yohane de ke, “Nyɔmtsɛ, wa na nyumu ko nɛ ngɔ o biɛ kɛ ngɛ mumi yayami hiae, nɛ wa de lɛ ke e kpa, ejakaa pi e kɛ wɔ nɛ ngɛ nyɛɛe.”

Yohane 14:8

Filipo de lɛ ke, “Nyɔmtsɛ, tsɔɔ wɔ Tsɛ ɔ, kɛkɛ nɔ ko be wɔ hiae hu.”

2 Korintobi 4:6

Mawu lɛ de ke, “La nɛ tso kɛ je diblii mi.” Lɛ Mawu ɔ nɔuu lɛ haa la kpɛɔ ngɛ wa tsui mi. Nɛ la nɛ ɔ haa wa leɔ Mawu hɛ mi nyami nɛ kpɛɔ ngɛ Kristo hɛ mi ɔ.