Luka 8:35 - BAIBLO ALOO NGMAMI KLƆUKLƆU Ɔ

³⁵ nɛ nihi je kpo kɛ ba, konɛ a ba hyɛ. Benɛ a ba su Yesu ngɔ ɔ, a na nyumu ɔ nɛ mumi yayami ɔmɛ je e mi ɔ nɛ e hii si ngɛ Yesu nane nya. E wo tade, nɛ e hɛ mi tsɔ lɛ. Nɛ mɛ tsuo a ye gbeye.

Somi He Ɔ

³⁵ Kɛkɛ nɛ ni ɔmɛ je kpo kɛ ho nɔ́ nɛ a pee ɔ hyɛmi ya; nɛ a ba Yesu ngɔ nɛ a ba na nyumu nɛ mumi yayami ɔmɛ je e mi ɔ nɛ e hii si ngɛ Yesu nane nya nɛ e wo tade, nɛ e hɛ mi tsɔ lɛ, nɛ a ye gbeye.

Luka 8:35 ပူးပေါင်းရင်းမြစ်များ

La 51:10

Mawu, bɔɔ tsui nɛ he tsɔ ha mi; ngɔɔ mumi nɛ yeɔ mo anɔkuale kɛ wo ye mi.

Yesaya 53:12

Enɛ ɔ he je ɔ, ma ha lɛ blɔ nya nguaa ko ngɛ ni nguanguahi a kpɛti. E kɛ mɛ maa dla ta yibu ní ɔ. Ejakaa e ngɔ e wami ngɔ ha ngɛ yayami peeli babauu a nane mi; nɛ e kpa pɛɛ nɛ a ngɔ a he yayami kɛ pa mɛ.”

Mateo 4:24

Yesu he sane gbɛ fĩa Siria zugba a tsuo nɔ; nɛ a ngɔ hiɔtsɛmɛ, kɛ nihi nɛ ngɛ haomi slɔɔtohi a mi kɛ ba e ngɔ, nɛ e tsa mɛ: kɔkɔtsɛmɛ, hulemi hiɔtsɛmɛ, kɛ nihi nɛ mumi yayamihi ngɛ a mi.

Marko 5:15

A ba Yesu ngɔ, nɛ a ba na nyumu ɔ nɛ jinɛ mumi yayamihi asafo ngɛ e mi ɔ. E hii si kɛ e he tade, nɛ e hɛ mi tsɔ lɛ. Enɛ ɔ pee mɛ gbeye.

Luka 10:39

Marta ngɛ nyɛmiyo ko nɛ a tsɛɛ lɛ Maria. Maria ba hi si ngɛ Nyɔmtsɛ ɔ nane nya, nɛ e ngɛ nɔ́ nɛ e ngɛ dee ɔ tue bue.

Luka 15:17

Benɛ e hɛ mi ba tsɔ lɛ ɔ, e de e he ke, ‘Tsaatsɛ we apaatsɛmɛ ɔmɛ tsuo ngɛ niye ní babauu nɛ a pee we he nɔ́ ko, nɛ imi lɛɛ i ngɛ hiɛ ɔ, nɛ hwɔ miɔ nɛ e maa gbe mi!

Luka 2:46

Ligbi etɛne ɔ, a ya na lɛ ngɛ sɔlemi we ɔ nɛ e hii si ngɛ mlaa tsɔɔli ɔmɛ a kpɛti; e ngɛ mɛ tue bue, nɛ e ngɛ mɛ ní bie.

Luka 8:27

Benɛ Yesu ba kple ɔ, nyumu ko nɛ mumi yayamihi ngɛ e mi je ma a mi, nɛ e kɛ lɛ ba kpe. Daa nɛ ɔ, nyumu nɛ ɔ hɛɛ e he gu; e hí we mi, se mohu yɔkɔhi a mi nɛ e hii.

Luka 8:34

Benɛ nihi nɛ ngɛ kpotoo ɔmɛ hyɛe ɔ na nɔ́ nɛ ba a, a tu fo nɛ a ya sɛɛ ngɛ ma a mi, kɛ kɔpe ɔmɛ a mi,

Ni Tsumi 22:3

“Yuda no ji mi; nɛ a fɔ mi ngɛ Tarso ngɛ Kilikia mohu, se Yerusalem hiɛmɛ nɛ ɔ nɛ a lɛ mi ngɛ. Gamaliel lɛ tsɔɔ mi ní. A tsɔse mi bɔ nɛ sa ngɛ wa nɛmɛ ɔmɛ a mlaa a nya. I kplɛɛ we nɔ́ ngɛ Mawu he kaa bɔ nɛ nyɛ tsuo nyɛ ngɛ pee mwɔnɛ nɛ ɔ.

1 Yohane 3:8

Nɔ nɛ peeɔ yayami lɛɛ Abosiami bi ji lɛ, ejakaa kɛ je sisije tɔɔ nɛ Abosiami bɔni yayami peemi. Enɛ ɔ he tutuutu nɛ Mawu Bi ɔ ba a nɛ, konɛ níhi nɛ Abosiami tsu ɔ, e ba kpata lɛ tsuo hɛ mi.