Luka 7:40 - BAIBLO ALOO NGMAMI KLƆUKLƆU Ɔ

⁴⁰ Yesu wo e nya nɔ nɛ e de ke, “Simon, i ngɛ sane ko nɛ ma de mo.” Simon he nɔ ke, “Tsɔɔlɔ, de.”

Somi He Ɔ

⁴⁰ Yesu he nɔ nɛ e de lɛ ke: “Simon, i ngɛ sane ko nɛ ma de mo.” Nɛ Simon ke: “Tsɔɔlɔ, de!”

Luka 7:40 ပူးပေါင်းရင်းမြစ်များ

Matsɛmɛ I, 2:14

Se i ngɛ nɔ́ ko nɛ ma de mo.” Batsheba de lɛ ke, “Mo de!”

Ezekiel 33:31

Lɔ ɔ he ɔ, ye ma a baa o ngɔ, nɛ a ba hii si ngɛ o hɛ mi nɛ a buɔ munyu ɔmɛ tue, se nɔ́ nɛ o deɔ mɛ ke a pee ɔ, lɔ ɔ lɛɛ a pee we. Á yeɔ nɔ he fɛu, nɛ a se nami he pɛ a susuɔ.

Malaki 1:6

Bɔ nɛ Yawɛ Tabohiatsɛ ɔ ngɛ osɔfo ɔmɛ dee ji nɛ ɔ nɛ: “Bi buu e tsɛ, nɛ tsɔlɔ hu buu e nyɔmtsɛ. Ke tsɛ ji mi ɔ, mɛni he je nyɛ bui mi mɔ? Nɛ ke nyɔmtsɛ ji mi ɔ, mɛni he je nyɛ yi mi gbeye? Nyɛ gbeɔ ye he guɛ, se kɛ̃ ɔ, nyɛ biɔ ke, ‘Kɛ wa plɛ kɛ gbe o he guɛ kɛɛ?’

Mateo 26:49

Yuda ba Yesu ngɔ amlɔ ba de ke, “Tsɔɔlɔ he manye.” Kɛkɛ nɛ e fiɔ Yesu nya he.

Mateo 7:22

Kojomi ligbi ɔ, nihi babauu ma bi mi ke, ‘Nyɔmtsɛ, Nyɔmtsɛ! Pi o biɛ mi nɛ wa fiɛ Mawu munyu ɔ ngɛ lo? Pi o biɛ mi nɛ wa hia mumi yayamihi ngɛ lo? Nɛ pi mo o biɛ mi nɛ wa pee nyakpɛ ní fuu ngɛ lo?’

Luka 18:18

Yuda ma hɛ mi nyɛɛlɔ ko ba bi Yesu ke, “Tsɔɔlɔ kpakpa, kɛ ma pee kɛɛ nɛ ma na neneene wami?”

Luka 5:22

Benɛ Yesu na a juɛmi ɔ, e bi mɛ ke, “Mɛni nyɛ ngɛ susue ɔ?

Luka 5:31

Yesu de mɛ ke, “Nihi nɛ ngɛ he wami ɔ, e hia we mɛ tsopatsɛ; nihi nɛ be he wami ɔ, mɛ mohu lɛ tsopatsɛ hia.

Luka 6:8

Se Yesu na a juɛmi ɔ momo; lɔ ɔ he ɔ, e de nyumu ɔ nɛ nine gbo ɔ ke, “Tee si nɛ o ba da si ngɛ hɛ mi hiɛmɛ nɛ ɔ!” Nyumu ɔ te da si ngɛ lejɛ ɔ.

Luka 7:39

Benɛ Farisi no ɔ nɛ tsɛ Yesu ní yemi ɔ na a, e de ngɛ e yi mi ke, “Nyumu nɛ ɔ, gbalɔ nitsɛ ji lɛ jinɛ e ko le yo nɛ ngɛ e he tae nɛ ɔ mi tso kaa yayami peelɔ ji lɛ!”

Luka 7:41

Yesu de ke, “Nyumuhi ni enyɔ komɛ ya sika palɔ ko ngɔ ya pa sika. Nɔ kake pa sika hiɔ yi lafa enuɔ, nɛ nɔ kake hu pa yi nyingmi enuɔ.

Yohane 13:13

Tse nyɛ tsɛɔ mi Tsɔɔlɔ, nɛ nyɛ tsɛɔ mi Nyɔmtsɛ hulɔ! Saminya, e ngɛ mi jã.

Yohane 16:19

Yesu na kaa a ngɛ hlae nɛ a bi lɛ nɔ́ nɛ e de ɔ sisi, lɔ ɔ he ɔ, e de mɛ ke, “I ke, ‘E piɛ bɔɔ nɛ nyɛ be mi nae hu; kɛkɛ bɔɔ se ɔ, nyɛ maa na mi ekohu.’ Anɛ enɛ ɔ he munyu nyɛ ngɛ nyɛ he bie ɔ?

Yohane 16:30

Amlɔ nɛ ɔ lɛɛ wa na kaa o le nɔ́ tsuaa nɔ́, nɛ e hia we nɛ nɔ ko nɛ bi mo sane ko. Jehanɛ lɛɛ wa he ye kaa Mawu ngɔ nɛ o je kɛ ba.”

Yohane 3:2

Nyumu nɛ ɔ ba Yesu ngɔ nyɔ mi, nɛ e ba de lɛ ke, “Tsɔɔlɔ, wa le kaa tsɔɔlɔ nɛ Mawu tsɔ kɛ ba ji mo. Níhi tsuo nɛ o peeɔ ɔ kɛ toɔ okadi ɔ, nɔ ko nɔ ko be nyɛe maa pee, ja Mawu piɛ e he.”