Luka 6:42 - BAIBLO ALOO NGMAMI KLƆUKLƆU Ɔ

⁴² Ko de o nyɛmi ke e ha nɛ o je ngu nyafii nɛ ngɛ e hɛngmɛ nɔ ɔ, be mi nɛ plai agbo nɛ ngɛ mo nitsɛ o hɛngmɛ nɔ ɔ lɛɛ o nɛ. Osatotsɛ! Je plai ɔ ngɛ mo nitsɛ o hɛngmɛ nɔ kekle; kɛkɛ ɔ, o maa hyɛ nɔ́ saminya, nɛ o ma je ngu nyafii ɔ ngɛ o nyɛmi ɔ hɛngmɛ nɔ.

Somi He Ɔ

⁴² Kɛ maa pee kɛɛ nɛ o ma nyɛ de o nyɛmi ke: ‘Mami, ha ma je ngu nyafii nɛ ngɛ o hɛngmɛ nɔ ɔ,’ benɛ o nɛ plai nɛ ngɛ mo nitse o hɛngmɛ nɔ ɔ? osatotsɛ, je plai ɔ ngɛ mo nitsɛ o hɛngmɛ nɔ kekle, nɛ lɔ ɔ loko o maa na paa nɛ o je ngu nyafii ɔ ngɛ o nyɛmi ɔ hɛngmɛ nɔ.

Luka 6:42 ပူးပေါင်းရင်းမြစ်များ

2 Petro 1:9

Se nɔ nɛ be ní nɛ ɔmɛ ɔ, lɛɛ e ngɛ kaa nɔ nɛ hyɛ we nɔ́ kɛ yɛ tsitsaa; e hɛ je nɔ kaa a tsukɔ e he kɛ je e sá yayami ɔmɛ a he.

2 Timoteo 2:21

Ke nɔ ko tsu e he, nɛ e kpa yayami peemi ɔ, a maa ngɔ lɛ kɛ tsu ní ngɛ be titli ko nɛ a buu mi, ejakaa e tsu e he saminya, nɛ e plɛ pee nyu yɛmi nɔ́ pɔtɛɛ ha Nyɔmtsɛ ɔ. Kɛkɛ ɔ, a ma nyɛ maa ngɔ lɛ kɛ tsu ní tsumi kpakpa tsuaa ní tsumi kpakpa be tsuaa be.

2 Korintobi 5:18

Mawu lɛ pee enɛ ɔ tsuo. Kɛ gu Kristo nɔ ɔ, e dla waa kɛ lɛ wa kpɛti. Nɛ ní tsumi nɛ e ngɔ wo wa dɛ ji kaa wa ha nɛ a dla e kɛ nihi tsuo a kpɛti.

Romabi 2:1

Ye nyɛmi, anɛ o kojoɔ nihi, nɛ o buɔ mɛ fɔ lo? Ke o peeɔ ja a, lɛɛ o be nya jemi ko kulaa. Ejakaa ke o kojoɔ ni kpahi, nɛ o buu mɛ fɔ, nɛ mo hu o peeɔ jamɛ a ní ɔmɛ nɔuu ɔ, na nɛ o le kaa mo nitsɛ o he fɔ o ngɛ bue ɔ nɛ.

Ni Tsumi 13:10

nɛ e de ke, “Abosiami nitsɛnitsɛ ji mo! Nɔ́ kpakpa tsuaa nɔ́ kpakpa he nyɛlɔ! Ní yayamihi pɛ a he o susuu! Be tsuaa be ɔ, o bɔɔ mɔde kaa o ma tsake Nyɔmtsɛ ɔ anɔkuale munyu ɔ hɛ mi kɛ pee lakpa!

Ni Tsumi 8:21

O be blɔ nya, loo blɔ fa mi nɔ́ ko ngɛ wa ní tsumi nɛ ɔ mi; ejakaa o tsui mi dɛ ngɛ Mawu hɛ mi.

Ni Tsumi 2:38

Petro de mɛ ke, “Nyɛ tsake nyɛ tsui, nɛ nyɛ ti nɔ tsuaa nɔ nɛ ha nɛ a sɔle lɛ ngɛ Yesu Kristo biɛ mi, kɛkɛ, a maa ngɔ nyɛ he yayami ɔmɛ ngɔ pa nyɛ, nɛ nyɛ ma na Mawu nɔke nɔ́ nɛ ji Mumi Klɔuklɔu ɔ.

Luka 22:32

Se imi lɛɛ i sɔle ha mo Simon, nɛ o hemi kɛ yemi kó ta, konɛ ke o kpale o se kɛ ba ye ngɔ ekohu ɔ, mo hu o wo o nyɛmimɛ ɔmɛ he wami.”

Luka 13:15

Nyɔmtsɛ ɔ de lɛ ke, “Osatotsɛmɛ! Nyɛ ti mɛnɔ pɛne we e na, loo e teji Hejɔɔmi ligbi ɔ, nɛ e kɛ lɛ ji kpo ya ha we lɛ nyu?

Mateo 26:75

Nɛ Petro kai munyu ɔ nɛ Yesu tu lɛ ke, “Loko kungwɔ ma kpa nɔ́ ɔ, o ma de si etɛ ke o li mi” ɔ. Nɛ e je kpo, nɛ e ya fo ya wawɛɛ.

Abɛ Womi 18:17

Ke nɔ ko sɛ hlami kɛ jaje e sane ɔ, e peeɔ kaa nɔ́ nɛ e sane da kɛ yaa si e nyɛmi ɔ ma bɔni lɛ munyu bimi, loko anɔkuale ɔ maa je kpo.

Mateo 7:3

Mɛni he je nɛ o naa ngu nyafii nɛ ngɛ o nyɛmi hɛngmɛ nɔ nɛ plai nɛ ngɛ mo nitsɛ o hɛngmɛ nɔ ɔ lɛɛ o nɛ ɔ?

Mateo 7:4

Kɛ o ma plɛ kɛ de o nyɛmi ke, ‘Ha ma je ngu nyafii ɔ ngɛ o hɛngmɛ nɔ;’ be mi nɛ plai ngɛ mo nitsɛ o hɛngmɛ nɔ ɔ?

Luka 6:41

“Mɛni he je o naa ngu nyafii nɛ ngɛ o nyɛmi hɛngmɛ nɔ, se plai agbo nɛ ngɛ mo nitsɛ o hɛngmɛ nɔ lɛɛ o nɛ ɔ?

Luka 6:43

“Tso kpakpa wui yiblii yaya, nɛ tso yaya hu wui yiblii kpakpa.