Luka 6:49 - BAIBLO ALOO NGMAMI KLƆUKLƆU Ɔ

⁴⁹ Se nɔ tsuaa nɔ nɛ nuɔ ye munyu ɔmɛ, nɛ e yi nɔ ɔ, lɛɛ e ngɛ kaa nyumu ko nɛ ma tsu nɛ e tui sisi. Kɛkɛ nɛ pa hia ba na tsu ɔ, nɛ amlɔ ɔ, e hule nɔ si bum! Nɛ e gbɛ tsɔkɔtsɔkɔ.”

Somi He Ɔ

⁴⁹ Se nɔ nɛ nuɔ nɛ e yi nɔ ɔ, e ngɛ kaa nyumu ko nɛ ma tsu ngɛ zugba hɛ mi nɛ a tui sisi; nɛ pa a si lɛ, nɛ amlɔ ɔ e hule, nɛ jamɛ a tsu ɔ hulemi ɔ kle.”

Luka 6:49 ပူးပေါင်းရင်းမြစ်များ

Abɛ Womi 28:18

Nɔ nɛ yeɔ anɔkuale ɔ, a ma he e yi wami. Se nɔ nɛ ní peemi níhi dɛ ɔ, lɛɛ e maa nɔ muɔ mi tlukaa.

Ezekiel 33:31

Lɔ ɔ he ɔ, ye ma a baa o ngɔ, nɛ a ba hii si ngɛ o hɛ mi nɛ a buɔ munyu ɔmɛ tue, se nɔ́ nɛ o deɔ mɛ ke a pee ɔ, lɔ ɔ lɛɛ a pee we. Á yeɔ nɔ he fɛu, nɛ a se nami he pɛ a susuɔ.

Hosea 4:14

Ke nyɛ biyi ɔmɛ ya pee a he yaholi, nɛ nyɛ binyumu ɔmɛ a yi ɔmɛ ya puɛ gba a, i be a tue gblae; ejakaa nyɛ nitsɛmɛ hu nyɛ ya nyɛɛɔ yaholi nɛ ɔmɛ a se, nɛ nyɛɛ kɛ mɛ tsuo nyɛ ya sãã bɔ kɛ haa a wɔ ɔmɛ. Ejakaa ‘Ma nɛ li nɔ́ ɔ, a hɛ mi kpataa.’

Mateo 23:3

Lɔ ɔ he ɔ, nɔ́ tsuaa nɔ́ nɛ a de nyɛ ke nyɛɛ pee ɔ, nyɛɛ bu mɛ tue nɛ nyɛɛ pee. Se a ní peemi níhi lɛɛ nyɛ ko pee; ejakaa slo nɔ́ nɛ a peeɔ ngɛ nɔ́ nɛ a deɔ he.

Mateo 24:10

Jamɛ a be ɔ mi ɔ, nihi babauu a nane ma kpata; huɛmɛ maa tsɔɔ huɛmɛ a se blɔ, nɛ a maa nyɛ a he.

Marko 4:17

Se e he we si ngɛ a mi; nɛ e se kɛ we. Lɔ ɔ he ɔ, ke amanehlu, loo yi mi wami te si ngɛ munyu ɔ he ɔ, a ngmɛɛɔ he oya.

Luka 12:47

“Tsɔlɔ nɛ le nɔ́ nɛ e nyɔmtsɛ ɔ suɔ kaa e pee, se e ti si pam nɛ e pee ɔ, a maa fia lɛ kpa wawɛɛ.

Luka 19:14

Se e ma mi bi ɔmɛ sume lɛ. Lɔ ɔ he ɔ, a tsɔ nihi kɛ fie e se ke a ya de ke, ‘Wa sume nɛ nyumu nɛ ɔ ba ye wa nɔ matsɛ.’

Luka 19:27

Se jamɛ a ye he nyɛli ɔmɛ nɛ sume kaa ma ye a nɔ matsɛ ɔ, nyɛɛ ngɔ mɛ kɛ ba hiɛ ɔ nɛ nyɛ ba gbe mɛ ngɛ ye hɛ mi!’ ”

Luka 6:46

“Mɛni he je nyɛ tsɛɔ mi ‘Nyɔmtsɛ’, se níhi nɛ i deɔ nyɛ ke nyɛɛ pee lɛɛ nyɛ pee we ɔ?

Luka 6:48

E ngɛ kaa nyumu ko nɛ benɛ e maa ma tsu ɔ, e tsua si voo, nɛ e to sisi ngɛ tɛ sa nɔ. Pa hia ba na tsu ɔ, se e nyɛ we nɛ e hule lɛ; ejakaa a to sisi ngɛ tɛ sa nɔ.

Luka 7:1

Benɛ Yesu tu munyu nɛ ɔmɛ tsuo kɛ tsɔɔ ni ɔmɛ ta a, e pue nɔ kɛ ho Kapernaum ya.

Yohane 15:2

Ye kɔni tsuaa kɔni nɛ wui yiblii ɔ, e poɔ; se nɔ́ nɛ woɔ yiblii ɔ, e sãã he, konɛ e he nɛ tsɔ, nɛ e wo yiblii pe kekle ɔ.

Ni Tsumi 20:29

I le kaa ke i je ɔ, nihi ma ba sɛ nyɛ kpɛti, nɛ a maa pee a ní kaa ogbetee ní hali; a be asafo ɔ yi bae.

Ni Tsumi 26:11

I ha nɛ a wa mɛ yi mi si abɔ ngɛ kpe he ɔmɛ tsuo; nɛ i bɔ mɔde kaa a ngmɛɛ a hemi kɛ yemi ɔ he. Ye hɛ dɔ wo mɛ, nɛ i tiu mɛ kɛ ya ma se zugbahi a nɔ tɔɔ ya wa mɛ yi mi.

1 Tesalonikabi 3:5

Kaa bɔ nɛ i de ɔ, benɛ i nyɛ we tsui tomi hu ɔ, e hia kaa ma tsɔ Timoteo nyɛ ngɔ, nɛ́ e ba hyɛ kaa nyɛ hemi kɛ yemi ɔ mi wa kɛ mwɔɔ lo. I ya ye gbeye kaa alini Abosiami ba ka nyɛ, nɛ e ha nɛ wa dengme nɛ wa gbo ɔ maa pee yaka.

2 Petro 2:20

Waa ngɔ lɛ kaa nihi na le wa Nyɔmtsɛ kɛ wa kpɔlɔ Yesu Kristo, nɛ lɔ ɔ he ɔ, a tu je nɛ ɔ mi mu níhi a nya fo. Pee se, ke a ngɔ a he ya wo yayami mi ekohu, nɛ yayami ɔ ye a nɔ ɔ, nimli nɛ ɔmɛ a nyagbe si himi ba peeɔ mɔbɔ kulaa pe kekle nɔ́ ɔ po.

1 Yohane 2:19

Anɔkuale mi ɔ, pi wa kpɛti nɛ nimli nɛ ɔmɛ je; nɛ lɔ ɔ he je nɛ a si wɔ ɔ nɛ. Kaa wa kpɛti nɛ a je jinɛ a kɛ wɔ ko hi si. Se a si wɔ, bɔ nɛ pee nɛ e fɔ si paa kaa a ti nɔ ko nɔ ko kɛ wɔ bɔɛ.