Luka 7:29 - BAIBLO ALOO NGMAMI KLƆUKLƆU Ɔ

²⁹ Ma a, kɛ tó tsuli ɔmɛ tsuo nɛ nu fiɛmi ɔ, bu Mawu tue. Níhi nɛ Mawu de mɛ ke a pee ɔ, a pee pɛpɛɛpɛ, nɛ Yohane sɔle mɛ.

Somi He Ɔ

²⁹ Nɛ ma a tsuo nɛ nu ɔ kɛ onia tsuli ɔmɛ bu Mawu bemi akɛnɛ a kɛ Yohane Baptisilɔ ɔ baptisimi ɔ baptisi mɛ ɔ.

Luka 7:29 ပူးပေါင်းရင်းမြစ်များ

La 51:4

Mo, o nɔ nɛ i tɔ̃, mo pɛ nɛ i pee yayami nɛ ɔ kɛ si. Lɔ ɔ he ɔ, fɔ nɛ o bu mi ɔ, e sa mi. Piami ko piami ko be o he.

Mateo 5:46

Ke nyɛ suɔ ni nɛmɛ nɛ suɔ nyɛ ɔ pɛ ɔ, mɛni hiɔwo pa ngɛ ha nyɛ? Anɛ tó tsuli ɔmɛ tete pee we ja nɔuu lo?

Luka 20:6

Nɛ ke wa de ke, ‘Nɔmlɔ adesa nɛ ha lɛ’ ɔ, ni ɔmɛ nɛ ngɛ hiɛ ɔ tsuo maa fia wɔ tɛ; ejakaa a heɔ yeɔ kaa Yohane ɔ, gbalɔ ji lɛ.”

Luka 3:12

Tó tsuli komɛ hu ba nɛ e sɔle mɛ. A bi lɛ ke, “Tsɔɔlɔ, mɛni sa wɔ peemi?”

Luka 7:28

I ngɛ nyɛ dee ke, nimli tsuo nɛ a fɔ kɛ ba je ɔ mi ɔ, a ti nɔ ko nɔ ko pi Yohane. Se nɔ nɛ ji nyafii pe kulaa ngɛ Mawu matsɛ yemi ɔ mi ɔ pã Yohane.”

Luka 7:35

Se kɛ̃, nihi tsuo nɛ heɔ Mawu nile ɔ yeɔ ɔ, a yeɔ odase kaa e ji anɔkuale.”

Ni Tsumi 18:25

A tsɔɔ nyumu nɛ ɔ Nyɔmtsɛ ɔ blɔ ɔ, nɛ e kɛ kã, kɛ mumi nɛ nya wa fiɛ Mawu munyu ɔ; nɛ e tsɔɔ Yesu he ní fitsofitso. Pohu Yohane nɔ sɔlemi ɔ pɛ nɛ e le.

Ni Tsumi 19:3

Paulo bi mɛ ekohu ke, “Lɛɛ kɛ a pee kɛ sɔle nyɛ kɛɛ?” A he nɔ ke, “Kaa bɔ nɛ Yohane tsɔɔ ɔ.”

Romabi 10:3

Blɔ nɔ nɛ Mawu guu kɛ buu nɔ nɔ nɛ da a, a li, nɛ a hlaa kaa a ma wo mɛ nitsɛmɛ a blɔ. Lɔ ɔ he ɔ, a ngɔɛ a he ngɔ ha we Mawu, konɛ e bu mɛ nihi nɛ da.

Kpojemi 15:3

Nɛ a ngɛ Mawu tsɔlɔ Mose la a, kɛ To bi ɔ la a lae ke, “Nyɔmtsɛ Mawu Ope, O ní tsumi ɔmɛ kle, nɛ a ngɛ nyakpɛ! Je ma amɛ a matsɛ, o ní peemi ní ɔmɛ tsuo da, anɔkuale sɔuu!

Kpojemi 16:5

Nɛ i nu nɛ bɔfo ɔ nɛ ngɛ he wami ngɛ nyu nɔ ɔ ngɛ Mawu dee ke, “Mo ji Mawu Klɔuklɔu ɔ nɛ. Mo ji Mawu nɛ ngɛ amlɔ nɛ ɔ, kɛ nɔ nɛ hi si sa a. O ye dami sane ngɛ o kojomi nɛ ɔmɛ a mi!

Manyadali 1:7

Adonibezek de ke, “I po matsɛmɛ nyingmi kpaago a nine gɔlekuhi, kɛ a nane gɔlekuhi nɛ i ha a kukuɔ ní ngɛ ye okplɔɔ sisi hyɛ; nɔ́ nɛ i pee be ko ɔ, lɔ ɔ he hiɔ pɛ Mawu wo mi nɛ ɔ nɛ.” A ngɔ lɛ kɛ ho Yerusalem ya, nɛ e ya gbo ngɛ lejɛ ɔ.