Luka 7:2 - BAIBLO ALOO NGMAMI KLƆUKLƆU Ɔ

² Roma asafoatsɛ ko ngɛ ma a mi, kɛ e nyɔguɛ nɛ e suɔ lɛ saminya. Se nyɔguɛ ɔ be he wami kulaa, nɛ e miɔ nɛ e ma gbo.

Somi He Ɔ

² Jeha nɛ ɔ Roma aslaafohi lafa a nyatsɛ ko wenyumu nɛ e suɔ saminya ngɛ hiɔ nue nɛ e miɔ nɛ e ma gbo.

Luka 7:2 ပူးပေါင်းရင်းမြစ်များ

Mose I, 24:27

E de ke, “A je Yawɛ, ye nyɔmtsɛ Abraham Mawu ɔ yi, kaa e na ye nyɔmtsɛ ɔ mɔbɔ, nɛ e ye si nɛ e wo lɛ ɔ nɔ. Yawɛ kpaka mi tɛɛ kɛ ba ye nyɔmtsɛ ɔ weku li a ngɔ.”

Mose I, 35:8

Bimɛanyɛ ɔ nɛ hyɛ Rebeka ngɛ e jokuɛ mi, nɛ a tsɛɛ lɛ Debora a ba gbo, nɛ a pu lɛ ngɛ tso ngua a sisi, ngɛ Betel leneyi je. Enɛ ɔ he je ɔ, a wo lejɛ ɔ biɛ ke, “Tso ngua he nɛ a woɔ ya ngɛ.”

Hiob 31:5

I ngɛ kita kae kaa i yi nɔ ko lakpa; i sisi we nɔ ko hulɔ.

Abɛ Womi 29:21

Nɔ nɛ haa e tsɔlɔ nɔ́ tsuaa nɔ́ nɛ e biɔ lɛ be tsuaa be ɔ, nyagbe ɔ, tsɔlɔ ɔ mohu ba peeɔ wetsɛ.

Mateo 27:54

Benɛ asafoatsɛ ɔ, kɛ nihi nɛ kɛ lɛ ngɛ Yesu he bue ɔ na nɛ zugba mimiɛ, kɛ níhi tsuo nɛ nyɛɛ se ɔ, a ye gbeye wawɛɛ, nɛ a de ke, “Niinɛ, Mawu Bi ɔ ji nɛ ɔ nɛ!”

Luka 23:47

Benɛ asafoatsɛ ɔ na nɔ́ nɛ ba a, e je Mawu yi, nɛ e de ke, “E ngɛ mi niinɛ kaa nyumu nɛ ɔ pee we nɔ́ ko nɛ sa gbenɔ!”

Luka 7:1

Benɛ Yesu tu munyu nɛ ɔmɛ tsuo kɛ tsɔɔ ni ɔmɛ ta a, e pue nɔ kɛ ho Kapernaum ya.

Luka 7:3

Benɛ asafoatsɛ ɔ nu Yesu he ɔ, e tsɔ Yuda ma nimeli komɛ ke a ya de lɛ ke e ba nɛ e ba tsa e nyɔguɛ ɔ ha lɛ.

Luka 8:42

ejakaa e biyo kake too nɛ ye maa pee jeha nyɔngma kɛ enyɔ ɔ miɔ nɛ e ma gbo. Benɛ Yesu yaa a, ni ɔmɛ tɔtɔ lɛ.

Ni Tsumi 10:1

Nyumu ko ngɛ Kaisarea nɛ a tsɛɛ lɛ Kornelio. Kornelio nɛ ɔ, Roma tabo ɔ nɛ a tsɛɛ Italia tabo ɔ we asafoatsɛ ji lɛ.

Ni Tsumi 10:7

Kɛkɛ nɛ Mawu bɔfo ɔ je. Jehanɛ Kornelio tsɛ e sɔmɔli enyɔ, kɛ ta bulɔ kake kɛ ba e ngɔ. Ta bulɔ nɛ ɔ, Kornelio he buli ɔmɛ a ti nɔ kake nɛ yee Mawu gbeye ji lɛ.

Ni Tsumi 22:26

Benɛ asafoatsɛ ɔ nu enɛ ɔ, e ya asafoatsɛngua a ngɔ, nɛ e ya de lɛ ke, “Mɛni o maa ho peemi ya nɛ ɔ? Nyumu ɔ, Roma no ji lɛ!”

Ni Tsumi 23:17

Kɛkɛ nɛ Paulo tsɛ asafoatsɛmɛ ɔmɛ a ti nɔ kake, nɛ e de lɛ ke, “Ngɔɔ niheyo nɛ ɔ kɛ ya asafoatsɛngua a ngɔ; e hɛɛ sɛ gbi ko kɛ ha lɛ.”

Ni Tsumi 27:1

Benɛ a ma nya si kaa wa ma wo lɛ kɛ ya Italia a, a ngɔ Paulo kɛ pamitsɛmɛ kpa komɛ hu ngɔ wo Roma asafoatsɛ ko nɛ a tsɛɛ lɛ Yulio ɔ dɛ. Asafoatsɛ nɛ ɔ, “Roma matsɛ tabo” ɔ mi no ji lɛ.

Ni Tsumi 27:3

E nɔ jena a, wa ya su Sidon. Yulio hɛɛ Paulo saminya; e ngmɛ lɛ blɔ nɛ e ya slaa e huɛmɛ, nɛ a ha lɛ níhi nɛ hia lɛ.

Ni Tsumi 27:43

Se asafoatsɛ ɔ to e yi mi kaa e ma he Paulo yi wami, lɔ ɔ he ɔ, e tsi a nya, nɛ a gbi nɔ ko. Mohu ɔ, e fa ke nihi tsuo nɛ le silemi ɔ, mɛ kekle a tu ngɔ pue wo ɔ mi, nɛ a sile kɛ ya nu kpo;

Kolosebi 3:22

Nyɔguɛhi, nyɛɛ bu nyɛ je nɛ ɔ mi nyɔmtsɛmɛ ɔmɛ ngɛ nɔ́ tsuaa nɔ́ mi, pi kɛ hɛ mi sɔmɔmi nɛ ma ha nyɛ nyɔmtsɛmɛ ɔmɛ maa suɔ nyɛ sane. Mohu ɔ, nyɛɛ bu mɛ kɛ je nyɛ tsui mi kaa nihi nɛ yeɔ Mawu gbeye.