Luka 6:41 - BAIBLO ALOO NGMAMI KLƆUKLƆU Ɔ

⁴¹ “Mɛni he je o naa ngu nyafii nɛ ngɛ o nyɛmi hɛngmɛ nɔ, se plai agbo nɛ ngɛ mo nitsɛ o hɛngmɛ nɔ lɛɛ o nɛ ɔ?

Somi He Ɔ

⁴¹ “Mɛ he je o naa ngu nyafii nɛ ngɛ o nyɛmi hɛngmɛ nɔ ɔ, nɛ plai nɛ ngɛ mo nitse o hɛngmɛ nɔ ɔ lɛɛ o yo we ɔ?

Luka 6:41 ပူးပေါင်းရင်းမြစ်များ

Matsɛmɛ I, 2:32

Yawɛ maa wo Yoab hiɔ ngɛ nihi nɛ e gbe nɛ tsaatsɛ David li he nɔ́ ko ɔ a he. Yoab gbe nyumuhi enyɔ nɛ a da pe lɛ yaka gu. Mɛ ji Israel tatsɛ Abner, Ner binyumu ɔ, kɛ Yuda tatsɛ Amasa, Yeter binyumu ɔ.

Kronika I, 21:6

Se akɛnɛ matsɛ ɔ fami ɔ ngɔɛ Yoab nya he je ɔ, e kane we Levi, kɛ Benyamin wɛtso ɔmɛ.

La 36:2

E buɔ e he ní lelɔ, nɛ e susuɔ kaa a be e he yayami ɔ nae, nɛ a be e tue gblae hulɔ.

Yeremia 17:9

“Mɛnɔ maa le nɔmlɔ adesa tsui mi? E nɔ nɔ sisilɔ ko be ɔ, e hiɔ ɔ hu be tsa ba.

Ezekiel 18:28

Ejakaa jamɛatsɛ ɔ pia e he, nɛ e kpale kɛ je e tɔmi ɔmɛ a mi; niinɛ, e yi ma na wami, e be gboe.

Mateo 7:1

“Nyɛ kó kojo nihi, konɛ Mawu hu kó kojo nyɛ.

Marko 8:7

A ngɛ lo tsɔwi bɔɔ ko hulɔ. Yesu gbaa nɔ, nɛ e fa ke a dla lɔ ɔ hu ha mɛ.

Luka 6:40

Kaselɔ pã we e tsɔɔlɔ. Kaselɔ ɔ, ke a tsɔɔ lɛ nɔ́ tsuaa nɔ́ nɛ e hia kaa e le ɔ, e maa pee kaa e tsɔɔlɔ ɔ.

Luka 6:42

Ko de o nyɛmi ke e ha nɛ o je ngu nyafii nɛ ngɛ e hɛngmɛ nɔ ɔ, be mi nɛ plai agbo nɛ ngɛ mo nitsɛ o hɛngmɛ nɔ ɔ lɛɛ o nɛ. Osatotsɛ! Je plai ɔ ngɛ mo nitsɛ o hɛngmɛ nɔ kekle; kɛkɛ ɔ, o maa hyɛ nɔ́ saminya, nɛ o ma je ngu nyafii ɔ ngɛ o nyɛmi ɔ hɛngmɛ nɔ.

Yohane 8:7

Benɛ a ngɛ nɔ ngɛ Yesu munyu bie ɔ, e wo e yi nɔ nɛ e de mɛ ke, “Nyɛ ti nɔ nɛ pee we yayami ko ɔ, lɛ kekle e fia yo ɔ tɛ ɔ.”

Romabi 2:1

Ye nyɛmi, anɛ o kojoɔ nihi, nɛ o buɔ mɛ fɔ lo? Ke o peeɔ ja a, lɛɛ o be nya jemi ko kulaa. Ejakaa ke o kojoɔ ni kpahi, nɛ o buu mɛ fɔ, nɛ mo hu o peeɔ jamɛ a ní ɔmɛ nɔuu ɔ, na nɛ o le kaa mo nitsɛ o he fɔ o ngɛ bue ɔ nɛ.

Yakobo 1:24

E naa bɔ nɛ e ngɛ ɔ, kɛkɛ ke e je lejɛ ɔ nɔuu pɛ e hɛ jeɔ bɔ nɛ e ngɛ ɔ nɔ.