Luka 7:8 - BAIBLO ALOO NGMAMI KLƆUKLƆU Ɔ

⁸ Imi hu i ngɛ nihi nɛ yeɔ ye nɔ, kɛ ta buli ngɛ ye sisi. I deɔ nɔ kake ke, ‘Yaa!’ nɛ e yaa; i deɔ nɔ kpa ke, ‘Ba!’ nɛ e baa; jehanɛ se hu, i deɔ ye nyɔguɛ ke, ‘Pee enɛ ɔ!’ nɛ e peeɔ.”

Somi He Ɔ

⁸ Ejakaa imi po nɛ i ji nɔmlɔ nɛ a yeɔ e nɔ ɔ, i ngɛ aslaafohi ngɛ ye sisi, nɛ ke i de nɔ nɛ ɔ ke: ‘Yaa’ a, e yaa; nɛ ke i de nɔ kpa hu ke: ‘Ba’ a, e baa; nɛ ke i de ye tsɔlɔ ke: ‘Pee enɛ ɔ’ ɔ, e peɔ.”

Luka 7:8 ပူးပေါင်းရင်းမြစ်များ

Luka 7:7

Jehanɛ se hu, i le kaa e sɛ́ kaa imi nɛ ɔ, i baa o ngɔ. Moo lɛɛ moo tu munyu, kɛkɛ ye nyɔguɛ ɔ ma na he wami.

Luka 7:9

Benɛ Yesu nu nɔ́ nɛ ɔ, e hɛ mi pee lɛ yaa. Kɛkɛ nɛ e plɛ, nɛ e de nimli kpekpemi nɛ nyɛɛ e se ɔ ke, “I ngɛ nyɛ dee ke, i nɛ hemi kɛ yemi kaa kikɛ nɛ ɔ hyɛ; dɛbi, ngɛ Israel tete po i nɛ hyɛ!”

Ni Tsumi 23:17

Kɛkɛ nɛ Paulo tsɛ asafoatsɛmɛ ɔmɛ a ti nɔ kake, nɛ e de lɛ ke, “Ngɔɔ niheyo nɛ ɔ kɛ ya asafoatsɛngua a ngɔ; e hɛɛ sɛ gbi ko kɛ ha lɛ.”

Ni Tsumi 23:23

Jehanɛ asafoatsɛngua a tsɛ asafoatsɛmɛ ɔmɛ a ti ni enyɔ kɛ ba e ngɔ, nɛ e de mɛ ke, “Nyɛ hla ta buli lafa enyɔ, okpɔngɔ ta buli nyingmi kpaago, kɛ akplɔ hɛɛli hu lafa enyɔ, nɛ a pee klaalo. Mwɔnɛ ɔ gbɔkuɛ ngmlɛ nɛɛ mi ɔ, a maa je hiɛ ɔ kɛ ya Kaisarea.

Ni Tsumi 23:26

“Womi nɛ ɔ je imi Klaudio Lisia, ye ngɔ kɛ yaa ha amlaalo Felike. Mo he manye oo, mo he manye!

Ni Tsumi 23:31

Kɛkɛ nɛ ta buli ɔmɛ pee kaa bɔ nɛ a fa mɛ ɔ. A ngɔ Paulo, nɛ jamɛ a nyɔ ɔ mi nɔuu a kɛ lɛ ba Antipatri.

Ni Tsumi 24:23

Lɔ ɔ se ɔ, e fa asafoatsɛ ɔ ke e ngɔ Paulo kɛ ho nɛ e ya bu e he, se e ha nɛ e na he jɔmi bɔɔ; nɛ ke e huɛmɛ ba nɛ a ba pee nɔ́ ko ha lɛ ɔ, e ko tsi mɛ blɔ.

Ni Tsumi 25:26

Se i be sane tutuutu ko nɛ ma ngma ya ha Roma matsɛ ɔ. Enɛ ɔ he nɛ i kɛ lɛ ba nyɛ hɛ mi, titli ɔ, mo Matsɛ Agripa o hɛ mi, konɛ ke o hla sane ɔ mi ɔ, ma na nɔ́ ko nɛ ma ngma.

Kolosebi 3:22

Nyɔguɛhi, nyɛɛ bu nyɛ je nɛ ɔ mi nyɔmtsɛmɛ ɔmɛ ngɛ nɔ́ tsuaa nɔ́ mi, pi kɛ hɛ mi sɔmɔmi nɛ ma ha nyɛ nyɔmtsɛmɛ ɔmɛ maa suɔ nyɛ sane. Mohu ɔ, nyɛɛ bu mɛ kɛ je nyɛ tsui mi kaa nihi nɛ yeɔ Mawu gbeye.