Luka 8:17 - BAIBLO ALOO NGMAMI KLƆUKLƆU Ɔ

¹⁷ “Nɔ́ ko be nɛ a kɛ laa nɛ a be kpo jee; jehanɛ ɔ hu, nɔ́ ko be nɛ a bu nɔ, nɛ a be nae, nɛ a be kpo jee.

Somi He Ɔ

¹⁷ Ejakaa nɔ́ ko be nɛ a kɛ laa nɛ a be kpo jee, nɛ jeha nɛ ɔ hu nɔ́ ko be nɛ a bu nɔ nɛ a be lee nɛ a be nya blie.

Luka 8:17 ပူးပေါင်းရင်းမြစ်များ

Abɛ Womi 26:26

Ke e ngɔ sisimi kɛ laa e ninyɛ ɔ nɔ kaa mɛni po, e yi wu tso ní peemi ɔmɛ maa je kpo kokooko ngɛ ma hɛ mi.

Fiɛlɔ 12:14

Mawu maa kojo wɔ ngɛ níhi tsuo nɛ wa pee ɔ a he. Níhi nɛ wa pee ngɛ laami mi po, e maa kojo wɔ ngɛ a he; kpakpa jio, yaya jio.

Mateo 10:26

“Lɔ ɔ he ɔ, nyɛ ko ye mɛ gbeye. Nɔ́ tsuaa nɔ́ nɛ a bu nɔ ɔ, a ma ba je kpo; nɔ́ ko be nɛ a ngɔ kɛ laa nɛ a be lee.

Marko 4:22

Nɔ́ ko be nɛ a kɛ laa nɛ a be kpo jee, nɛ nɔ́ ko be nɛ a pee ngɛ diblii mi nɛ a kɛ be la hɛ mi bae.

1 Korintobi 4:5

Lɔ ɔ he ɔ, nyɛ ko kojo nɔ ko loko be ɔ nɛ su. Nyɛɛ mlɛ kɛ yaa si Nyɔmtsɛ ɔ maa ba. Ke e ba a, e ma je diblii mi níhi, kɛ tsui mi ní yayahi nɛ a kɛ laa a tsuo kpo. Jamɛ a be ɔ, nɔ tsuaa nɔ ma na yi jemi nɛ sa lɛ ɔ kɛ je Mawu dɛ mi.