Luka 8:24 - BAIBLO ALOO NGMAMI KLƆUKLƆU Ɔ

²⁴ Yesu kaseli ɔmɛ ya tsɛ̃ɛ̃ lɛ, nɛ a de ke, “Nyɔmtsɛ, Nyɔmtsɛ! Wa gbo oo!” Kɛkɛ nɛ Yesu te si, nɛ e nga kɔɔhiɔ kɛ wo nɛ gli ɔ yi. Kɔɔhiɔ ɔ kpa fiami, nɛ wo ɔ ngmɛ dii, nɛ lejɛ ɔ jɔ.

Somi He Ɔ

²⁴ Nɛ kaseli ɔmɛ ba Yesu ngɔ ba tsɛ̃ɛ lɛ nɛ a ke: “Nyɔmtsɛ, Nyɔmtsɛ, wa yi tã tã.” Se nɛ e hɛ tsɛ ɔ, e nga kɔɔhiɔ kɛ wo nɛ gli ɔ yi, nɛ a he jɔ, nɛ a ngmɛ.

Luka 8:24 ပူးပေါင်းရင်းမြစ်များ

La 65:7

Ke wo gli, nɛ oslɔke ɔmɛ pee hamahama a, mo lɛ o jɔɔ a he lɛ a peeɔ dii kulaa. Nimli adesahi nɛ ngɛ basabasa hu mo nɔuu lɛ o jɔɔ a he.

Yesaya 50:2

“Mɛni he je lɛ benɛ i ba a, nɔ ko be lejɛ ɔ? Benɛ i tsɛ nyɛ ɔ, mɛni he je nɔ ko pui mi ɔ? Anɛ nyɛ susuɔ kaa ye nine ngɛ kuku nɛ i be nyɛe ma kpɔ nyɛ kɛ je he nyɛlɔ ɔ dɛ mi lo? Ke i wo gbi ɔ, wo miiɔ, nɛ pahi plɛɔ peeɔ nga kplanaa. Ke nyu ɔ mii ta a, lo gboɔ nɛ e saa.

Yeremia 5:22

Imi ji Yawɛ; mɛni he je lɛ nyɛ yi mi gbeye? Mɛni he je nyɛ he dui blibliibli ngɛ ye hɛ mi? Imi lɛ i ngɔ zia kɛ wo huzu ha wo, huzu nɛ ngɛ daa kɛ daa, nɛ wo be nyɛe maa hane ligbi ko ligbi ko. Ke wo gli kaa mɛni, e be nyɛe maa hane huzu nɛ ɔ. Ke oslɔkehi ngɛ kue nɛ wo ɔ pee hamahama kaa mɛni, e be nyɛe maa be huzu nɛ ɔ he gblegbleegble.

Nahum 1:4

Ke Yawɛ wo gbi ɔ, wo miiɔ nɛ e peeɔ zugba gbigbli, nɛ pahi gbliɔ. Lohwehi a ní yemi he kpakpahi nɛ ngɛ Bashan kɛ Karmel yo ɔmɛ a nɔ ɔ nglaa; nɛ Lebanon mɔmɔ ɔmɛ taa.

Mateo 14:30

Se benɛ e na kaa kɔɔhiɔ ɔ ngɛ fiae huu ɔ, e ye gbeye, nɛ e bɔni mumi kɛ yaa nyu ɔ sisi. Kɛkɛ nɛ e kpa ngmlaa ke, “Nyɔmtsɛ, he mi!”

Mateo 8:25

Kaseli ɔmɛ ya tsɛ̃ɛ̃ lɛ, nɛ a de lɛ ke, “Nyɔmtsɛ, wa gbo oo! He wa yi wami!”

Marko 4:39

Yesu te si, nɛ e nga kɔɔhiɔ ɔ yi, nɛ e de wo ɔ ke, “Ngmɛɛ dii!” Kɔɔhiɔ ɔ jɔɔ fiami, nɛ wo ɔ ngmɛ dii.

Luka 4:35

Yesu nga mumi ɔ yi ke, “Ma o nya! Jee kpo ngɛ nyumu ɔ mi!” Mumi yayami ɔ sake nyumu ɔ ngɔ fia si ngɛ a hɛ mi, nɛ e je e mi. Se e yi lɛ awi.

Luka 4:39

Yesu hɛ lɛ kɛ su e he, nɛ e nga asla a yi. Asla a po ngɛ yo ɔ nɔ, nɛ amlɔ ɔ, e te si nɛ e bɔni ni ɔmɛ nɛ ngɛ lejɛ ɔ sɔmɔmi.

Luka 5:5

Simon he nɔ ke, “Nyɔmtsɛ, wa tsu ní wawɛɛ nyɔ nɛ ɔ mi tsuo, nɛ wa nɛ nɔ́ ko. Se kɛ̃, akɛnɛ mo lɛ o de ɔ, ma pue ya a.”

Luka 8:25

Kɛkɛ nɛ Yesu bi e kaseli ɔmɛ ke, “Jije nyɛ hemi kɛ yemi ɔ ngɛ?” Se kaseli ɔmɛ a he mi po, nɛ a ye gbeye, nɛ a de a sibi ke, “Mɛni nɔmlɔ po ji nɛ ɔ? E ngaa kɔɔhiɔ, kɛ nyu tete po yi, nɛ a buɔ lɛ tue!”