Luka 7:46 - BAIBLO ALOO NGMAMI KLƆUKLƆU Ɔ

⁴⁶ Nu hu o wui ye yi mi, se lɛɛ e ngɔ nu kɛ e he via kɛ kpa ye nane he.

Somi He Ɔ

⁴⁶ Nu hu o kɛ kpa we ye yi mi; se kikɛmɛ a yo nɛ ɔ ngɔ tsopa kɛ e he via kɛ kpa ye nane he.

Luka 7:46 ပူးပေါင်းရင်းမြစ်များ

La 23:5

O ngmɛɔ mi okplɔɔ ngɛ he nɛ ye he nyɛli tsuo maa na mi. O pɔɔ ye yi mi nu, nɛ o woɔ ye kplu ɔ nɛ e hyiɔ banebane.

Fiɛlɔ 9:8

Wo tade hiɔ be tsuaa be, nɛ o ko ha nɛ nu nɛ ta o yi mi.

Mateo 6:17

Se nyɛɛ lɛɛ ke nyɛ ngɛ hwɔ hae ɔ, nyɛ dla nyɛ yi bwɔmi, nɛ nyɛ fɔ nyɛ hɛ mi.

Daniel 10:3

I yi niye ní kpakpa ko, i yi lo; dã yɛ ye nya mi, nɛ i kpa we nu kɛ ya si otsi etɛ ɔ tsuo be.

La 104:15

O haa lɛ dã nɛ ma ha lɛ bua jɔmi, nu nɛ ma ha nɛ e he womi nɔ ma tsɔ, kɛ niye ní nɛ maa wo lɛ he wami.

Samuel II, 14:2

lɔ ɔ he ɔ, e tsɔ kɛ ho Tekoa ya nɛ a ya ngɔ yo ní lelɔ ko kɛ je lejɛ ɔ kɛ ba. Benɛ yo ɔ ba a, Yoab de lɛ ke, “Mo bu ya bo, nɛ o buá nɛ o pee o ní kaa nɔ nɛ ngɛ ya nyɛe. Mo ko kpa nu, se mohu o pee o ní kaa yo nɛ nɔ gbo lɛ nɛ e ngɛ ya nyɛe ligbi babauu.

Rut Womi 3:3

Moo bu tue! Moo du o he, nɛ o kpa nu, nɛ o bu bo, nɛ o pue nɔ kɛ ya ngma mi sami he ɔ. Mo ko je o he si ha lɛ kɛ yaa si be nɛ e maa ye ní gbe nya nɛ e maa hwɔ si.

Mika 6:15

Nyɛ ma du ní, se nyɛ be ní kpae. Nyɛ maa nga oliv yiblii kɛ pee nu, se nyɛ be nu kpae. Nyɛ maa pee wai, se nyɛ be nue.

Amos 6:6

Nyɛ nuɔ dã bami ngɛ tsimi agboagbohi a mi, nɛ nyɛ kpaa nu je via kpakpahi. Se nyɛ yi kɔmɔ kaa a ma kpata Israel hɛ mi.

Samuel II, 12:20

Kɛkɛ nɛ David te si ngɛ zugba, nɛ e ya du e he, nɛ e kpa nu, nɛ e tsake e tade ɔmɛ. Lɔ ɔ se ɔ, e ho Yawɛ we ɔ ya, nɛ e ya ja Mawu. Benɛ e kpale kɛ ba lɛ nitsɛ e we ɔ mi ɔ, e ha nɛ a pee niye ní ha lɛ, nɛ e ye.

Luka 7:47

Lɔ ɔ he ɔ, i ngɛ mo dee ke, suɔmi agbo nɛ e je kpo ɔ tsɔɔ kaa a ngɔ e he yayami babauu ɔ ngɔ pa lɛ. Nɔ nɛ a ngɔ bɔbɔyoo pɛ ngɔ pa lɛ ɔ, suɔmi bɔbɔyoo pɛ e jeɔ kpo.”