Luka 9:12 - BAIBLO ALOO NGMAMI KLƆUKLƆU Ɔ

¹² Gbɔkuɛ nya si haa a, kaseli nyɔngma kɛ enyɔ ɔmɛ ba e ngɔ, nɛ a ba de lɛ ke, “Hyɛ, ngapa lɛ wa ngɛ nɛ ɔ nɛ! Wo ni ɔmɛ blɔ kɛ ya kɔpehi, kɛ ma amɛ nɛ bɔle wɔ nɛ ɔ a mi, konɛ a ya hla niye ní kɛ hwɔ he.”

Somi He Ɔ

¹² Benɛ je bɔni jɔmi ɔ, ni nyɔngma kɛ enyɔ ɔ ba e ngɔ nɛ a ba de lɛ ke: “Wo asafo ɔ blɔ konɛ a ya ma amɛ kɛ kɔpehi nɛ bɔle wɔ nɛ ɔmɛ a mi nɛ a ya to lejɛ ɔ nɛ a na niyeni ejakaa nga mi wa ngɛ nɛ ɔ nɛ.”

Luka 9:12 ပူးပေါင်းရင်းမြစ်များ

Mateo 15:23

Se Yesu pui e nya mi. Kɛkɛ nɛ kaseli ɔmɛ ba e ngɔ nɛ a ba kpa lɛ pɛɛ ke, “Yo nɛ ɔ ngɛ ngmlaa kpae kɛ nyɛɛ wa se! Wo lɛ blɔ nɛ e ho!”

Hosea 13:5

Imi nɛ i hyɛ nyɛ nɔ ngɛ nga kplanaa a nɔ, he nɛ nyu ko nyu ko be.

Yohane 6:1

Enɛ ɔmɛ a se ɔ, Yesu po Galilea taku ɔ nɛ a tsɛɛ Tiberia taku hulɔ ɔ.

Mateo 15:32

Yesu tsɛ e kaseli ɔmɛ kɛ ba e ngɔ, nɛ e de mɛ ke, “Ye mi mi ngɛ mi sããe ngɛ nimli kpekpemi nɛ ɔmɛ a he. Ligbi etɛ sɔuu ji nɛ ɔ nɛ a kɛ mi ngɛ, nɛ a be nɔ́ ko nɛ a maa ye. I sume kaa ma wo mɛ blɔ kɛ ho kɛ hwɔ; eko piɔ klibi ma ya po mɛ ngɛ blɔ ɔ nɔ.”

Ezekiel 34:25

I kɛ mɛ maa so tue mi jɔmi somi. Ma fie lohwe awi yeli tsuo kɛ je zugba a nɔ, konɛ a hi si ngɛ nga a nɔ ngɛ tue mi jɔmi mi, nɛ a hwɔ mahe fuaa.

Mateo 14:13

Benɛ Yesu nu kaa a gbe Yohane ɔ, e ya sɛ lɛ mi, nɛ e je lejɛ ɔ kɛ ho he ko banee ya. Nihi babauu nu he, nɛ a je a ma amɛ a mi, nɛ a gu zugba blɔ kɛ nyɛɛ e se.

Luka 9:11

Benɛ nimli kpekpemi ɔ nu he ɔ, a bu kɛ nyɛɛ e se. E he mɛ hɛmuɔ, nɛ e kɛ mɛ tu Mawu matsɛ yemi ɔ he munyu; nɛ e tsa nihi nɛ tsami he hia mɛ.

Luka 9:13

Se Yesu de mɛ ke, “Nyɛ nitsɛmɛ nyɛ ha mɛ nɔ́ ko nɛ a ye.” A he nɔ ke, “Abolo enuɔ, kɛ lo enyɔ pɛ wa ngɛ. Wa tsa be nyɛe ma ya he niye ní ba ha ma kpekpemi nɛ ɔ tsuo!”

Filipibi 1:19

ejakaa i le kaa Mawu pɛɛ nɛ nyɛ ngɛ kpae, kɛ he wami nɛ Yesu Kristo mumi ɔ haa a, ma kpɔ mi.