Luka 7:44 - BAIBLO ALOO NGMAMI KLƆUKLƆU Ɔ

⁴⁴ Jehanɛ, e plɛ e hɛ mi kɛ kpee yo ɔ, nɛ e de Simon ke, “Tse o ngɛ yo nɛ ɔ hyɛe? Nɛ i ba sɛ o we ɔ mi ɔ, o ha we mi nyu nɛ ma kɛ fɔ ye nane he, se lɛɛ e kɛ vo nyu fɔ ye nane he, nɛ e kɛ e yi bwɔmi tsu.

Somi He Ɔ

⁴⁴ Kɛkɛ nɛ e plɛ e hɛ mi ha yo ɔ, nɛ e de Simon ke: “O ngɛ kikɛmɛ a yo nɛ ɔ hyɛe? I ba sɛ o we ɔ mi nɛ ɔ, o hi mi nyu nɛ ma kɛ fɔ ye nane he, se yo nɛ ɔ kɛ vo nyu fɔ ye nane he, nɛ e kɛ e yi bwɔmi tsu.

Luka 7:44 ပူးပေါင်းရင်းမြစ်များ

1 Timoteo 5:10

É pee yo nɛ he biɛ kaa e peeɔ kpakpa, yo nɛ nyɛ tsɔse bimɛ saminya, yo nɛ nyɛ hyɛ nibwɔhi nɛ ba to lɛ, yo nɛ sɔmɔ ni klɔuklɔu ɔmɛ kɛ he si bami, yo nɛ je nihi kɛ je haomi mi, nɛ ngɔ e be tsuo kɛ tsu ní kpakpahi.

Manyadali 19:21

E ngɔ mɛ kɛ ho e we mi ya, nɛ e ya ha teji ɔmɛ ní. Lɔ ɔ se ɔ, a fɔ a nanehi a he, nɛ a ye ní, nɛ a nu dã.

Mose I, 43:24

Tsɔlɔ ɔ kɛ nyɛmimɛ ɔmɛ ba Yosef we ɔ mi. E ha mɛ nyu nɛ a kɛ fɔ a nanehi a he, nɛ e ha a teji ɔmɛ ní.

Mose I, 19:2

nɛ e de ke, “Ye nyɔmtsɛmɛ, i kpa nyɛ pɛɛ, nyɛ gba ye we ɔ mi nɛ nyɛ ba to mi. Nyɛ ba fɔ nyɛ nanehi a he nɛ nyɛɛ hwɔ hiɛ ɔ, konɛ nyɛɛ te si makɛ nɛ nyɛ tsa nyɛ nyɛɛmi ɔ nɔ.” Se a he nɔ ke, “Dɛbi, wa maa hwɔ ma nɔ hiɛmɛ nɛ ɔ kɛkɛ.”

Samuel I, 25:41

Abigail kpla si nɛ e kɛ e hɛ mi bu zugba nɛ e de ke, “O nɛ, imi ji ye nyɔmtsɛ ɔ mawayo ɔ nɛ ma fɔ e tsɔli ɔmɛ a nane he ɔ nɛ.”

Yakobo 2:6

Se nyɛ pueɔ ohiatsɛmɛ ɔmɛ a hɛ mi si. Anɛ pi niatsɛmɛ ɔmɛ nɛ waa nyɛ yi mi ɔ? Anɛ pi mɛ nɛ a ngɔɔ nyɛ kɛ yaa kojomi he ɔ?

Samuel II, 11:8

Lɔ ɔ se ɔ, David de Uria ke, “Yaa o we ɔ mi nɛ o ya jɔɔ o he bɔɔ.” Benɛ Uria je matsɛ we ɔ mi ɔ, matsɛ ɔ tsɔ nɛ a kɛ nike ní nyɛɛ e se.

Luka 7:38

E ba da si ngɛ Yesu nane he, ngɛ e se je, nɛ e bɔni ya fomi; nɛ vo nyu ɔ pue Yesu nane ɔmɛ a nɔ. Kɛkɛ nɛ e kɛ e yi bwɔmi tsu Yesu nane ɔmɛ a he; e fiɔ he, nɛ e plɛ nu kɛ e he via a kɛ pue nɔ.

Luka 7:43

Simon he nɔ ke, “E peeɔ mi kaa nɔ nɛ e ngɔ fuu ngɔ ke lɛ ɔ.” Yesu de lɛ ke, “Nɔ́ nɛ o de ɔ da.”

Yohane 13:5

Jehanɛ e plɛ nyu ngɔ wo tsɛ̃si mi, nɛ e bɔni kaseli ɔmɛ a nane he fɔmi; nɛ e kɛ papahu nɛ e kɛ muɔ e mlɛ mi ɔ tsu a nane ɔ he.