Luka 8:3 - BAIBLO ALOO NGMAMI KLƆUKLƆU Ɔ

³ kɛ Yohana, Herode tsɔlɔ nɔkɔtɔma Kuza yo ɔ, kɛ Susana, kɛ yi kpahi fuu nɛ a kɛ mɛ nitsɛmɛ a níhi hyɛ Yesu, kɛ e kaseli ɔmɛ a nɔ ɔ.

Somi He Ɔ

³ kɛ Yohana, Herode tsɔlɔ nɔkɔtɔma Kusa yo ɔ, kɛ Susana, kɛ ni kpahi fuu nɛ kɛ a nihi sɔmɔɔ mɛ ɔ.

Luka 8:3 ပူးပေါင်းရင်းမြစ်များ

Kronika I, 29:14

“I kɛ ye ma a, mɛnɔmɛ ji wɔ nɛ wa ma nyɛ je wa tsui mi faa kɛ ke mo ní kaa kikɛ nɛ ɔ? Ejakaa nɔ́ tsuaa nɔ́ nɛ wa ngɛ ɔ, mo lɛ o ke wɔ. Lɔ ɔ he ɔ, mo nitsɛ o níhi wa ngɔ ba ha mo nɛ ɔ nɛ.

Yesaya 23:18

Sika nɛ e ma na kɛ je e jua yemi ɔ mi ɔ, e maa gbaa nɔ kɛ ha Yawɛ. E be nya buae kɛ to, se mohu nihi nɛ ma ba ja Yawɛ ɔ, a maa ngɔ sika nɛ ɔ kɛ he niye ní, kɛ heha ní nɛ hia mɛ.

Mateo 14:1

Jamɛ a be ɔ mi ɔ, amlaalo ɔ nɛ ngɛ Galilea nɛ a tsɛɛ lɛ Herode ɔ nu Yesu he,

Mateo 14:3

Herode ha a nu Yohane, nɛ a fi lɛ, nɛ a wo lɛ tsu ngɛ e nyɛminyumu Filipo yo Herodia he.

Mateo 14:6

Se benɛ Herode ngɛ e fɔmi ligbi yee ɔ, Herodia biyo ɔ ba do ngɛ ni ɔmɛ a hɛ mi. Nɔ́ nɛ ɔ pee Herode fɛu,

Mateo 2:11

A sɛ we ɔ mi, nɛ benɛ a na bimwɔyo ɔ, kɛ e nyɛ Maria a, a kpla si nɛ a ja bimwɔyo ɔ. A pɛne a kotoku ɔmɛ a nya, nɛ a ke lɛ ní: sika tsu, mimɛ, kɛ mire.

Mateo 20:8

“Gbɔkuɛ ɔ, wai ngmɔtsɛ ɔ de e tsɔlɔ nɔkɔtɔma a ke, ‘Tsɛ ní tsuli ɔmɛ nɛ o wo mɛ hiɔ. Jee sisi kɛ je sekpɛtsɛmɛ ɔmɛ a nɔ kɛ yaa su kekletsɛmɛ ɔmɛ a nɔ.’

Mateo 25:40

Matsɛ ɔ ma he nɔ ke, ‘Niinɛ, i ngɛ nyɛ dee ke, be abɔ nɛ nyɛ pee ngɔ ha ye nyɛmimɛ nɛ ɔmɛ a ti nɔ nyafii pe kulaa a, imi nyɛ pee ngɔ ha a nɛ!’

Mateo 26:11

Ejakaa nyɛɛ kɛ ohiatsɛmɛ ɔmɛ maa hi si daa; se imi lɛɛ pi daa nɛ i kɛ nyɛ maa hi si.

Mateo 27:55

Yihi fuu hu daa si ngɛ se lokoo ngɛ lejɛ ɔ ngɛ nɔ́ hyɛe. Yi nɛ ɔmɛ nyɛɛ Yesu se kɛ je Galilea, nɛ a ngɛ lɛ sɔmɔe.

Luka 24:10

Maria Magdalena, kɛ Yohana, kɛ Yakobo nyɛ Maria, kɛ yi kpa komɛ nɛ piɛ a he ɔ ji nihi nɛ ba sɛɛ ní nɛ ɔmɛ ngɔ ha bɔfo ɔmɛ ɔ nɛ.

Yohane 12:6

Se enɛ ɔ nɛ e de ɔ, pi kaa ohiatsɛmɛ ɔmɛ a he nɔ́ nɛ ngɛ lɛ dɔe. Mohu julɔ ji lɛ; nɛ akɛnɛ sika kpɛɛ ɔ ngɛ e dɛ ɔ, ke pee ɔ, e juɔ nɔ́ nɛ a ngɔ woɔ mi ɔ eko.

Ni Tsumi 13:1

Gbali, kɛ tsɔɔli komɛ ngɛ Antiokia asafo ɔ mi. Mɛ ji Barnaba, Simeon nɛ a tsɛɛ lɛ Yumu hulɔ ɔ, kɛ Lusio, Kirene no ɔ, Manahen nɛ a tsɔse e kɛ amlaalo Herode ɔ, kɛ Saulo.

2 Korintobi 8:9

Nyɛ le suɔmi agbo nɛ wa Nyɔmtsɛ Yesu Kristo ngɛ kɛ ha wɔ. Niatsɛ mi niatsɛ ji lɛ. Se nyɛ he ɔ, e pee e he ohiatsɛ, konɛ nyɛɛ lɛɛ nyɛɛ pee niatsɛmɛ.

Filipibi 4:22

Ni klɔuklɔu ɔmɛ tsuo nɛ a ngɛ hiɛ ɔ ke a biɔ nyɛ, titli ɔ, Kaisare ɔ we ɔ mi bi ɔmɛ.

1 Timoteo 5:10

É pee yo nɛ he biɛ kaa e peeɔ kpakpa, yo nɛ nyɛ tsɔse bimɛ saminya, yo nɛ nyɛ hyɛ nibwɔhi nɛ ba to lɛ, yo nɛ sɔmɔ ni klɔuklɔu ɔmɛ kɛ he si bami, yo nɛ je nihi kɛ je haomi mi, nɛ ngɔ e be tsuo kɛ tsu ní kpakpahi.