Luka 7:13 - BAIBLO ALOO NGMAMI KLƆUKLƆU Ɔ

¹³ Benɛ Nyɔmtsɛ ɔ na yo ɔ, e ní pee lɛ mɔbɔ, nɛ e de lɛ ke, “Ko fo ya!”

Somi He Ɔ

¹³ Nɛ benɛ Nyɔmtsɛ ɔ na lɛ ɔ, e mi mi sa lɛ ngɛ e he, nɛ e de lɛ ke “Ko fo ya!”

Luka 7:13 ပူးပေါင်းရင်းမြစ်များ

La 103:13

Bɔ nɛ tsɛ mi mi sãã lɛ ngɛ e bimɛ a he ɔ, ja lɛ Yawɛ hu mi mi sãã lɛ ngɛ nihi nɛ yeɔ lɛ gbeye ɔ a he.

La 86:15

Se mo Nyɔmtsɛ ɔ, Mawu mɔbɔ nalɔ, kɛ Mawu nɛ suɔ nɔ ji mo. O toɔ o tsui si ha wɔ; o dlooɔ nɔ, nɛ o yeɔ nɔ anɔkuale daa.

La 86:5

Nyɔmtsɛ, o hi, nɛ o kɛ yayami paa nɔ. Nɔ tsuaa nɔ nɛ faa kue kɛ haa mo ɔ, o naa lɛ mɔbɔ.

Yesaya 63:9

kɛ je a haomi tsuo kulaa mi. Pi bɔfo ko nɛ e tsɔ, se lɛ nitsɛ lɛ e he a yi wami. E suɔmi, kɛ e mɔbɔ nami he je ɔ, e kpɔ mɛ, nɛ e hɛɛ mɛ saminya ngɛ blema be ɔmɛ tsuo a mi.

Yeremia 31:20

“Israel, mo ji ye bi nɛ i suɔ saminya; mo ji bi nɛ i suɔ pe bimɛ ɔmɛ tsuo. Be tsuaa be nɛ ma de nɔ́ ko kɛ si mo ɔ, ja i kɛ suɔmi kai mo kɛ̃. Ye hɛ jaa ngɛ o he, lɔ ɔ he ɔ, ma na mo mɔbɔ kɛ̃.

Marko 8:2

“Ye mi mi ngɛ mi sããe ngɛ nimli kpekpemi nɛ ɔmɛ a he, ejakaa a kɛ mi hi si ligbi etɛ sɔuu, nɛ a be nɔ́ ko nɛ a maa ye.

Luka 10:1

Enɛ ɔ se ɔ, Nyɔmtsɛ ɔ hla nihi nyingmi kpaago kɛ enyɔ kpa hu, nɛ e tsɔ mɛ enyɔɔnyɔ kɛ sɛ e hlami kɛ ya ma tsuaa ma mi, kɛ he tsuaa he nɛ lɛ nitsɛ e maa ya a.

Luka 11:1

Ligbi ko ɔ, Yesu ngɛ sɔlee ngɛ he ko, nɛ benɛ e gbe nya a, e kaseli ɔmɛ a ti nɔ kake de lɛ ke, “Nyɔmtsɛ, tsɔɔ wɔ sɔlemi kaa bɔ nɛ Yohane hu tsɔɔ e kaseli ɔmɛ ɔ.”

Luka 11:39

Lɔ ɔ he ɔ, Nyɔmtsɛ ɔ de lɛ ke, “Hyɛ, nyɛ Farisi bi, nyɛ fɔɔ nyɛ kplu kɛ kã he, se nyɛ mi lɛɛ e hyi tɔ kɛ ojo fiami, kɛ yi wu tso ní peemi.

Luka 12:42

Nyɔmtsɛ ɔ he nɔ ke, “Ma tsɔɔ nyɛ bɔ nɛ tsɔlɔ nɛ yeɔ anɔkuale, nɛ le ní hulɔ ɔ ngɛ ha. Lɛ ji nɔ nɛ ke e nyɔmtsɛ ɔ maa hia blɔ, nɛ e toɔ we ɔ ngɔ woɔ e dɛ mi; lɛ nɛ e haa tsɔli kpa amɛ a niye ní ngɛ be nɛ sa mi.

Luka 13:15

Nyɔmtsɛ ɔ de lɛ ke, “Osatotsɛmɛ! Nyɛ ti mɛnɔ pɛne we e na, loo e teji Hejɔɔmi ligbi ɔ, nɛ e kɛ lɛ ji kpo ya ha we lɛ nyu?

Luka 17:5

Bɔfo ɔmɛ de Nyɔmtsɛ ɔ ke, “Ha nɛ wa hemi kɛ yemi ɔ mi nɛ wa!”

Luka 17:6

Nyɔmtsɛ ɔ he nɔ ke, “Nyɛ hemi kɛ yemi kle kaa sinapi wu ngu kake jinɛ nyɛ ko fa sikamore tso nɛ ɔ ke e hia kɛ e sipoku kɛ je zu mi kɛ ya ma wo mi, nɛ e maa bu nyɛ tue.

Luka 18:6

Nyɔmtsɛ ɔ ya nɔ de ke, “Tse nyɛ nu nɔ́ nɛ kojolɔ yi si fialɔ ɔ de ɔ?

Luka 19:8

Zakeo te da si nɛ e de Nyɔmtsɛ ɔ ke, “Nyɔmtsɛ, bu tue! Ma ngɔ ye níhi fa kɛ ha ohiatsɛmɛ. Ke i sisi nɔ ko ɔ, nɔ́ nɛ i kpɔ ngɛ e dɛ yaka a, ma ku ngɔ bɔ he si eywiɛ ha lɛ.”

Luka 22:61

Nyɔmtsɛ ɔ plɛ e he nɛ e hyɛ Petro. Nɛ Petro kai kaa Nyɔmtsɛ ɔ de lɛ be ko ke, “Loko kungwɔ ma kpa nɔ nyɔ nɛ ɔ mi ɔ, o ma de si etɛ ke o li mi.”

Luka 24:3

Lɔ ɔ he ɔ, a sɛ mi; se a nɛ Nyɔmtsɛ Yesu gbogboe ɔ.

Luka 24:34

Mɛ tsuo a de ni enyɔ ɔmɛ ke, “Nyɔmtsɛ ɔ te si niinɛ! E je e he kpo tsɔɔ Simon!”

Luka 7:12

Benɛ e su ma a agbo ɔ nya ta a, nimli babauu ji nɛ nɛ je ma a mi kɛ ma. Nyumu ko gbo, nɛ a nyɛɛ gbogboe ɔ se. Nyumu nɛ ɔ, e nyɛ bi kake pɛ ji lɛ; yalɔyo ji e nyɛ ɔ, nɛ nihi babauu ba e ngɔ.

Luka 7:14

Kɛkɛ nɛ e ho nɛ e ya pɛtɛ daka a he, nɛ nihi nɛ hɛɛ daka a da si. Jehanɛ ɔ, Yesu de ke, “Niheyo, i ngɛ mo dee ke, tee si!”

Luka 7:19

nɛ e tsɔ mɛ Nyɔmtsɛ Yesu ngɔ ke a ya bi lɛ ke, “Mo lɛ a de ke o ma a, aloo waa hyɛ nɔ kpa blɔ?”

Luka 8:52

Ni ɔmɛ tsuo wo yana, nɛ a ngɛ jokuɛ ɔ he awe nyae. Se Yesu de mɛ ke, “Nyɛ ko fo ya; jokuɛ ɔ gbo we, mahe kɛkɛ nɛ e ngɛ hwɔe!”

Yohane 11:2

Lazaro nɛ ɔ, Maria nɛ ngɔ nu kɛ e he via kɛ pɔ Nyɔmtsɛ ɔ nane, nɛ e kɛ e yi bwɔmi tsu ɔ nyɛminyumu ji lɛ.

Yohane 11:3

Lɔ ɔ he ɔ, nyɛmiyi ɔmɛ kɛ sɛ mane Yesu ke, “Nyɔmtsɛ, o huɛ nɛ o suɔ lɛ ɔ ngɛ gboe.”

Yohane 20:13

A bi Maria ke, “Maa, mɛni he je nɛ o ngɛ ya foe ɔ?” E de mɛ ke, “A wo ye Nyɔmtsɛ ɔ kɛ je, nɛ i li he nɛ a kɛ lɛ ya fɔ.”

Yohane 20:15

Yesu bi lɛ ke, “Maa, mɛni he je nɛ o ngɛ ya foe ɔ? Mɛnɔ o ngɛ hlae?” Maria susu kaa eko ɔ, abɔɔ ɔ mi dlalɔ ji lɛ, lɔ ɔ he ɔ, e de Yesu ke, “Nyɔmtsɛ, ke mo nɛ o ba wo lɛ kɛ je hiɛ ɔ, lɛɛ tsɔɔ mi he nɛ o kɛ lɛ ya fɔ nɛ ma ya wo lɛ.”

Yohane 4:1

Farisi bi ɔmɛ nu kaa Yesu ngɛ kaseli babauu nae, nɛ e ngɛ nihi babauu sɔlee hu pe Yohane.

Yohane 6:23

Lɛ kpa komɛ je Tiberia ba sa kpo he he nɛ Nyɔmtsɛ ɔ na Mawu si, nɛ ma kpekpemi ɔ ye abolo ɔ ngɛ ɔ.

1 Korintobi 7:30

Ni nɛmɛ nɛ ngɛ ya foe ɔ, a pee kaa ni nɛmɛ nɛ yi kɔmɔ; nihi nɛ ngɛ muɔe ɔ, a pee kaa ni nɛmɛ nɛ be bua jɔmi; nihi nɛ ngɛ ní hee ɔ, a pee kaa nɔ́ nɛ níhi nɛ a he ɔ pi a nɔ́;

1 Tesalonikabi 4:13

Nyɛmimɛ, wa suɔ kaa nyɛɛ le anɔkuale sane nɛ kɔɔ nihi nɛ gbo ɔ a he, konɛ nyɛ ko ye kɔmɔ kaa nihi nɛ be hɛ kɛ nɔ fɔmi.

Hebribi 2:17

Enɛ ɔ tsɔɔ kaa blɔ tsuaa blɔ nɔ ɔ, e hia kaa Yesu nɛ pee kaa e nyɛmimɛ ɔmɛ. Kɛkɛ ɔ, e maa pee osɔfo nɔkɔtɔma pe kulaa anɔkualetsɛ, kɛ mɔbɔ nalɔ nɛ ngɛ Mawu sɔmɔe, nɛ e kɛ e he nɛ sã kpatami bɔ, konɛ Mawu nɛ ngɔ a he yayamihi kɛ pa mɛ.

Hebribi 4:15

Wa osɔfo nɔkɔtɔma pe kulaa a, e pi nɔ nɛ be nyɛe maa nu wa gbɔjɔmi ɔmɛ a he ha wɔ. Osɔfo nɔkɔtɔma pe kulaa nɛ wa ngɛ ɔ, Abosiami ka lɛ ngɛ blɔ tsuaa blɔ nɔ kaa wɔ nɔuu, se lɛɛ e pee we yayami.

Manyadali 10:16

Lɔ ɔ he ɔ, a je mawu kpa amɛ kɛ je a kpɛti, nɛ a sɔmɔ Yawɛ. Amanehlu nɛ Israel bi ɔmɛ ngɛ nae ɔ hao Yawɛ.