Luka 9:11 - BAIBLO ALOO NGMAMI KLƆUKLƆU Ɔ

¹¹ Benɛ nimli kpekpemi ɔ nu he ɔ, a bu kɛ nyɛɛ e se. E he mɛ hɛmuɔ, nɛ e kɛ mɛ tu Mawu matsɛ yemi ɔ he munyu; nɛ e tsa nihi nɛ tsami he hia mɛ.

Somi He Ɔ

¹¹ Se benɛ asafo ɔ na lɛ ɔ, a bu e nɔ. E he mɛ hɛmuɔ nɛ e fiɛ Mawu matsɛ yemi ɔ he sane tsɔɔ mɛ, nɛ e tsa nihi nɛ tsami he hia mɛ ɔ.

Luka 9:11 ပူးပေါင်းရင်းမြစ်များ

Yesaya 61:1

Nyɔmtsɛ Yawɛ mumi ɔ ngɛ ye nɔ; Yawɛ pɔ mi nu, nɛ e tsɔ mi, konɛ ma ngɔ manye munyu ya ha nihi nɛ a ní ngɛ mɔbɔ ɔ; nɛ ma wo kɔmɔ yeli a bua; nɛ ma ya de nihi nɛ a nuu mɛ nyɔguɛ ɔ ke a he yemi be su ta, kɛ ni nɛmɛ nɛ a wo mɛ tsu ɔ ke a jémi be su ta.

Mateo 12:15

Benɛ Yesu nu kaa a so e yi nɔ ɔ, e sã e he si kɛ je lejɛ ɔ, se nihi babauu nyɛɛ e se. E tsa nihi tsuo nɛ be he wami ɔ,

Mateo 14:14

Yesu je kpo ngɛ lɛ ɔ mi, nɛ benɛ e na ni ɔmɛ ɔ, e mi mi sã lɛ ngɛ a he, nɛ e tsa a kpɛti hiɔtsɛmɛ ɔmɛ.

Mateo 21:31

Lɔ ɔ he ɔ, ni enyɔ nɛ ɔmɛ a kpɛti mɛnɔ lɛ pee nɔ́ nɛ a tsɛ ɔ suɔ?” A he nɔ ke, “Nɔkɔtɔma a.” Yesu de mɛ ke, “Niinɛ, i ngɛ nyɛ dee ke, tó tsuli ɔmɛ, kɛ ajuama amɛ sɛ nyɛ hlami kɛ yaa Mawu matsɛ yemi ɔ mi.

Mateo 21:43

Yesu ya nɔ nɛ e de mɛ ke, “Lɔ ɔ he ɔ, i ngɛ nyɛ dee ke, a ma kpɔ Mawu matsɛ yemi ɔ ngɛ nyɛ dɛ, nɛ a kɛ ma ha ma je li a ma ko nɛ maa wo yiblii bɔ nɛ sa.” [

Luka 1:53

E ha hwɔ hwɔli ní kpakpahi nɛ a ye, nɛ a tɔ; se niatsɛmɛ lɛɛ e fie mɛ kɛ ho kɛ a dɛ gu.

Luka 5:31

Yesu de mɛ ke, “Nihi nɛ ngɛ he wami ɔ, e hia we mɛ tsopatsɛ; nihi nɛ be he wami ɔ, mɛ mohu lɛ tsopatsɛ hia.

Luka 8:1

Enɛ ɔ se ɔ, Yesu ya kpa mahi, kɛ kɔpehi a mi, nɛ e fiɛ sane kpakpa a nɛ kɔɔ Mawu matsɛ yemi ɔ he ngɔ tsɔɔ nihi. Ni nyɔngma kɛ enyɔ ɔmɛ piɛ e he,

Luka 8:10

e de mɛ ke, “Nyɛɛ lɛɛ a ha nyɛ he blɔ kaa nyɛɛ le laami sanehi nɛ ngɛ Mawu matsɛ yemi ɔ mi. Se ni kpa amɛ lɛɛ abɛ gbi mi nɛ a deɔ mɛ laami sane ɔmɛ ngɛ. Lɔ ɔ he ɔ, a maa hyɛ, se a be nae; a maa nu se a be sisi nue.”

Luka 9:10

Bɔfo ɔmɛ kpale a se kɛ ba, nɛ a ba sɛɛ níhi tsuo nɛ a ya pee ɔ ngɔ ha Yesu. Jehanɛ ɔ, e kɛ mɛ pɛ pue nɔ kɛ ho ma ko nɛ a tsɛɛ Betsaida a ya.

Luka 9:12

Gbɔkuɛ nya si haa a, kaseli nyɔngma kɛ enyɔ ɔmɛ ba e ngɔ, nɛ a ba de lɛ ke, “Hyɛ, ngapa lɛ wa ngɛ nɛ ɔ nɛ! Wo ni ɔmɛ blɔ kɛ ya kɔpehi, kɛ ma amɛ nɛ bɔle wɔ nɛ ɔ a mi, konɛ a ya hla niye ní kɛ hwɔ he.”

Luka 9:2

Kɛkɛ nɛ e tsɔ mɛ ke a ho nɛ a ya fiɛ Mawu matsɛ yemi ɔ he munyu ɔ, nɛ a tsa hiɔtsɛmɛ.

Yohane 4:34

Yesu de mɛ ke, “Ye niye ní ji kaa ma pee nɔ nɛ tsɔ mi ɔ suɔmi nya ní; nɛ́ nɔ́ nɛ e tsɔ mi tsumi ɔ, ma gbe nya.

Yohane 6:37

Nɔ tsuaa nɔ nɛ Tsaatsɛ ngɔ ha mi ɔ maa ba ye ngɔ. Nɔ tsuaa nɔ nɛ baa ye ngɔ ɔ, i be lɛ fiee kɔkɔɔkɔ.

Ni Tsumi 28:31

E fiɛɛ Mawu matsɛ yemi ɔ he sane, nɛ e tsɔɔ mɛ Nyɔmtsɛ Yesu Kristo he sane. E tu munyu kɛ kã nɛ gbeye yemi ko be e mi; nɛ nɔ ko nɔ ko hu tsi we lɛ blɔ.

Romabi 10:14

Se kɛ maa pee kɛɛ nɛ a ma kpa ngmlaa kɛ tsɛ nɔ nɛ a he we lɛ yi ɔ? Nɛ kɛ maa pee kɛɛ nɛ a ma he nɔ nɛ a nui e he sane ɔ ye? Jehanɛ hu kɛ maa pee kɛɛ nɛ a maa nu, ke nɔ ko fiɛ we ha mɛ?

Romabi 10:17

Lɔ ɔ ji kaa ja a fiɛ Kristo he sane ɔ loko nɔ ko maa nu. Nɛ ja nɔ ko nu sane ɔ loko e ma he ye.

Romabi 15:3

Ejakaa Kristo hu pee we lɛ nitsɛ e suɔmi nya ní; se mohu ngmami ɔ ke, “Níhi nɛ a de kɛ bɔ mo ahlua a, imi mohu ye hɛ mi si a pue.”

2 Timoteo 4:2

Lɔ ɔ he ɔ, yaa nɔ nɛ o fiɛ sɛ gbi ɔ be tsuaa be nɛ o ko kpa. Ke o ngɛ munyu ɔ fiɛe ɔ, ná tsui kɛ tsɔɔ tue buli ɔmɛ nɔ́ nya konɛ a na nya saminya. Ka ni ɔmɛ a hɛ mi, nɛ o wo mɛ ga ngɛ be nɛ sa mi.

Hebribi 4:16

Lɔ ɔ he ɔ, nyɛ ha waa kɛ kã nɛ hɛ wɔ kɛ su Mawu dloomi sɛ ɔ he, bɔ nɛ pee nɛ a na wɔ mɔbɔ, nɛ wa na dloomi nɛ maa ye bua wɔ ngɛ be nɛ sa mi.