Luka 7:6 - BAIBLO ALOO NGMAMI KLƆUKLƆU Ɔ

⁶ Nɛ Yesu kɛ mɛ ho. Benɛ e piɛ bɔɔ nɛ e maa su we ɔ mi ɔ, asafoatsɛ ɔ tsɔ e huɛmɛ kɛ ba Yesu ngɔ, nɛ a ba de lɛ ke, “Nyɔmtsɛ, koo hao o he. I sɛ́ kaa i haa nɛ o baa ye we mi.

Somi He Ɔ

⁶ Nɛ Yesu kɛ mɛ ho. Nɛ benɛ e piɛ bɔɔ nɛ e maa su we ɔ mi ɔ, aslaafohi lafa a nyatsɛ ɔ tsɔ e huɛmɛ kɛ ba e ngɔ nɛ a ba de lɛ ke: “Nyɔmtsɛ, koo hao o he, ejakaa i sɛ nɔ nɛ o sɛɛ e kue mi;

Luka 7:6 ပူးပေါင်းရင်းမြစ်များ

Mose I, 32:10

Mɔbɔ nami nɛ se pui gblegbleegble nɛ o je kpo ngɔ ha mi ɔ, i sɛ. Benɛ ma po Yordan pa a, dɛma tso pɛ i hɛɛ ngɛ ye dɛ mi; se piɔ lɛɛ i kpale ba kɛ asafo kuu enyɔ nɛ ɔmɛ.

Abɛ Womi 29:23

Nɔ nɛ woɔ e he nɔ ɔ, a maa ba lɛ si; se nɔ nɛ baa e he si ɔ, a maa wo e hɛ mi nyami.

Mateo 20:28

kaa bɔ nɛ Nɔmlɔ Bi ɔ pee ɔ. E bɛ nɛ a sɔmɔ lɛ, se e ba sɔmɔ mohu, konɛ e ngɔ e wami ngɔ ha, nɛ e kɛ he nihi fuu a yi wami.”

Mateo 3:11

Imi lɛɛ nyu i kɛ ngɛ nyɛ sɔlee kɛ tsɔɔ kaa nyɛ tsake nyɛ tsui. Se nɔ nɛ ma ngɛ ye se ɔ, Mumi Klɔuklɔu ɔ, kɛ la e kɛ ma tsu nɔ nɛ ɔ. Lɛɛ e pe mi; e tokota tete po, i sɛ nɔ nɛ hɛɛɔ.

Marko 5:24

Yesu kɛ nyumu ɔ ho. Nihi babauu nyɛɛ e se nɛ a mia lɛ.

Luka 5:8

Benɛ Simon Petro na nɔ́ nɛ ba a, e kpla si ngɛ Yesu nane nya, nɛ e de ke, “Nyɔmtsɛ! Jee ye kasa nya, ejakaa yayami peelɔ ji mi!”

Luka 7:4

A ba Yesu ngɔ, nɛ a ba kpa lɛ pɛɛ wawɛɛ ke, “Nyumu nɛ ɔ, ke o pee nɔ́ nɛ ɔ ha lɛ ɔ, e sa lɛ,

Luka 7:5

ejakaa e suɔ wɔ Yuda bi ɔmɛ; wa kpe he ɔ po lɛ nɛ e ma ha wɔ.”

Luka 7:7

Jehanɛ se hu, i le kaa e sɛ́ kaa imi nɛ ɔ, i baa o ngɔ. Moo lɛɛ moo tu munyu, kɛkɛ ye nyɔguɛ ɔ ma na he wami.

Luka 8:49

Benɛ Yesu ngɛ munyu ɔ tue kɛ mwɔɔ ɔ, tsɔlɔ ko je kpe he ɔ nɔkɔtɔma a we ɔ mi ba de Yairo ke, “O biyo ɔ gbo; koo doo Tsɔɔlɔ ɔ nya hu.”

Ni Tsumi 10:38

Nyɛ le Yesu nɛ je Nazaret ɔ he sane, bɔ nɛ Mawu hla lɛ, nɛ e ha nɛ Mumi Klɔuklɔu ɔ he wami ɔ ba e nɔ. Nyɛ le bɔ nɛ e kpa si kɛ ya he tsuaa he kɛ kpakpa peemi. E tsa hiɔtsɛmɛ, nɛ e hia mumi yayamihi hulɔ; ejakaa Mawu kɛ lɛ ngɛ.

Yakobo 4:10

Nyɛɛ ba nyɛ he si ngɛ Nyɔmtsɛ ɔ hɛ mi, nɛ e ma wo nyɛ nɔ.

Yakobo 4:6

Se mɔbɔ nɛ Mawu naa wɔ ɔ nya wa kulaa pe lɔ ɔ po. Kaa bɔ nɛ ngmami ɔ deɔ ɔ, “Nihi nɛ woɔ a he nɔ ɔ, Mawu baa mɛ si; se ni nɛmɛ nɛ baa a he si ɔ lɛɛ e dlooɔ mɛ.”