Luka 8:16 - BAIBLO ALOO NGMAMI KLƆUKLƆU Ɔ

¹⁶ “Nɔ ko su we kane nɛ e kɛ sowe bu nɔ, aloo e kɛ ma sa tso sisi. Mohu ɔ, e kɛ maa kane tso nɔ, konɛ nihi nɛ ma a, a na la a.

Somi He Ɔ

¹⁶ “Nɔ ko su we kane nɛ e kɛ sowe bu nɔ aloo nɛ e kɛ ma sa tso sisi; se mohu kane tso nɔ e kɛ maa konɛ nihi nɛ ma a nɛ na la a.

Luka 8:16 ပူးပေါင်းရင်းမြစ်များ

Luka 11:33

“Nɔ ko su we kane ngɔ mɛ́ kɔkɔɔ mi, loo sowe sisi. Mohu ɔ, e ngɔɔ kɛ maa kane tso nɔ, konɛ ke nihi ma we ɔ mi ɔ, a na la a.

Luka 8:15

Wuhi nɛ ya pue zugba kpakpa mi ɔ daa si ha nihi nɛ a tsui mi hi, nɛ a yeɔ anɔkuale. Mɛɛ lɛɛ ke a nu Mawu munyu ɔ, a tsuɔ he ní hluu kɛ ya siɔ e woɔ yiblii.

Ni Tsumi 26:18

O ma ya bli a hɛngmɛ, konɛ a je diblii mi kɛ ba la he; o ma ya je mɛ kɛ je Abosiami ɔ he wami sisi kɛ ba Mawu ngɔ. Kɛkɛ ɔ, a ma he imi Yesu nɛ a ye, nɛ Mawu maa ngɔ a he yayami kɛ pa mɛ, nɛ a maa ba a hi he ngɛ nihi nɛ Mawu hla kɛ pee e ma a a kpɛti.’

Kpojemi 1:20

Dodoe kpaago ɔmɛ nɛ o na ngɛ ye hiɔ nine mi, kɛ sika tsu kane tso kpaago ɔmɛ ɔ, laami sane nɛ kɔɔ a he ji nɛ ɔ nɛ: dodoe kpaago ɔmɛ daa si ha asafo kpaago ɔmɛ a bɔfohi, nɛ kane tso kpaago ɔmɛ daa si ha asafo kpaago ɔmɛ.”

Kpojemi 11:4

Odase yeli enyɔ ɔmɛ ji oliv tso enyɔ ɔmɛ, kɛ kane tso enyɔ ɔmɛ nɛ daa si ngɛ Mawu, je ɔ tsuo nyɔmtsɛ ɔ hɛ mi ɔ nɛ.