Luka 7:37 - BAIBLO ALOO NGMAMI KLƆUKLƆU Ɔ

³⁷ Yo ko ngɛ jamɛ a ma a mi nɛ yayami peelɔ ji lɛ. Benɛ e nu kaa Yesu ngɛ ní yee ngɛ Farisi no ɔ we ɔ mi ɔ, e hɛɛ tɛ kplu nɛ he jua wa kɛ e mi nu kɛ e he via kɛ ba.

Somi He Ɔ

³⁷ Nɛ oʼɛ, yo ko nɛ ji yayami peelɔ ngɛ ma a mi ɔ, benɛ e na le kaa e ngɛ ni yee ngɛ Farisifono ɔ we ɔ mi ɔ, e hɛɛ alabastro tɔ kɛ e mi tsopa kɛ e he via kɛ ba.

Luka 7:37 ပူးပေါင်းရင်းမြစ်များ

Mateo 21:31

Lɔ ɔ he ɔ, ni enyɔ nɛ ɔmɛ a kpɛti mɛnɔ lɛ pee nɔ́ nɛ a tsɛ ɔ suɔ?” A he nɔ ke, “Nɔkɔtɔma a.” Yesu de mɛ ke, “Niinɛ, i ngɛ nyɛ dee ke, tó tsuli ɔmɛ, kɛ ajuama amɛ sɛ nyɛ hlami kɛ yaa Mawu matsɛ yemi ɔ mi.

Luka 18:13

“Se tó tsulɔ ɔ ya da si ngɛ se lokoo, nɛ e yi nɔ tete po e wo we kɛ yɛ hiɔwe; mohu ɔ, e gbe e gugue nɛ e de ke, ‘Mawu, yayami peelɔ ji mi; naa mi mɔbɔ!’

Luka 19:7

Nihi tsuo nɛ na nɔ́ nɛ ɔ, tu munyu huitihuiti ke, “Nyumu nɛ ɔ ya to yayami peelɔ we mi.”

Luka 5:30

Kɛkɛ nɛ Farisi bi komɛ, kɛ mlaa tsɔɔli komɛ tu munyu huitihuiti kɛ si Yesu kaseli ɔmɛ ke, “Mɛni he je nɛ nyɛɛ kɛ tó tsuli, kɛ yayami peeli ngɛ ní yee, nɛ nyɛɛ kɛ mɛ ngɛ ní nue ɔ?”

Luka 5:32

I bɛ dali tsɛmi; mohu ɔ, i ba nɛ ma ba tsɛ yayami peeli, konɛ a tsake a tsui.”

Luka 7:34

Nɔmlɔ Bi ɔ ba. Lɛɛ e yeɔ ní, nɛ e nuɔ wai, nɛ nyɛ ke, ‘Hyɛ, nyumu jiklɔɔtsɛ, kɛ dã nulɔ, tó tsuli, kɛ yayami peeli a huɛ.’

Luka 7:36

Farisi no ko tsɛ Yesu ní yemi, nɛ Yesu ya Farisi no ɔ we ɔ mi ya hi si, konɛ a ye ní ɔ.

Yohane 11:2

Lazaro nɛ ɔ, Maria nɛ ngɔ nu kɛ e he via kɛ pɔ Nyɔmtsɛ ɔ nane, nɛ e kɛ e yi bwɔmi tsu ɔ nyɛminyumu ji lɛ.

Yohane 9:24

Yuda bi ɔmɛ kpale tsɛ nyumu ɔ nɛ a fɔ lɛ hɛ yuyuilɔ ɔ ekohu, nɛ a bi lɛ ke, “Ka wɔ kita ngɛ Mawu hɛ mi ngɛ hiɛmɛ nɛ ɔ kaa o maa tu wɔ anɔkuale! Wɔɔ lɛɛ wa le kaa nɔmlɔ nɛ tsa mo ɔ yayami peelɔ ji lɛ.”

Yohane 9:31

Wa le kaa Mawu bui yayami peeli tue, se nɔ nɛ yeɔ lɛ gbeye, nɛ e peeɔ Mawu suɔmi nya ní ɔ, Mawu buɔ lɛ tue.

Romabi 5:8

Se suɔmi kpetekpleenyɛ nɛ Mawu je kpo ji nɛ ɔ nɛ, kaa be nɛ wa ji yayami peeli ɔ, jamɛ a be ɔ Kristo ba gbo ngɛ wa he.

1 Timoteo 1:15

Kristo Yesu ba je ɔ mi, konɛ e ba he yayami peeli a yi wami. Anɔkuale munyu nitsɛnitsɛ nɛ sa kaa nɔ tsuaa nɔ nɛ he ye ji nɛ ɔ nɛ. Imi nitsɛ ɔ, yayami peelɔ kpanaku ji mi pe nihi tsuo.

1 Timoteo 1:9

E sa kaa wa kai kaa mlaa he hia we nimli kpakpahi. Ni nɛmɛ nɛ a woɔ mlaa ha ji mlaa tɔli, awi yeli, nihi nɛ li Mawu, yayami peeli, nihi nɛ Mawu mumi be a mi, nihi nɛ gbee mɛ nitsɛmɛ a tsɛmɛ kɛ a nyɛmɛ, kɛ muɔ si pueli kpahi.

1 Petro 4:18

Kaa bɔ nɛ ngmami ɔ deɔ ɔ, “Ke dengme loko a ma he nimli kpakpahi a yi wami ɔ, lɛɛ yayami peeli nɛ li Mawu ɔ, mɛɛ kɛ a nyagbe maa hi kɛɛ?”