Luka 7:38 - BAIBLO ALOO NGMAMI KLƆUKLƆU Ɔ

³⁸ E ba da si ngɛ Yesu nane he, ngɛ e se je, nɛ e bɔni ya fomi; nɛ vo nyu ɔ pue Yesu nane ɔmɛ a nɔ. Kɛkɛ nɛ e kɛ e yi bwɔmi tsu Yesu nane ɔmɛ a he; e fiɔ he, nɛ e plɛ nu kɛ e he via a kɛ pue nɔ.

Somi He Ɔ

³⁸ Nɛ e ba da Yesu nane he ngɛ e se je, nɛ e fo ya, nɛ vo nyu ɔ pue e nane ɔmɛ a nɔ, nɛ e kɛ e yi bwɔmi tsu, nɛ e fiɔ e nane ɔmɛ a he, nɛ e kɛ tsopa kɛ e he via a kpa he.

Luka 7:38 ပူးပေါင်းရင်းမြစ်များ

Ezra 10:1

Jehanɛ Ezra ya Mawu we ɔ hɛ mi. E fa kue ha Mawu, nɛ e jaje Israel ma a he yayami. Jamɛ a be ɔ tsuo ɔ, e ngɛ ya foe, nɛ e ngɔ e he kɛ ngɛ si fiae. Kɛkɛ nɛ Israel bi babauu, nyumihi, yihi, kɛ jokuɛwi ba bua a he nya ngɛ lejɛ ɔ, nɛ a wo yana.

La 38:18

I ngɛ jajee kaa i pee yayami; ye he yayami ɔmɛ ngɛ mi dɔe.

La 51:17

Bɔ nɛ saa mo Mawu o hɛ mi ji he piami. Ke nɔ ko pia e he, nɛ e tsake e tsui ɔ, o kua we lɛ.

Fiɛlɔ 9:8

Wo tade hiɔ be tsuaa be, nɛ o ko ha nɛ nu nɛ ta o yi mi.

Lahi 1:3

O he ngɛ via jee kaa nɔ́ ko; ke a wo o biɛ ta pɛ a kaiɔ o he via a; lɔ ɔ he nɛ yi ɔmɛ tsuo suɔ mo ɔ nɛ.

Yesaya 57:9

Nyɛ ngɔɔ nu, kɛ nu kɛ e he via fuu kɛ hiaa blɔ kɛ ya jaa mawu ɔ nɛ a tsɛɛ Molek ɔ. Bɔ nɛ pee nɛ nyɛ na mawu kpahi nɛ nyɛ ja a, nyɛ tsɔɔ nihi kɛ yaa ma se tsitsaa lokoo, kɛ yaa gbeje tete po.

Yesaya 61:3

Kɛkɛ ɔ, nihi nɛ ngɛ kɔmɔ yee ngɛ Zion ɔ, e ma bu mɛ jlasi nɛ a kɛ mɔmɔ pee, se pi la zu; a bua maa jɔ; a ma kpa kɔmɔ yemi, nɛ a ma la yi jemi la. A maa bɔ kaa tso nguaa nɛ Yawɛ nitsɛ ma. Mɛ tsuo a maa pee nɔ́ nɛ da, nɛ a maa wo Yawɛ hɛ mi nyami.

Yeremia 31:9

Ma kpale mɛ kɛ ba kɛ a hɛ mi ya, kɛ kue fami. Ma kpaka mɛ kɛ nyɛɛ pahi a tue ngɛ blɔ tlɔmɔɔ nɔ, konɛ a ko tɛ nɔ. I ngɛ kaa tsɛ kɛ ha Israel, nɛ Efraim ji ye kekleekle bi.”

Yoel 2:12

Yawɛ ke, “Nyɛ tsake nyɛ tsui anɔkuale mi, nɛ nyɛɛ kpale kɛ ba ye ngɔ nɔuu. Nyɛɛ ha hwɔ; nyɛɛ wo yana, nɛ nyɛɛ ye kɔmɔ.

Zakaria 12:10

“David nina, kɛ ni kpahi nɛ ngɛ Yerusalem ɔ, ma ngɔ mumi nɛ naa mɔbɔ, kɛ mumi nɛ faa kue ngɔ wo a mi tɔ. Kɛkɛ ɔ, ke a na nɔ nɛ a gbɔ lɛ nɔ́ ɔ, a maa nyɛ ya ha lɛ kaa bɔ nɛ a nyɛɛ ya ha bi kake too. A ma nya awe kaa nihi nyaa awe ha a bitɛte.

Mateo 5:4

“A gbaa ni nɛmɛ nɛ yeɔ kɔmɔ, ejakaa Mawu maa jɔɔ a bua.

Luka 22:62

Kɛkɛ nɛ Petro je kpo, nɛ e ya fo ya wawɛɛ nitsɛ.

Luka 6:21

“A gbaa nyɛ nihi nɛ hwɔ ngɛ nyɛ yee amlɔ nɛ ɔ; Mawu ma ha nyɛ maa tɔ! “A gbaa nyɛ nihi nɛ nyɛ ngɛ ya foe amlɔ nɛ ɔ, ejakaa nyɛ ma ba muɔ!

Luka 7:37

Yo ko ngɛ jamɛ a ma a mi nɛ yayami peelɔ ji lɛ. Benɛ e nu kaa Yesu ngɛ ní yee ngɛ Farisi no ɔ we ɔ mi ɔ, e hɛɛ tɛ kplu nɛ he jua wa kɛ e mi nu kɛ e he via kɛ ba.

Luka 7:39

Benɛ Farisi no ɔ nɛ tsɛ Yesu ní yemi ɔ na a, e de ngɛ e yi mi ke, “Nyumu nɛ ɔ, gbalɔ nitsɛ ji lɛ jinɛ e ko le yo nɛ ngɛ e he tae nɛ ɔ mi tso kaa yayami peelɔ ji lɛ!”

Yohane 11:2

Lazaro nɛ ɔ, Maria nɛ ngɔ nu kɛ e he via kɛ pɔ Nyɔmtsɛ ɔ nane, nɛ e kɛ e yi bwɔmi tsu ɔ nyɛminyumu ji lɛ.

Yakobo 4:9

Nyɛɛ ye kɔmɔ; nyɛɛ wo yana, nɛ nyɛ nya awe. Nyɛ kpa muɔmi, nɛ nyɛɛ wo yana. Nyɛ kpa nyami, nɛ nyɛɛ nu sawale!