Luka 8:38 - BAIBLO ALOO NGMAMI KLƆUKLƆU Ɔ

³⁸ Nyumu ɔ nɛ mumi yayami ɔmɛ je e mi ɔ, kpa Yesu pɛɛ ke e ha nɛ e kɛ lɛ nɛ ya. Se Yesu wo lɛ blɔ, nɛ e de lɛ ke,

Somi He Ɔ

³⁸ Nyumu ɔ nɛ mumi yayami ɔmɛ je e mi ɔ kpa Yesu pɛɛ ke e ngmɛ lɛ blɔ nɛ e kɛ lɛ nɛ hi si. Se Yesu wo lɛ blɔ nɛ e de lɛ ke:

Luka 8:38 ပူးပေါင်းရင်းမြစ်များ

La 116:12

Mɛni ma kɛ na Yawɛ si ngɛ kpakpa tsuo nɛ e pee mi ɔ he?

La 116:16

Yawɛ, o tsɔlɔ ji mi; mo lɛ i sɔmɔɔ kaa bɔ nɛ ye nyɛ pee ɔ pɛ. O je mi kɛ je gbenɔ mi.

La 27:4

Nɔ́ kake kɛkɛ lɛ i bi Yawɛ; nɔ́ kake pɛ lɛ i ngɛ hlae ngɛ e dɛ. Lɔ ɔ ji kaa ma hi Yawɛ we ɔ ye wami be ɔ tsuo; ma na Yawɛ he fɛu ɔ, nɛ ma fa kue ngɛ e we ɔ.

La 32:7

Mo ji ye laami he; o jeɔ mi kɛ jeɔ haomi mi. Mo lɛ o po piɛ kɛ bɔle mi kɛ kpe, nɛ o ha nɛ i ye ye he.

Mateo 4:24

Yesu he sane gbɛ fĩa Siria zugba a tsuo nɔ; nɛ a ngɔ hiɔtsɛmɛ, kɛ nihi nɛ ngɛ haomi slɔɔtohi a mi kɛ ba e ngɔ, nɛ e tsa mɛ: kɔkɔtsɛmɛ, hulemi hiɔtsɛmɛ, kɛ nihi nɛ mumi yayamihi ngɛ a mi.

Luka 8:28

Benɛ e na Yesu ɔ, e hia ngmlaa nɛ e ho ya kpla si ngɛ e nane nya, nɛ e kɛ ngmlaa de ke, “Yesu, Hiɔwe Mawu No ɔ Bi! Mɛni sane i kɛ mo ngɛ? I kpa mo pɛɛ, koo hao mi!”

Luka 8:37

Kɛkɛ nɛ ni ɔmɛ tsuo nɛ je jamɛ a zugba a nɔ ɔ, ba kpa Yesu pɛɛ ke e je a ngɔ nɛ e ho, ejakaa a ye gbeye wawɛɛ. Nɛ e ya sɛ lɛ ɔ mi, nɛ e kpale e se.

Luka 8:39

“Kpale o se kɛ ho we mi ya, nɛ o ya sɛɛ nɔ́ nɛ Mawu pee ha mo ɔ.” Kɛkɛ nɛ nyumu ɔ ya kpa ma a mi tsuo, nɛ e ngɛ nɔ́ nɛ Yesu pee ha lɛ ɔ fiɛe.

Filipibi 1:23

Nɔ́ enyɔ nɛ ɔmɛ a kpɛti i ngɛ. Imi nitsɛ lɛɛ i suɔ kaa ma si wami nɛ ɔ, nɛ i kɛ Kristo ya hi si, ejakaa lɔ ɔ hi kulaa pe.