Luka 8:5 - BAIBLO ALOO NGMAMI KLƆUKLƆU Ɔ

⁵ “Ligbi ko ɔ, nyumu ko pue nɔ kɛ ho e ngmɔ mi ya nɛ́ e ya fĩa ní. Benɛ e ngɛ wu ɔ fĩae ɔ, ekomɛ ya pue blɔ mi, nɛ nihi naa nɔ, nɛ lohwe pɛlitsɛmɛ ba ye.

Somi He Ɔ

⁵ “Nidulɔ ko pue nɔ kɛ ho e wuhi fiami ya. Nɛ benɛ e ngɛ wu ɔmɛ fiae ɔ, eko ya nɔ blɔ tue nɛ a naa nɔ, nɛ hiɔwe lohwe pɛlitsɛmɛ ba ba kukuɔ.

Luka 8:5 ပူးပေါင်းရင်းမြစ်များ

Mose I, 15:11

Okpokuhi ba sɔ̃ lohwe gbogboe ɔmɛ a nɔ, se Abram fie mɛ kɛ je lejɛ ɔ.

La 119:118

Nihi tsuo nɛ yi o mlaa amɛ a nɔ ɔ, niinɛ, o bui a he akɔtaa; ga yayahi nɛ a kɛ sisiɔ nɔ ɔ peeɔ yaka.

Mateo 13:37

Yesu he nɔ ke, “Nɔ nɛ du wu kpakpa a ji Nɔmlɔ Bi ɔ nɛ.

Mateo 5:13

“Nyɛ ngɛ kaa ngo kɛ ha je ɔ. Se ke ngo nya nyu gbo ɔ, mɛni a kɛ ma futu lɛ, nɛ e maa dooɔ ekohu? E he be se nami hu kaa ja a tsɛ̃ pue he, nɛ nimli naa nɔ.

Marko 4:15

Ni komɛ ngɛ kaa wu nɛ ya nɔ blɔ mi. Ke a nu munyu ɔ, kɛkɛ Abosiami ba je munyu ɔ ngɛ a mi.

Luka 8:4

Nihi ngɛ Yesu ngɔ bae kpamisa kɛ je ma slɔɔtohi a mi; nɛ benɛ nihi babauu ba bua a he nya a, Yesu sɛɛ mɛ ní nɛ ɔ ngɛ abɛ gbi mi ke,

Luka 8:6

Ekomɛ ya pue tɛ zugba mi, nɛ benɛ a puɛ ɔ, a ngla amlɔ ɔ nɔuu, ejakaa a nɛ zugba jɔjɔɛ.

Hebribi 2:1

Enɛ ɔ he ɔ, e sa kaa waa pɛtɛ níhi nɛ wa nu ɔ a he saminya, konɛ wa ko gba kɛ je he.