Luka 8:43 - BAIBLO ALOO NGMAMI KLƆUKLƆU Ɔ

⁴³ Yo ko ngɛ ni ɔmɛ a kpɛti nɛ muɔ ngɛ dɛe ngɛ e he jeha nyɔngma kɛ enyɔ sɔuu. Se nɔ ko nɔ ko nyɛ we nɛ e tsa lɛ.

Somi He Ɔ

⁴³ Nɛ yo ko nɛ muɔ ngɛ dɛe ngɛ e he jeha nyɔngma kɛ enyɔ, nɛ e puɛ e nihi tsuo kulaa kɛ ha tsopatsɛmɛ, nɛ nɔ ko nɔ ko nyɛ we lɛ nɛ e tsa a,

Luka 8:43 ပူးပေါင်းရင်းမြစ်များ

Luka 13:16

Hyɛ, yo nɛ ɔ, Abraham nina ji lɛ, nɛ Satan bɔ lɛ pã jeha nyɔngma kɛ kpaanyɔ sɔuu. Anɛ e sɛ kaa a jeɔ lɛ ngɛ pã mi Hejɔɔmi ligbi ɔ lo?”

Yohane 9:1

Benɛ Yesu nyɛɛ kɛ yaa a, e na nyumu ko nɛ hɛ yu kɛ je be nɛ a fɔ lɛ.

Luka 13:11

Yo ko ngɛ ni ɔmɛ a kpɛti nɛ mumi yayami wo lɛ hiɔ jeha nyɔngma kɛ kpaanyɔ sɔuu; lɔ ɔ ji e kpɛ, nɛ e nyɛ we nɛ e kpãã e mi kulaa.

Luka 8:27

Benɛ Yesu ba kple ɔ, nyumu ko nɛ mumi yayamihi ngɛ e mi je ma a mi, nɛ e kɛ lɛ ba kpe. Daa nɛ ɔ, nyumu nɛ ɔ hɛɛ e he gu; e hí we mi, se mohu yɔkɔhi a mi nɛ e hii.

Yesaya 2:22

Nyɛ ko ngɔ nyɛ hɛ ngɔ fɔ nɔmlɔ adesa nɔ. Tlukaa kɛkɛ e mumi je e mi, nɛ e he be se nami hu.

Kronika II, 16:12

Benɛ Asa ye jeha nyingmi etɛ kɛ nɛɛ ngɛ matsɛ sɛ ɔ nɔ ɔ, nane hiɔ nɛ nya wa wawɛɛ ko ba bu lɛ si. Se e kɛ e kɔmɔ ɔ yɛ Yawɛ hɛ mi; tsopa peeli mohu a ngɔ lɛ e ya.

Ni Tsumi 4:22

Nɔmlɔ nɛ a gu kikɛmɛ a nyakpɛ blɔ nɔ kɛ tsa lɛ ɔ ye pe jeha nyingmi eywiɛ.

Ni Tsumi 3:2

Nyumu ko nɛ kplɔ kɛ je e fɔmi mi hii si ngɛ sɔlemi we ɔ we agbo nɛ a tsɛɛ Agbo Saminyayoo ɔ nya ngɛ lejɛ ɔ. Daa ligbi ɔ, a woɔ nyumu nɛ ɔ kɛ baa agbo ɔ nya, nɛ e ba baa ní ngɛ nihi nɛ yaa sɔlemi we ɔ a dɛ.

Yohane 9:21

Se bɔ nɛ ba nɛ e ngɛ nɔ hyɛe amlɔ nɛ ɔ, lɔ ɔ lɛɛ wa li; nɛ nɔmlɔ nɛ ha nɛ e bɔni nɔ́ hyɛmi ɔ hu wa li lɛ. Nyɛ bi lɛ; e wa nɛ lɛ nitsɛ e ma nyɛ je munyu nya.”

Marko 9:18

He tsuaa he nɛ e maa nu lɛ ngɛ ɔ, e tsɛ̃ɛ̃ lɛ fiaa si; e nya mi fiaa hwɔli, nɛ e kpeɔ e lungu nya, nɛ e luaa gaganii. I de o kaseli ɔmɛ nɛ a hia mumi ɔ kɛ je e mi ɔ, a nyɛ we.”

La 108:12

Piɛ wa he, konɛ waa kɛ he nyɛlɔ ɔ nɛ to ní. Ejakaa nɔmlɔ adesa he wami pi nɔ́ ko!

Hiob 13:4

Nyɛɛ lɛɛ pe nyɛ poɔ sane deɔ; nyɛ tsuo nyɛ ngɛ kaa tsopatsɛmɛ nɛ a he be se nami.

Marko 12:44

Ejakaa ni ɔmɛ tsuo ɔ, nɔ́ nɛ a ná nɛ be nɔ ɔ eko a kɛ ba wo mi, se yo nɛ ɔ lɛɛ e we ohia mi ní tsuo e kɛ ba wo mi ɔ nɛ.”

Luka 8:42

ejakaa e biyo kake too nɛ ye maa pee jeha nyɔngma kɛ enyɔ ɔ miɔ nɛ e ma gbo. Benɛ Yesu yaa a, ni ɔmɛ tɔtɔ lɛ.

Luka 8:44

Yo nɛ ɔ ba je Yesu se je, nɛ e ta Yesu tade ɔ nya fiami ɔ he; nɛ amlɔ ɔ, muɔ nɛ ngɛ dɛe ngɛ e he ɔ se po.