Luka 7:12 - BAIBLO ALOO NGMAMI KLƆUKLƆU Ɔ

¹² Benɛ e su ma a agbo ɔ nya ta a, nimli babauu ji nɛ nɛ je ma a mi kɛ ma. Nyumu ko gbo, nɛ a nyɛɛ gbogboe ɔ se. Nyumu nɛ ɔ, e nyɛ bi kake pɛ ji lɛ; yalɔyo ji e nyɛ ɔ, nɛ nihi babauu ba e ngɔ.

Somi He Ɔ

¹² Nɛ benɛ e su ma a agbo ɔ nyɛ tã a, oʼɛ a tloo nɔ gbogboe ko kɛ ngɛ kpo jee nɛ e nyɛ bi kake pɛ ji lɛ, nɛ yalɔyo ji yo ɔ, nɛ ma a mi bihi fuu piɛ e he.

Luka 7:12 ပူးပေါင်းရင်းမြစ်များ

Mose I, 22:12

Yawɛ bɔfo ɔ de lɛ ke, “O nine nɛ ko sa niheyo ɔ he; koo pee lɛ nɔ́ ko nɔ́ ko. Jehanɛ lɛɛ i na kaa o yeɔ Mawu gbeye, ejakaa o bi kake too ɔ he nɔ́ dɔɛ mo kaa o kɛ lɛ ma ha Mawu.”

Mose I, 22:2

Mawu de lɛ ke, “Ngɔɔ o binyumu Isak, o bi kake too ɔ nɛ o suɔ lɛ saminya a, nɛ o ya Moria zugba a nɔ. Ngɔɔ lɛ kɛ ya sã sami bɔ ha mi ngɛ lejɛ ɔ, ngɛ yo ko nɛ ma tsɔɔ mo ɔ nɔ.”

Samuel II, 14:7

Amlɔ nɛ ɔ, weku ɔ tsuo te si wo mi nɛ a ngɛ ye nɔ nyɛe ke ma ngɔ ye bi ɔ nɛ tane e nyɛmi ɔ yi ɔ ngɔ ha mɛ nɛ a gbe lɛ kɛ ye e nyɛmi ɔ nɛ e gbe ɔ he lue. Ke a pee ja kɛkɛ a kpata gbosi ní yelɔ ɔ hu hɛ mi; kɛkɛ pe a gbe ye la tso ku nɛ piɛ ngɛ la mi ɔ ji lɔ ɔ nɛ. Lɛɛ tse ye huno biɛ maa laa gbidigbidi; nɛ e nina ko hu be piɛe ngɛ zugba a nɔ.”

Matsɛmɛ I, 17:12

Yo ɔ he nɔ ke, “I na Yawɛ, o Mawu ɔ kaa i be abolo. Nɔ́ nɛ i ngɛ pɛ ji mamu dɛ kɔkɔ ngɛ buɛ mi, kɛ nu bɔbɔyoo ko ngɛ tɔ mi. I ba hiɛmɛ nɛ ɔ nɛ ma ba bua lɛ́ bɔɔ ko nya kɛ ya we mi, nɛ ma kɛ ya sã abolo, nɛ i kɛ ye binyumu waa ye. Lɔ ɔ se lɛɛ wa ma gbo kɛ hwɔ.”

Matsɛmɛ I, 17:18

Kɛkɛ nɛ yo ɔ de Eliya ke, “Mawu nɔmlɔ, mɛni he je o pee mi nɔ́ nɛ ɔ? Pe o ba hiɛ ɔ nɛ o ba kai Mawu ye he yayami ɔmɛ, konɛ ye binyumu ɔ nɛ gbo lo?”

Matsɛmɛ I, 17:23

Eliya wo jokuɛ nyumuyo ɔ kɛ kple si, nɛ e kɛ lɛ ya ha e nyɛ ɔ, nɛ e de lɛ ke, “Hyɛ, o binyumu ɔ yi na wami!”

Matsɛmɛ I, 17:9

“Jehanɛ lɛɛ, yaa Zarefat nɛ ngɛ Sidon kasa nya a, nɛ o ya hi lejɛ ɔ. I fa yalɔyo ko nɛ ngɛ lejɛ ɔ ke e hyɛ o nɔ.”

Matsɛmɛ II, 4:16

nɛ Elisha de lɛ ke, “Hwɔɔ se jeha be nɛ ɔ mi ɔ, o maa hɛɛ binyumu ngɛ o kɔni bɔkɔ mi.” Yo ɔ de lɛ ke, “Dɛbi! Ye nyɔmtsɛ, koo mlɔɔ mi; Mawu nɔmlɔ ji mo!”

Matsɛmɛ II, 4:20

Tsɔlɔ ɔ ngɔ jokuɛ nyumuyo ɔ kɛ ya ha e nyɛ, nɛ e nyɛ ɔ ngɔ lɛ kɛ fɔ e tɛ nɔ hluu kɛ ya si piani, kɛkɛ nɛ e gbo.

Hiob 29:13

I je nihi kɛ je haomi mi, nɛ a gbaa mi; nɛ i ha nɛ yalɔyihi na bua jɔmi.

Zakaria 12:10

“David nina, kɛ ni kpahi nɛ ngɛ Yerusalem ɔ, ma ngɔ mumi nɛ naa mɔbɔ, kɛ mumi nɛ faa kue ngɔ wo a mi tɔ. Kɛkɛ ɔ, ke a na nɔ nɛ a gbɔ lɛ nɔ́ ɔ, a maa nyɛ ya ha lɛ kaa bɔ nɛ a nyɛɛ ya ha bi kake too. A ma nya awe kaa nihi nyaa awe ha a bitɛte.

Luka 7:11

Be bɔɔ se ɔ, Yesu pue nɔ kɛ ho ma ko nɛ a tsɛɛ Nain ɔ ya, nɛ e kaseli ɔmɛ, kɛ nihi babauu nyɛɛ e se.

Luka 7:13

Benɛ Nyɔmtsɛ ɔ na yo ɔ, e ní pee lɛ mɔbɔ, nɛ e de lɛ ke, “Ko fo ya!”

Luka 8:42

ejakaa e biyo kake too nɛ ye maa pee jeha nyɔngma kɛ enyɔ ɔ miɔ nɛ e ma gbo. Benɛ Yesu yaa a, ni ɔmɛ tɔtɔ lɛ.

Luka 8:52

Ni ɔmɛ tsuo wo yana, nɛ a ngɛ jokuɛ ɔ he awe nyae. Se Yesu de mɛ ke, “Nyɛ ko fo ya; jokuɛ ɔ gbo we, mahe kɛkɛ nɛ e ngɛ hwɔe!”

Yohane 11:19

lɔ ɔ he ɔ, Yuda bi babauu ba Marta kɛ Maria a ngɔ, konɛ a ba ye mɛ kɔmɔ ngɛ a nyɛminyumu ɔ gbenɔ ɔ he.

Ni Tsumi 9:39

Petro dla nɛ e kɛ mɛ pue nɔ kɛ ho nɔuu. Benɛ e su lejɛ ɔ, a kɛ lɛ ya hiɔwe tsu ɔ mi. Yalɔyihi babauu ba pue e nɔ kɛ ya. A kɛ yi nɔ tadehi, kɛ tade kpahi nɛ Dorka kpɛ benɛ e ngɛ je mi ɔ tsɔɔ lɛ.

Ni Tsumi 9:41

Petro nu e nine si, nɛ e wo e nɔ da si. Jehanɛ e tsɛ ni klɔuklɔu ɔmɛ, kɛ a kpɛti yalɔyi ɔmɛ tsuo kɛ ba. E kɛ Dorka ba da a hɛ mi hɛ ngmengmle.

Yakobo 1:27

Bɔ nɛ nɔ ko ma ja Mawu nɛ maa sa Tsɛ Mawu ɔ nitsɛ hɛ mi ji nɛ ɔ nɛ: awusahi kɛ yalɔyihi nɛ e fi mɛ ɔ, e hyɛ a nɔ. Jehanɛ e hyɛ lɛ nitsɛ e he nɔ saminya, konɛ je mi akɔnɔ yaya ko tɔtɔ e nane.