Luka 8:13 - BAIBLO ALOO NGMAMI KLƆUKLƆU Ɔ

¹³ Wuhi nɛ ya pue tɛ zugba mi ɔ daa si ha nihi nɛ ke a nu munyu ɔ, a heɔ kɛ bua jɔmi, se e he we si ngɛ a tsui mi. A heɔ yeɔ be kuku kɛkɛ, se ke haomi ba a nɔ kɛkɛ a hemi kɛ yemi ta.

Somi He Ɔ

¹³ Nihi nɛ ya nɔ tɛ sa nɔ ɔ ji nihi nɛ benɛ a nu ɔ, a heɔ munyu ɔ kɛ buajɔmi, se akɛnɛ a be sipoku he je ɔ a heɔ yeɔ be kpiti kɛkɛ, nɛ ka be mi ɔ a kuaa a hemi kɛ yemi ɔ.

Luka 8:13 ပူးပေါင်းရင်းမြစ်များ

Hiob 19:28

Benɛ nyɛ bi ke, “Kɛ wa maa pee kɛɛ kɛ wa lɛ yi mi?” ɔ, nyɛ hla nɔ ko nyɛ da nɔ, nɛ nyɛ ba tua mi.

Abɛ Womi 12:12

Yayami peeli a suɔmi nya ní ji kaa a hi yayami pee kpamisa. Nimli kpakpahi lɛɛ a daa si kpɛii.

Abɛ Womi 12:3

Yayami peemi ha we nɛ nɔ yaa nɔ. Nɔ nɛ peeɔ kpakpa lɛɛ e daa si kpɛii.

Yesaya 58:2

A deɔ ke a jaa mi daa kɛ tsɔɔ kaa a ngɛ hlae nɛ a le ye suɔmi nya ní, nɛ a ye ye mlaa amɛ a nɔ. A deɔ hu ke a ngɛ hlae nɛ ma wo mɛ mlaa kpakpahi, nɛ a suɔ kaa a ma ja mi.”

Ezekiel 33:32

A buɔ mo kaa nɔ ko nɛ laa suɔmi la kɛ gbi ngɔngɔɛ, aloo nɔ ko nɛ le saku fiami saminya. A ba buɔ o munyu ɔmɛ tue lɛɛ, se a yi nɔ.

Hosea 6:4

Se Yawɛ ke, “Israel kɛ Yuda, kɛ ma pee nyɛ kɛɛ? Suɔmi nɛ nyɛ ngɛ kɛ ha mi ɔ ngɛ kaa afua nɛ wo mɔtu, loo bɔ́ nɛ́ nɛ; bɔɔ kɛkɛ e se po.

Marko 6:20

Herode nitsɛ hu ngɛ Yohane gbeye yee, ejakaa e le kaa Yohane ɔ, nɔmlɔ kpakpa, kɛ nɔ klɔuklɔu ji lɛ; lɔ ɔ he ɔ, e ngɔ lɛ ngɔ to slɔkee. Herode suɔ kaa e bu lɛ tue lɛɛ, se be tsuaa be nɛ e maa nu munyu kɛ je Yohane nya, e haoɔ lɛ.

Luka 8:12

Wuhi nɛ ya pue blɔ mi ɔ daa si ha nihi nɛ nuɔ munyu ɔ. Se Abosiami baa nɛ e ba jeɔ munyu ɔ ngɛ a tsui mi, konɛ a ko he ye, nɛ a ko he a yi wami.

Luka 8:14

Wuhi nɛ ya pue mio mi ɔ daa si ha nihi nɛ nuɔ munyu ɔ, nɛ a heɔ yeɔ hulɔ. Se pee se ɔ, je nɛ ɔ mi haomi, kɛ ní nami, kɛ níhi nɛ ngɔɔ nɔ nya haa nɛ a hemi kɛ yemi gboɔ. Kɛkɛ ɔ, ní tsumi nɛ sa kaa a tsu kɛ gu hemi kɛ yemi nɔ ɔ, a nyɛ we nɛ a tsuɔ.

Yohane 15:2

Ye kɔni tsuaa kɔni nɛ wui yiblii ɔ, e poɔ; se nɔ́ nɛ woɔ yiblii ɔ, e sãã he, konɛ e he nɛ tsɔ, nɛ e wo yiblii pe kekle ɔ.

Yohane 15:6

Nɔ tsuaa nɔ nɛ mɛtɛ we ye he ɔ, a sakee lɛ fɔɔ he kaa tso kɔni, nɛ e gbliɔ. Jamɛ a kɔni ɔmɛ ɔ, a buaa nya kɛ woɔ la mi nɛ a sãã.

Yohane 5:35

Yohane ba kaa la nɛ ngɛ tsoe, nɛ ngɛ kpɛe ha nyɛ. Se be bɔɔ pɛ nɛ nyɛ ná e he bua jɔmi.

1 Korintobi 13:2

Ke a dloo mi he wami nɛ a kɛ fiɛɔ Mawu sɛ gbi ɔ, ke i le nɔ́ tsuaa nɔ́, nɛ i nuɔ laami sanehi tsuo a sisi, ke i ngɛ hemi kɛ yemi nɛ nya wa ngɛ Mawu mi, nɛ ma nyɛ ma hia yohi, se i be suɔmi ɔ, ye he be se nami ko kulaa.

1 Korintobi 15:2

Ke nyɛ pɛtɛ sane kpakpa a he wawɛɛ kaa bɔ nɛ i fiɛ tsɔɔ nyɛ ɔ, a ma he nyɛ yi wami. Ke pi jã lɛɛ nyɛ he ye yaka gu.

Galatabi 3:1

Nyɛ Galatia bi nɛ nyɛ be yi! Mɛnɔ gbiɛ nyɛ ke nyɛ ko bu anɔkuale ɔ tue? Yesu gbenɔ nɛ e gbo ngɛ sɛumi tso nɔ ɔ, a tsɔɔ nyɛ nɛ nyɛ na paa.

Galatabi 3:4

Amanehlu babauu nɛ nyɛ na a, anɛ e maa pee yaka? Dɛbi! I he we yi!

Efesobi 3:17

I kpaa pɛɛ nɛ nyɛ he ye, nɛ Kristo nɛ hi nyɛ tsui mi, konɛ nɔ́ tsuaa nɔ́ nɛ nyɛ ngɛ pee ɔ, nyɛɛ pee kɛ suɔmi nɛ mi wa.

Kolosebi 1:23

Lɔ ɔ he ɔ, e hia kaa nyɛɛ hɛɛ hemi kɛ yemi ɔ mi; nyɛɛ da si kpitikplii, nɛ hɛ kɛ nɔ fɔmi nɛ nyɛ ná benɛ nyɛ nu sane kpakpa a, nyɛ ko ngmɛɛ he. Sane kpakpa nɛ ɔ nɛ a fiɛ ngɔ tsɔɔ bɔ níhi tsuo ngɛ je ɔ mi ɔ he lɛ imi Paulo i ba pee sɔmɔlɔ ngɛ.

Kolosebi 2:7

Nyɛɛ ngɔ nyɛ he ngɔ mɛtɛ lɛ, nɛ nyɛɛ ngɔ nyɛ he kɛ ha lɛ kulaa. Nyɛ ha nɛ nyɛ hemi kɛ yemi ɔ mi nɛ wa kaa bɔ nɛ a tsɔɔ nyɛ ɔ, nɛ nyɛɛ na Mawu si daa.

1 Tesalonikabi 3:5

Kaa bɔ nɛ i de ɔ, benɛ i nyɛ we tsui tomi hu ɔ, e hia kaa ma tsɔ Timoteo nyɛ ngɔ, nɛ́ e ba hyɛ kaa nyɛ hemi kɛ yemi ɔ mi wa kɛ mwɔɔ lo. I ya ye gbeye kaa alini Abosiami ba ka nyɛ, nɛ e ha nɛ wa dengme nɛ wa gbo ɔ maa pee yaka.

1 Timoteo 1:19

O hemi kɛ yemi mi nɛ wa, nɛ o he nile nɛ hi hɛ ngmengmle. Ni komɛ ya bui a he nile tue, nɛ a hemi kɛ yemi ɔ ta.

Hebribi 10:39

Nihi nɛ kpaleɔ ngɛ Mawu se, nɛ a hɛ mi kpataa a, pi mɛ ji wɔ. Wɔɔ lɛɛ wa piɛɔ ni nɛmɛ nɛ hɛɛ hemi kɛ yemi ɔ mi ɔ a he, nɛ a he wa yi wami.

Yakobo 2:26

Lɔ ɔ he ɔ, kaa bɔ nɛ ke mumi je nɔmlɔ tso ɔ mi nɛ e plɛɔ nɔ́ gbogboe ɔ, jã hemi kɛ yemi nɛ ní tsumi piɛ we he ɔ peeɔ hemi kɛ yemi gbogboe.

2 Petro 2:20

Waa ngɔ lɛ kaa nihi na le wa Nyɔmtsɛ kɛ wa kpɔlɔ Yesu Kristo, nɛ lɔ ɔ he ɔ, a tu je nɛ ɔ mi mu níhi a nya fo. Pee se, ke a ngɔ a he ya wo yayami mi ekohu, nɛ yayami ɔ ye a nɔ ɔ, nimli nɛ ɔmɛ a nyagbe si himi ba peeɔ mɔbɔ kulaa pe kekle nɔ́ ɔ po.

2 Petro 2:22

Nɔ́ nɛ ba a nɔ ɔ tsɔɔ kaa abɛ nɛ ɔmɛ ngɛ mi niinɛ: “Gbe kpaleɔ kɛ yaa lɛ nitsɛ e vie he,” kɛ “Kpotoo nɛ a du ha lɛ ɔ kpaleɔ ya wuɔ mɔsɔ ekohu.”

1 Yohane 2:19

Anɔkuale mi ɔ, pi wa kpɛti nɛ nimli nɛ ɔmɛ je; nɛ lɔ ɔ he je nɛ a si wɔ ɔ nɛ. Kaa wa kpɛti nɛ a je jinɛ a kɛ wɔ ko hi si. Se a si wɔ, bɔ nɛ pee nɛ e fɔ si paa kaa a ti nɔ ko nɔ ko kɛ wɔ bɔɛ.

Yuda 1:12

Ke nimli nɛ ɔmɛ ba futu nyɛ kɛ ngɛ suɔmi niye ní yee ɔ, a woɔ ní ɔ he mu. A yeɔ ní tsuatsuaatsua nɛ a susuu we ni kpahi a he. A ngɛ kaa bɔku nɛ nyu be mi nɛ kɔɔhiɔ ngɛ lɛ fiae kɛ bee. A ngɛ kaa tsohi nɛ ní kpami be po a nɛ yiblii ngɛ a nɔ; tsohi nɛ gbo, nɛ a hia mɛ kɛ sipoku tsuo ngɔ fɔ si.