Luka 8:6 - BAIBLO ALOO NGMAMI KLƆUKLƆU Ɔ

⁶ Ekomɛ ya pue tɛ zugba mi, nɛ benɛ a puɛ ɔ, a ngla amlɔ ɔ nɔuu, ejakaa a nɛ zugba jɔjɔɛ.

Somi He Ɔ

⁶ Eko ya nɔ tɛ sa nɔ, nɛ amlɔ nɛ e puɛ ɔ, e ngla ejakaa e nɛ zugba jɔjɔɛ.

Luka 8:6 ပူးပေါင်းရင်းမြစ်များ

Yeremia 5:3

Anɛ pi anɔkuale yemi pɛ nɛ Yawɛ suɔ lo? Yawɛ fia nyɛ ní, se nyɛ bui fɛɛ. Yawɛ kpata nyɛ hɛ mi, se nyɛ kase we ní kɛ ji mi. Nyɛ kplii nyɛ tsui kaa tɛ sa, nɛ nyɛ kpale we kɛ ji nyɛ yayami ɔmɛ a se.

Ezekiel 11:19

Ma ha mɛ tsui he, kɛ juɛmi he. Ma je tsui nɛ wa kaa tɛ ɔ kɛ je a mi, nɛ ma ha mɛ tsui nɛ he jɔ, tsui nɛ buɔ tue;

Ezekiel 36:26

Ma ha nyɛ tsui he, kɛ juɛmi he. Nyɛ tsui nɛ wlua kaa tɛ ɔ, ma je kɛ je nyɛ mi, nɛ ma ha nyɛ tsui nɛ he jɔ.

Amos 6:12

Anɛ okpɔngɔhi ma nyɛ maa tu fo ngɛ tɛ sa nɔ lo? Dɛbi! Anɛ nɔ ko ma nyɛ ma hu wo mi kɛ na kpakplaa lo? Dɛbi! Se nyɛɛ lɛɛ nyɛ tsake dami sane yemi kɛ pee duɔ; nyɛ tsake nɔ́ nɛ da kɛ pee nɔ́ nɛ dɛ.

Luka 8:13

Wuhi nɛ ya pue tɛ zugba mi ɔ daa si ha nihi nɛ ke a nu munyu ɔ, a heɔ kɛ bua jɔmi, se e he we si ngɛ a tsui mi. A heɔ yeɔ be kuku kɛkɛ, se ke haomi ba a nɔ kɛkɛ a hemi kɛ yemi ta.

Luka 8:5

“Ligbi ko ɔ, nyumu ko pue nɔ kɛ ho e ngmɔ mi ya nɛ́ e ya fĩa ní. Benɛ e ngɛ wu ɔ fĩae ɔ, ekomɛ ya pue blɔ mi, nɛ nihi naa nɔ, nɛ lohwe pɛlitsɛmɛ ba ye.

Luka 8:7

Ekomɛ hu ya pue mio mi, nɛ mio ɔ, kɛ wu ɔmɛ puɛ fiee, nɛ a gbe wu ɔmɛ.

Hebribi 3:15

Kaa bɔ nɛ ngmami ɔ deɔ ɔ, “Mwɔnɛ ɔ, ke nyɛ nu e gbi ɔ, nyɛ ko wa tue kaa bɔ nɛ nyɛ nɛmɛ ɔmɛ pee benɛ a tsɔ Mawu hɛ mi atuã a.”