Luka 7:21 - BAIBLO ALOO NGMAMI KLƆUKLƆU Ɔ

²¹ Jamɛ a be ɔ nɔuu ɔ, Yesu tsa hiɔtsɛmɛ fuu a hiɔhi ha mɛ; e hia mumi yayamihi kɛ je nihi a mi, nɛ e ha hɛ yuyuili babauu hyɛ nɔ́ ekohu.

Somi He Ɔ

²¹ Lɛ ngmlɛfia a nɔ nɔuu ɔ, e tsa nihi fuu a hiɔhi kɛ a hehiamihi kɛ mumi yayamihi, nɛ nihi fuu hu nɛ hɛ̃ yu ɔ, e ha a hyɛ nɔ.

Luka 7:21 ပူးပေါင်းရင်းမြစ်များ

Matsɛmɛ I, 8:37

“Ke hwɔ, loo gbenɔ hiɔ, loo tsohi a he hiɔ, loo baalɛ ba zugba a nɔ, aloo ke he nyɛli ba sa o ma mi bi ɔmɛ a yi ngɔ wo a ma amɛ eko mi ɔ, haomi tsuaa haomi, aloo hiɔ tsuaa hiɔ nɛ ji ɔ,

Mose III, 14:48

Se ke a kɛ zu kpa kã gli ɔ he, nɛ lɔ ɔ se osɔfo ɔ ba hyɛ, nɛ e nɛ nɔ́ ko ngɛ he ɔ, e ha nɛ a le kaa we ɔ he tsɔ; ejakaa a je nɔ́ nɛ fu ja a tsuo kɛ je gli ɔ mi.

Mateo 4:23

Yesu kpa Galilea tsuo; e tsɔɔ ní ngɛ a kpe he ɔmɛ, nɛ e fiɛ matsɛ yemi ɔ he sane kpakpa a, nɛ e tsa hiɔhi tsuo nɛ ngɛ ni ɔmɛ a he.

Mateo 4:24

Yesu he sane gbɛ fĩa Siria zugba a tsuo nɔ; nɛ a ngɔ hiɔtsɛmɛ, kɛ nihi nɛ ngɛ haomi slɔɔtohi a mi kɛ ba e ngɔ, nɛ e tsa mɛ: kɔkɔtsɛmɛ, hulemi hiɔtsɛmɛ, kɛ nihi nɛ mumi yayamihi ngɛ a mi.

Marko 3:10

A nu he kaa e tsa nihi babauu he je ɔ, hiɔtsɛmɛ tsuo bu kɛ ba e ngɔ konɛ a ba ta e he.

Marko 5:29

Benɛ e ta Yesu tade ɔ he ɔ, amlɔ nɔuu ɔ, muɔ ɔ jɔɔ dɛmi, nɛ e nu he ngɛ e nɔmlɔ tso ɔ mi kaa a tsa lɛ.

Marko 5:34

Yesu de lɛ ke, “Biyo, o hemi kɛ yemi tsa mo! O hiɔ ɔ nɛ jɔ! Yaa ngɛ he jɔmi mi.”

Luka 7:20

Benɛ tsɔli ɔmɛ ba Yesu ngɔ ɔ, a de lɛ ke, “Yohane nɔ sɔlelɔ ɔ tsɔ wɔ ke wa ba bi mo ke, ‘Anɛ mo ji nɔ nɛ maa ba a, aloo waa hyɛ nɔ kpa blɔ?’ ”

Hebribi 12:6

Ejakaa nɔ nɛ Nyɔmtsɛ ɔ suɔ ɔ lɛ e tsɔseɔ, nɛ e fiaa nɔ tsuaa nɔ nɛ e ngɔ peeɔ e bi ɔ kpa.”