Luka 8:12 - BAIBLO ALOO NGMAMI KLƆUKLƆU Ɔ

¹² Wuhi nɛ ya pue blɔ mi ɔ daa si ha nihi nɛ nuɔ munyu ɔ. Se Abosiami baa nɛ e ba jeɔ munyu ɔ ngɛ a tsui mi, konɛ a ko he ye, nɛ a ko he a yi wami.

Somi He Ɔ

¹² Nihi nɛ ya nɔ blɔ tue ɔ ji ninɛmɛ nɛ nuɔ munyu ɔ, kɛkɛ nɛ abosiami baa ba saa munyu ɔ ngɛ a tsui mi konɛ a ko he ye nɛ a he a yiwami.

Luka 8:12 ပူးပေါင်းရင်းမြစ်များ

Abɛ Womi 1:29

Ejakaa nyɛ bui nile he akɔtaa; Yawɛ hu, nyɛ yi lɛ gbeye.

Abɛ Womi 4:5

Moo le ní, nɛ o nu ní a sisi. Níhi nɛ i de mo ɔ, o hɛ ko je a nɔ.

Yesaya 65:11

“Se nyɛ nihi nɛ kuaa imi Yawɛ, nɛ nyɛ hɛ jeɔ ye yo klɔuklɔu ɔ nɔ ɔ, nyɛɛ lɛɛ nyɛ nɔ́ maa slo. Nyɛ nihi nɛ nyɛ ngmɛɔ okplɔɔ kɛ haa mawu nɛ haa nɔ siade, kɛ nyɛ nihi nɛ nyɛ ngɔɔ wai nɛ a futu kɛ sãã bɔ ha mawu nɛ tsɔɔ nyɛ nɔ́ nɛ maa ba nyɛ nɔ ngɛ je mi,

Mateo 13:19

Nihi nɛ nuɔ matsɛ yemi ɔ he sɛ gbi, se a nui sisi ɔ, a ngɛ kaa wu nɛ ya pue blɔ he ɔ. Nɔ yayami ɔ baa nɛ e ba saa nɔ́ nɛ a du ngɛ a mi ɔ kɛ jeɔ.

Mateo 13:4

Benɛ e ngɛ wu ɔ fĩae ɔ, ekomɛ ya pue blɔ he, nɛ lohwe pɛlitsɛmɛ ba kukuɔ.

Marko 4:15

Ni komɛ ngɛ kaa wu nɛ ya nɔ blɔ mi. Ke a nu munyu ɔ, kɛkɛ Abosiami ba je munyu ɔ ngɛ a mi.

Luka 8:11

“Abɛ ɔ sisi ji nɛ ɔ nɛ: Wu ɔ ji Mawu munyu ɔ nɛ.

Luka 8:13

Wuhi nɛ ya pue tɛ zugba mi ɔ daa si ha nihi nɛ ke a nu munyu ɔ, a heɔ kɛ bua jɔmi, se e he we si ngɛ a tsui mi. A heɔ yeɔ be kuku kɛkɛ, se ke haomi ba a nɔ kɛkɛ a hemi kɛ yemi ta.

Luka 8:5

“Ligbi ko ɔ, nyumu ko pue nɔ kɛ ho e ngmɔ mi ya nɛ́ e ya fĩa ní. Benɛ e ngɛ wu ɔ fĩae ɔ, ekomɛ ya pue blɔ mi, nɛ nihi naa nɔ, nɛ lohwe pɛlitsɛmɛ ba ye.

Kpojemi 12:9

A sake sinɔ nguaa a ngɔ fɔ he. Ee, jamɛ a blema sinɔ nguaa a nɛ a tsɛɛ lɛ Abosiami, loo Satan nɛ sisi nihi tsuo ngɛ je ɔ mi ɔ, a sake lɛ kɛ e bɔfo ɔmɛ tsuo ngɔ fɔ je ɔ mi.