Luka 7:41 - BAIBLO ALOO NGMAMI KLƆUKLƆU Ɔ

⁴¹ Yesu de ke, “Nyumuhi ni enyɔ komɛ ya sika palɔ ko ngɔ ya pa sika. Nɔ kake pa sika hiɔ yi lafa enuɔ, nɛ nɔ kake hu pa yi nyingmi enuɔ.

Somi He Ɔ

⁴¹ “Ni fliilɔ ko ngɛ hiɔtsɛmɛ enyɔ; nɔ kake hɛɛ lɛ cedi lafa enuɔ, nɛ nɔ kake hu nyingmi enuɔ.

Luka 7:41 ပူးပေါင်းရင်းမြစ်များ

Yesaya 50:1

Yawɛ ke, “Anɛ nyɛ susuɔ kaa i ha ye ma a je ye he kɛ ho kaa bɔ nɛ nyumu kɛ e yo poɔ gba mi, nɛ e haa yo ɔ gba mi pomi womi ɔ lo? Ke ja nyɛ susu ɔ, jije gba mi pomi womi ɔ ngɛ mɔ? Anɛ nyɛ susuɔ kaa i jua nyɛ kɛ ho ma se ya kaa bɔ nɛ a juaa bimɛ kaa nyɔguɛhi lo? Dɛbi, nyɛ yayami ɔmɛ a he nɛ a jua nyɛ ɔ nɛ; nyɛ mlaa tɔmi ɔmɛ a he a fie nyɛ kɛ ho ɔ nɛ.

Yeremia 3:11

Jehanɛ, Yawɛ de mi ke Israel tsɔ e hɛ mi atuã mohu lɛɛ, se afani lɛ kulaa ngɛ Yuda he.

Mose IV, 27:3

“Wa tsɛ gbo ngɛ nga a nɔ. Lɛɛ e piɛ we Kora se nyɛɛli ɔmɛ nɛ te si ngɔ wo Yawɛ ɔ a he; lɛ nitsɛ e yayami nɛ gbe lɛ. Se e be binyumu.

Mateo 18:28

“Se benɛ tsɔlɔ nɛ ɔ je kpo ɔ, e na e nyɛmimɛ tsɔli ɔmɛ a kpɛti nɔ kake nɛ hɛɛ lɛ hiɔ sika bɔɔ pɛ. Kɛkɛ nɛ e nu lɛ, nɛ e bɔni e kuɔ si miami ke, ‘Wó mi hiɔ nɛ o hɛɛ mi ɔ!’

Mateo 6:12

Ngɔɔ wa tɔmi ɔmɛ kɛ pa wɔ kaa bɔ nɛ wɔ hu waa kɛ paa nihi nɛ tɔɔ wa nɔ ɔ.

Marko 6:37

Se Yesu he nɔ ke, “Nyɛ nitsɛmɛ nyɛ ha mɛ nɔ́ ko nɛ a ye.” A bi lɛ ke, “Anɛ waa ya nɛ wa ya he abolo sika hiɔ yi lafa enyɔ nya ha mɛ nɛ a ye lo?”

Luka 11:4

Kɛ wa he yayami ɔmɛ nɛ pa wɔ; ejakaa wɔ hu waa kɛ paa nɔ tsuaa nɔ nɛ tɔɔ wa nɔ. Nɛ ko ha nɛ a ka wɔ.’ ”

Luka 12:48

Se nɔ nɛ li, nɛ e ya pee nɔ́ nɛ sa tue gblami ɔ, a maa fia lɛ kpa bɔɔ pɛ. Nɔ tsuaa nɔ nɛ a ha lɛ fuu ɔ, a ma bi fuu si ngɛ e dɛ; nɔ nɛ a tu nɔ́ nɛ pe ja po ngɔ wo e dɛ mi ɔ, a ma bi fuu si ngɛ e dɛ.

Luka 13:4

Ni nyɔngma kɛ kpaanyɔ ɔmɛ nɛ mɔ ɔ ku pue a nɔ ngɛ Siloam nɛ a gbo ɔ, mɛ nɛɛ? Anɛ nyɛ susu kaa lɔ ɔ tsɔɔ kaa mɛ kɛkɛ ji yayami peeli pe nihi tsuo nɛ ngɛ Yerusalem ɔ lo?

Luka 7:40

Yesu wo e nya nɔ nɛ e de ke, “Simon, i ngɛ sane ko nɛ ma de mo.” Simon he nɔ ke, “Tsɔɔlɔ, de.”

Luka 7:47

Lɔ ɔ he ɔ, i ngɛ mo dee ke, suɔmi agbo nɛ e je kpo ɔ tsɔɔ kaa a ngɔ e he yayami babauu ɔ ngɔ pa lɛ. Nɔ nɛ a ngɔ bɔbɔyoo pɛ ngɔ pa lɛ ɔ, suɔmi bɔbɔyoo pɛ e jeɔ kpo.”

Romabi 3:23

Ejakaa nihi tsuo pee yayami, nɛ Mawu hɛ mi nyami ɔ bɔ mɛ.

Romabi 5:20

A wo mlaa a hulɔ, konɛ wa yɔse yayami ɔmɛ babauu; se he nɛ yayami hiɛ ngɛ ɔ, lejɛ ɔ Mawu dloomi ɔ hiɛ kɛ be nɔ babauu.