Luka 7:16 - BAIBLO ALOO NGMAMI KLƆUKLƆU Ɔ

¹⁶ Gbeye nu ni ɔmɛ tsuo, nɛ a je Mawu yi, nɛ a de ke, “Gbalɔ nguaa ko te si ngɛ wa kpɛti! Mawu ba, konɛ e ba kpɔ wɔ, e ma a!”

Somi He Ɔ

¹⁶ Nɛ gbeye nu mɛ tsuo, nɛ a wo Mawu hɛ mi nyami ke: “Gbalɔ kpetekpleenyɛ te si ngɛ wa kpɛti, nɛ Mawu ba slaa e ma a.”

Luka 7:16 ပူးပေါင်းရင်းမြစ်များ

La 65:9

O slaa zugba a, o haa lɛ nyu, nɛ e baa ní babauu. Ke o ha pa a hyi kikɛ nɛ ɔ, ngmɔ ɔmɛ baa ní saminya. Bɔ nɛ o peeɔ lɛ ha ji nɛ ɔ nɛ.

Mose II, 4:31

Ma a he ye. Benɛ a nu kaa Yawɛ ba na Israel bi ɔmɛ a nɔ́ nami ɔ, nɛ e ma nɛ e ba pee he nɔ́ ko ha mɛ ɔ, a kpla si nɛ a ja Mawu.

Yeremia 33:9

Yerusalem ma ha nɛ ma na biɛ, yi jemi, kɛ hɛ mi nyami ngɛ je ma amɛ tsuo a kpɛti, ke je ma amɛ nu ní kpakpahi tsuo nɛ i pee ha ma a. Ke je ma amɛ nu ní nɛ ɔmɛ a he, nɛ a na bɔ nɛ kplɔkɔtɔ, kɛ he jɔmi ba ma a mi ɔ, a tsui maa po nɛ a he maa do blibliibli.”

Mateo 15:31

Benɛ ma kpekpemi ɔ na nɛ amuɛti ɔmɛ ngɛ munyu tue, nɛ glɔtsɛmɛ ɔmɛ a he mi wa mɛ, nɛ nihi nɛ hule ɔ ngɛ nyɛɛe, nɛ hɛ yuyuili ɔmɛ ngɛ nɔ́ hyɛe ɔ, a nya kpɛ a he. Nɛ a je Israel Mawu ɔ yi.

Mateo 21:11

Ma kpekpemi ɔ he nɔ ke, “Nɔ nɛ ɔ ji gbalɔ Yesu nɛ je Nazaret ngɛ Galilea a nɛ.”

Mateo 28:8

Lɔ ɔ he ɔ, a je yɔkɔ ɔ he esɔesɔ kɛ gbeye, kɛ bua jɔmi babauu; nɛ a tu fo kɛ ho, konɛ a ya sɛɛ ha Yesu kaseli ɔmɛ.

Mateo 9:8

Benɛ ma kpekpemi ɔ na nɔ́ nɛ ɔ, a nya kpɛ a he, nɛ a je Mawu yi kaa e ha nɔmlɔ adesa he wami kaa kikɛ nɛ ɔ.

Luka 1:65

Gbeye nu e paka bi ɔmɛ tsuo, nɛ sane nɛ ba nɛ ɔ gbɛ fĩa Yudea yoku zugba a tsuo.

Luka 1:68

“Nyɛ ha wa je Nyɔmtsɛ, Israel Mawu ɔ yi. Ejakaa e ba piɛ e ma a he, nɛ e ha nɛ a ye a he.

Luka 19:44

A ma kpata o hɛ mi pɛsɛpɛsɛ, nɛ nihi nɛ ngɛ ma a mi hu a maa gbe mɛ tsuo; a be tɛ kake po sie ngɛ e blɔ he. Ní nɛ ɔmɛ tsuo maa ba o nɔ, ejakaa be ɔ nɛ Mawu ba nɛ e ba kpɔ mo ɔ, o kplɛɛ we.”

Luka 2:20

To hyɛli ɔmɛ kpale a se kɛ ho. Benɛ a yaa a tsuo a ngɛ lae kɛ ngɛ Mawu yi jee ngɛ níhi nɛ a nu, kɛ níhi nɛ a na a he. Nɔ́ nɛ bɔfo ɔ sɛɛ ha mɛ ɔ, lɔ ɔ tutuutu nɛ a ya na a nɛ.

Luka 24:19

E bi ke, “Mɛni sanehi?” A he nɔ ke, “Sanehi nɛ ba Yesu nɛ je Nazaret ɔ nɔ ɔ! Nyumu nɛ ɔ, gbalɔ ji lɛ. E pee nyakpɛ níhi, nɛ e tu munyu nguahi nɛ sa Mawu, kɛ ma a tsuo a hɛ mi.

Luka 5:26

Mɛ tsuo a he mi po, nɛ a ye gbeye, nɛ a je Mawu yi, nɛ a de ke, “Wa na nyakpɛ ní mwɔnɛ ɔ!”

Luka 5:8

Benɛ Simon Petro na nɔ́ nɛ ba a, e kpla si ngɛ Yesu nane nya, nɛ e de ke, “Nyɔmtsɛ! Jee ye kasa nya, ejakaa yayami peelɔ ji mi!”

Luka 7:15

Kɛkɛ nɛ nɔ nɛ gbo ɔ te si nɛ e hi si, nɛ e bɔni munyu tumi. Nɛ Yesu ngɔ lɛ kɛ ha e nyɛ.

Luka 7:39

Benɛ Farisi no ɔ nɛ tsɛ Yesu ní yemi ɔ na a, e de ngɛ e yi mi ke, “Nyumu nɛ ɔ, gbalɔ nitsɛ ji lɛ jinɛ e ko le yo nɛ ngɛ e he tae nɛ ɔ mi tso kaa yayami peelɔ ji lɛ!”

Luka 8:37

Kɛkɛ nɛ ni ɔmɛ tsuo nɛ je jamɛ a zugba a nɔ ɔ, ba kpa Yesu pɛɛ ke e je a ngɔ nɛ e ho, ejakaa a ye gbeye wawɛɛ. Nɛ e ya sɛ lɛ ɔ mi, nɛ e kpale e se.

Luka 9:19

A he nɔ ke, “Ni komɛ ke Yohane nɔ sɔlelɔ ɔ ji mo; ni komɛ ke Eliya, nɛ ni komɛ hu ke blema gbali ɔmɛ eko lɛ a tle si.”

Yohane 1:21

A bi lɛ ke, “Mɛnɔ ji mo mɔ? Eliya lo?” Yohane he nɔ ke, “Tsa pi imi ji Eliya.” A bi lɛ ekohu ke, “Mo ji gbalɔ ɔ lo?” Yohane he nɔ ke, “Dɛbi!”

Yohane 1:25

kpale bi lɛ ke, “Ke pi mo ji Kristo ɔ, pi Eliya ji mo, nɛ pi mo ji gbalɔ ɔ hulɔ ɔ, lɛɛ mɛni he nɛ o ngɛ nihi sɔlee mɔ?”

Yohane 4:19

Yo ɔ de Yesu ke, “Nyɔmtsɛ, i na kaa gbalɔ ji mo.

Yohane 6:14

Nihi nɛ na okadi nɛ ɔ nɛ Yesu pee ɔ de ke, “Niinɛ, gbalɔ ɔ nɛ ma je ɔ mi ɔ ji nɛ ɔ nɛ.”

Yohane 9:17

Jehanɛ ɔ, Farisi bi ɔmɛ kpale bi nyumu ɔ ekohu ke, “Tse o de wɔ ke e bli o hɛngmɛ! Saminya, kɛ moo o deɔ ngɛ e he kɛɛ?” Nyumu ɔ he nɔ ke, “Gbalɔ ji lɛ.”

Ni Tsumi 5:5

Benɛ Anania nu munyu nɛ ɔ, e tsɔ fia si, nɛ e gbo. Nihi tsuo nɛ nu sane nɛ ba a ye gbeye wawɛɛ nitsɛ.

Ni Tsumi 7:37

Kikɛmɛ a Mose nɛ ɔ nɛ de Israel bi ɔmɛ ke, ‘Nyɔmtsɛ, nyɛ Mawu ɔ maa tsɔ gbalɔ ko kɛ je nyɛ nyɛmimɛ ɔmɛ a kpɛti kaa bɔ nɛ e tsɔ mi ɔ nɛ.’

Galatabi 1:24

Nɛ ye he ɔ, a wo Mawu hɛ mi nyami.

Mose V, 18:15

Se mohu, Yawɛ nyɛ Mawu ɔ ma je gbalɔ ko nɛ ngɛ kaa imi kɛ je nyɛ nyɛmimɛ ɔmɛ a kpɛti ha nyɛ, nɛ lɛ tue nyɛɛ bu.