Luka 7:14 - BAIBLO ALOO NGMAMI KLƆUKLƆU Ɔ

¹⁴ Kɛkɛ nɛ e ho nɛ e ya pɛtɛ daka a he, nɛ nihi nɛ hɛɛ daka a da si. Jehanɛ ɔ, Yesu de ke, “Niheyo, i ngɛ mo dee ke, tee si!”

Somi He Ɔ

¹⁴ Nɛ e ba nɛ e ba pɛtɛ daka a he nɛ nihi nɛ tloo ɔ da si. Nɛ Yesu ke: “Niheyo, i ngɛ mo de ke: Tee si!”

Luka 7:14 ပူးပေါင်းရင်းမြစ်များ

Yohane 5:25

I ngɛ nyɛ dee anɔkuale mi ke be ma, pohu e su ta, nɛ gbogboehi maa nu Mawu Bi ɔ gbi, nɛ a maa ba wami mi ekohu.

Yohane 11:25

Yesu de lɛ ke, “Imi ji si temi ɔ, kɛ wami ɔ nɛ. Nɔ tsuaa nɔ nɛ heɔ mi yeɔ ɔ, ke e gbo tete po, e maa hi hɛ ngmengmle;

Matsɛmɛ I, 17:21

Enɛ ɔ se ɔ, Eliya kpã e mi, nɛ e bu si ngɛ jokuɛ nyumuyo ɔ nɔ si etɛ, nɛ e fa kue ha Yawɛ ke, “Yawɛ, ye Mawu lee! Ha nɛ jokuɛ nyumuyo nɛ ɔ nɛ kpale kɛ ba wami mi ekohu!”

Romabi 4:17

Ejakaa ngmami ɔ deɔ ke, “Ma pee mo je mahi babauu a tsɛ.” Mawu ɔ nɛ Abraham he ye ɔ, anɔkualetsɛ ji lɛ, nɛ si nɛ e wo ɔ maa ba mi. Lɛ ji Mawu nɛ tleɔ ni gbogboehi si kɛ baa wami mi ekohu; nɔ́ nɛ bɛ je mi hyɛ po, e haa e baa.

Yohane 5:21

Kaa bɔ nɛ Tsɛ ɔ tleɔ gbogboe si, nɛ e ngɔɔ wami woɔ mi ɔ, jã nɔuu Bi ɔ hu haa níhi nɛ e suɔ mɛ ɔ wami.

Yesaya 26:19

Wa ma mi nihi nɛ gbo ɔ ma na wami ekohu! A gbogboe ɔmɛ maa te si. Nihi nɛ hwɔɔ si ngɛ zu mi ɔ, mɛ tsuo a maa te si, nɛ a ma la kɛ bua jɔmi. Kaa bɔ nɛ bɔ́ nyu ngleinglei haa zugba a peeɔ ehe ekohu ɔ, ja Yawɛ maa ngɔ wami he ngɔ wo nihi nɛ gbo momo ɔ a mi.

La 33:9

Ejakaa munyu kɛkɛ lɛ e tu nɛ e kɛ bɔ je ɔ. Fami kɛkɛ lɛ e fa nɛ níhi tsuo ba.

Hiob 14:14

Ke nɔmlɔ gbo ɔ, e kpaleɔ kɛ baa ekohu jinɛ i ko mlɛ kɛ yaa si ye haomi be nɛ ɔ se maa po, nɛ be kpakpa ma ba na mi.

Hiob 14:12

jã kɛ̃ nɔmlɔ adesa hwɔɔ mahe, nɛ e ti si hu. E be si tee hu, nɛ kɛ yaa si be mi nɛ hiɔwe be hu ɔ, a be lɛ tsɛ̃ɛ̃e hu kɔkɔɔkɔ.

Efesobi 5:12

(Níhi nɛ nihi peeɔ ngɛ laami mi ɔ ngɛ zo tsɔ kaa a maa wo ta tete).

Matsɛmɛ I, 17:22

Yawɛ bu Eliya kue fami ɔ tue; jokuɛ nyumuyo ɔ bɔni mumi womi ekohu, nɛ e hɛ tsɛ̃.

Marko 5:41

E nu jokuɛ ɔ nine si, nɛ e de lɛ ke, “Talita kum.” E sisi ji, “Jokuɛ yo, i ngɛ mo dee ke tee si!”

Luka 7:13

Benɛ Nyɔmtsɛ ɔ na yo ɔ, e ní pee lɛ mɔbɔ, nɛ e de lɛ ke, “Ko fo ya!”

Luka 7:15

Kɛkɛ nɛ nɔ nɛ gbo ɔ te si nɛ e hi si, nɛ e bɔni munyu tumi. Nɛ Yesu ngɔ lɛ kɛ ha e nyɛ.

Luka 7:17

Yesu he sane nɛ ɔ pɛ ngɛ zugba a nɔ tsuo, kɛ lejɛ ɔ kpokpa amɛ a nɔ.