Luka 8:44 - BAIBLO ALOO NGMAMI KLƆUKLƆU Ɔ

⁴⁴ Yo nɛ ɔ ba je Yesu se je, nɛ e ta Yesu tade ɔ nya fiami ɔ he; nɛ amlɔ ɔ, muɔ nɛ ngɛ dɛe ngɛ e he ɔ se po.

Somi He Ɔ

⁴⁴ ba je Yesu se je nɛ e ta e tade nya fiami ɔ he, nɛ amlɔ ɔ e muɔ dɛmi ɔ se po.

Luka 8:44 ပူးပေါင်းရင်းမြစ်များ

Mose II, 15:26

E de mɛ ke, “Ke nyɛ maa bu Yawɛ, nyɛ Mawu ɔ tue, nɛ nyɛ maa pee nɔ́ nɛ da ngɛ e hɛ mi, nɛ nyɛ maa ye e kita amɛ, kɛ e mlaa amɛ tsuo a nɔ ɔ, lɛɛ hiɔ ɔmɛ nɛ i kɛ gbla Egipt bi ɔmɛ a tue ɔ, ekoeko be nyɛ nɔ bae. Imi ji Yawɛ; imi ji nyɛ tsalɔ.”

Malaki 4:2

Se nyɛ nɛ nyɛ yeɔ mi gbeye ɔ, nyɛɛ lɛɛ ye he wami nɛ nya wa a ma tsa nyɛ, nɛ nyɛ yi ma na wami kaa bɔ nɛ pu la tsaa hiɔtsɛ ɔ. Nyɛ he mi maa jɔ nyɛ, nɛ nyɛ ma na bua jɔmi kaa na bihi nɛ a bli mɛ nɛ a ngɛ tuue kɛ je tsu mi.

Mateo 20:34

Yesu mi mi sã lɛ ngɛ a he, nɛ e ta a hɛngmɛ ɔmɛ a he. Amlɔ nɔuu ɔ, a hyɛ nɔ́ ekohu, nɛ a nyɛɛ e se.

Mateo 8:3

Yesu kpã e nine mi, nɛ e ta nɔ ɔ he, nɛ e de lɛ ke, “I suɔ; o he nɛ tsɔ!” Amlɔ nɔuu ɔ, hiɔ ɔ ta ngɛ e he.

Mateo 9:20

Yo ko nɛ muɔ ngɛ bee ngɛ e he jeha nyɔngma kɛ enyɔ sɔuu ba je Yesu se tlukaa. Kɛkɛ nɛ e ta Yesu tade ɔ nya a he.

Marko 6:56

He tsuaa he nɛ Yesu ya a, kɔpe mi jio, ma mi jio, ngmɔ si jio, a kɛ hiɔtsɛmɛ ba pueɔ ma nɔ, nɛ a kpaa lɛ pɛɛ konɛ e ha nɛ a ta e tade ɔ nya kɛkɛ he; nɛ nihi abɔ nɛ ta he ɔ na he wami.

Luka 13:13

E ngɔ e nine kɛ pue yo ɔ nɔ, nɛ amlɔ nɔuu ɔ, e mi kpã, nɛ e da tlɔmɔɔ, nɛ e je Mawu yi.

Luka 7:38

E ba da si ngɛ Yesu nane he, ngɛ e se je, nɛ e bɔni ya fomi; nɛ vo nyu ɔ pue Yesu nane ɔmɛ a nɔ. Kɛkɛ nɛ e kɛ e yi bwɔmi tsu Yesu nane ɔmɛ a he; e fiɔ he, nɛ e plɛ nu kɛ e he via a kɛ pue nɔ.

Luka 8:43

Yo ko ngɛ ni ɔmɛ a kpɛti nɛ muɔ ngɛ dɛe ngɛ e he jeha nyɔngma kɛ enyɔ sɔuu. Se nɔ ko nɔ ko nyɛ we nɛ e tsa lɛ.

Luka 8:45

Kɛkɛ nɛ Yesu bi ke, “Mɛnɔ lɛ ta ye he ɔ?” Ni ɔmɛ tsuo ke, “Kpaoo!” Kɛkɛ nɛ Petro de ke, “Nyɔmtsɛ, ma kpekpemi nitsɛnitsɛ lɛ bɔle mo kɛ kpe nɛ a tɔtɔ nihi babauu mo ɔ nɛ!”

Yohane 5:13

Se nɔ nɛ a tsa lɛ ɔ li Yesu; nɛ pohu nihi babauu ngɛ lejɛ ɔ, lɔ ɔ he ɔ, Yesu sã e he nɛ e je.

Ni Tsumi 19:12

A ngɔɔ dukuhi, kɛ tade hɛ mi hami bohi tete nɛ Paulo he sa he kɛ ya haa hiɔtsɛmɛ a nɔ, kɛkɛ ɔ, hiɔ taa; nɛ mumi yayami ɔmɛ jee a mi.

Ni Tsumi 5:15

Nyakpɛ níhi nɛ bɔfo ɔmɛ pee he je ɔ, ke pee ɔ, nihi ngɔɔ hiɔtsɛmɛ kɛ a sa kɛ baa gbɛjegbɛ tue, konɛ ke Petro bee ɔ, e nini kɛkɛ po nɛ nɔ a nɔ.

Mose V, 22:12

“Moo kpɛ deke kɛ wo bo nɛ o haa a nya eywiɛ ɔmɛ tsuo.