Luka 6:38 - BAIBLO ALOO NGMAMI KLƆUKLƆU Ɔ

³⁸ Nyɛɛ ke nyɛ sibi ní, nɛ Mawu hu maa ke nyɛ ní ja nɔuu. Ee, Mawu maa ke nyɛ ní kpakpahi babauu nɛ nyɛ nine be he kpee, níhi kaa blɛfo nɛ a gbee nɔ, nɛ a sa mi, nɛ a bo ngɔ wo kotoku mi bami, nɛ e hyi tɔ kɛ be nɔ. Susumi nɔ́ nɛ nyɛɛ kɛ susuɔ nɔ́ ha ni kpahi ɔ, lɔ ɔ nɔuu a kɛ ma susu ha nyɛ.”

Somi He Ɔ

³⁸ Nyɛ ha, nɛ a ma ha nyɛ; susumi nɔ́ kpakpa nɛ a nyɛ nɔ nɛ a mimiɛ nɛ e hyi kɛ be nɔ nihi ma ngɔ pue nyɛ tɛ nɔ; ejakaa susumi nɔ́ nɛ nyɛɛ kɛ susuu ɔ, lɔɔ a maa kpale ngɔ susu ha nyɛ.”

Luka 6:38 ပူးပေါင်းရင်းမြစ်များ

Samuel II, 19:36

Mɛni he je matsɛ maa pee nɔ́ kaa kikɛ nɛ ɔ kɛ to nɔ́ ko bɔbɔyoo nɛ i pee ha lɛ ɔ nane mi? Oo, ma je mo blɔ kɛ po Yordan pa a kɛkɛ.

Ester 7:10

Nɛ a ya sɛu Haman ngɛ tso nɛ e pee kɛ ha Mordekai ɔ nɔ. Kɛkɛ nɛ Matsɛ ɔ mi mi fumi ɔ se po.

Ester 9:25

Se Ester ba na matsɛ ɔ, nɛ matsɛ ɔ ngma womi kɛ tsi ga yaya nɛ Haman to kɛ ha Yuda bi ɔmɛ ɔ nya. Bɔ nɛ e ya ba ha ji kaa nɔ́ nɛ e hla kaa e maa pee Yuda bi ɔmɛ ɔ, a kɛ pee lɛ nitsɛ mohu. Lɔ ɔ ji kaa a sɛu lɛ kɛ e binyumu ɔmɛ tsuo.

Hiob 42:11

Hiob nyɛminyumuhi, e nyɛmiyihi, kɛ nihi nɛ le lɛ sa a tsuo ba slaa lɛ nɛ a kɛ lɛ ba ye ní ngɛ e we ɔ mi. A ye lɛ kɔmɔ nɛ a jɔɔ e bua ngɛ haomihi tsuo nɛ Yawɛ kɛ ba e nɔ ɔ a he. A ti nɔ tsuaa nɔ ke lɛ sika, kɛ sika tsu ga.

La 79:12

Nyɔmtsɛ, je mahi tsuo nɛ ye o he fɛu ɔ, gbla a tue si kpaago kɛ to nɔ́ nɛ a pee ɔ nya.

Mose II, 21:24

loo e hɛngmɛ pɛ, loo e lungu hia, loo e nine, loo e nane plaa,

Abɛ Womi 10:22

Mawu gbaami lɛ peeɔ nɔ niatsɛ; dengme gbomi kɛ nɔ́ ko nɔ́ ko piɛ we he ha nɔ.

Abɛ Womi 19:17

Ke o na ohiatsɛ mɔbɔ ɔ, e ngɛ kaa o pa nɔ́ ko ha Yawɛ; nɛ nɔ́ nɛ o pee ɔ, e maa to nane mi ha mo.

Abɛ Womi 22:9

Nɔ nɛ mi mi jɔ ɔ, a gbaa lɛ, ejakaa e ngɔɔ e niye ní kɛ haa ohiatsɛmɛ.

Yeremia 32:18

O jeɔ o suɔmi nɛ se pui gblegbleegble ɔ ngɔ tsɔɔ ni akpeakpe. Se kɛ̃ ɔ, o kɛ tsɛmɛ a tɔmi gblaa bimɛ a tue. Mawu nɛ kle, nɛ ngɛ he wami ji mo; o biɛ ji Yawɛ Tabohiatsɛ.

Mateo 10:42

Niinɛ, i ngɛ nyɛ dee ke, nɔ tsuaa nɔ nɛ ma ha ni tsɔwi nɛ ɔmɛ a ti nɔ kake nyu nɛ mi jɔ nɛ e nu akɛnɛ ye kaselɔ ji lɛ he je ɔ, e hiɔwo be lɛ bɔe gblegbleegble.”

Mateo 7:2

Bɔ nɛ nyɛ kojoɔ nihi ɔ, jã Mawu hu maa kojo nyɛ. Susumi nɔ́ nɛ nyɛɛ kɛ susuu ha nihi ɔ, lɔ ɔ nɔuu a kɛ ma susu ha nyɛ.

Marko 4:24

E de mɛ hu ke, “Nyɛ susu nɔ́ nɛ nyɛ ngɛ nue nɛ ɔ he saminya! Mlaahi nɛ nyɛ kɛ kojoɔ ni kpahi ɔ, lɔ ɔ Mawu kɛ maa kojo nyɛ; nɛ nyɛ kojomi ɔ nya maa wa wawɛɛ.

Luka 6:30

Nɔ tsuaa nɔ nɛ ma bi mo nɔ́ ko ɔ, ha lɛ; ke nɔ ko ngɔ o nɔ́ ko ɔ, ko de lɛ ke e kpale kɛ ha mo.

Mose V, 15:10

Ha lɛ nɔ́ nɛ ngɛ lɛ hiae ɔ faa nɛ kpɛle peemi be mi. Ke o pee ja a, Yawɛ maa gbaa mo ngɛ nɔ́ tsuaa nɔ́ nɛ o ngɛ tsue ɔ mi.

Yakobo 2:13

Ejakaa nɔ nɛ nɛ́ mɔbɔ ɔ, benɛ a maa kojo lɛ ɔ, Mawu be lɛ mɔbɔ nae; se ke o naa mɔbɔ ɔ, Mawu be mo fɔ bue.

Manyadali 1:7

Adonibezek de ke, “I po matsɛmɛ nyingmi kpaago a nine gɔlekuhi, kɛ a nane gɔlekuhi nɛ i ha a kukuɔ ní ngɛ ye okplɔɔ sisi hyɛ; nɔ́ nɛ i pee be ko ɔ, lɔ ɔ he hiɔ pɛ Mawu wo mi nɛ ɔ nɛ.” A ngɔ lɛ kɛ ho Yerusalem ya, nɛ e ya gbo ngɛ lejɛ ɔ.