Luka 6:29 - BAIBLO ALOO NGMAMI KLƆUKLƆU Ɔ

²⁹ Ke nɔ ko gba o tue mi ma a, plɛ kake ɔ hu ha lɛ; ke nɔ ko kpɔ o hiɔwe tade ɔ, ha nɛ e ngɔ o tade klɔii ɔ hulɔ.

Somi He Ɔ

²⁹ Nɔ nɛ ma gba o tue kake mi ma a, plɛ kake ɔ hu ngɔ ha lɛ; nɛ nɔ nɛ ma kpɔ o nɔ bɔ ɔ, koo nyɛ lɛ o gugue tade ɔ hu he.

Luka 6:29 ပူးပေါင်းရင်းမြစ်များ

Hebribi 10:34

Niinɛ, nyɛ mi mi sã nyɛ ngɛ nihi nɛ a wo mɛ tsu ɔ a he; nɛ benɛ a ngɛ nyɛ níhi tsuo kpɔe ngɛ nyɛ dɛ pani nya a, nyɛɛ kɛ bua jɔmi ngmɛɛ he ha mɛ faa. Ejakaa nyɛ le kaa nɔ́ nɛ nyɛ nine su nɔ ɔ hi kulaa pe lɔ ɔmɛ, nɛ e ngɛ kɛ yaa neneene hulɔ.

2 Korintobi 11:20

Ke nɔ ko ba ye nyɛ nyɔguɛ, loo adufude, loo e ba pee nyɛ kuasia, loo e ba wo e he nɔ ngɛ nyɛ nɔ, loo e ba gba nyɛ hɛ mi ma po, nyɛ de we nɔ́ ko.

1 Korintobi 6:7

Kaa nyɛ nyɛ nɛ nyɛɛ kɛ nyɛ he ngɛ munyu yee ɔ, lɔ ɔ kɛkɛ tsɔɔ kaa nyɛ je mi bami sɛ́ Kristo se nyɛɛli saasaa. Nyɛ ha nɛ ni kpahi pee nyɛ yayami mohu jinɛ tse e ko hi! Nyɛ ha nɛ ni kpahi sisi nyɛ mohu jinɛ tse e ko hi!

Yohane 18:22

Benɛ Yesu de enɛ ɔ, tsɔli ɔmɛ nɛ ngɛ lejɛ ɔ a ti nɔ kake gba lɛ ma, nɛ e de lɛ ke, “Heto nɛ o ha osɔfo nɔkɔtɔma pe kulaa a ji nɛ ɔ?”

Mateo 26:67

Kɛkɛ nɛ a su lada ngɔ pue e hɛ mi, nɛ a fiaa lɛ ní. Ni komɛ hu gba lɛ ma,

Kɔmɔ Yemi 3:30

Ke a ngɛ wɔ ní fiae, loo a ngɛ wa hɛ mi si puee ɔ, wa ha nɛ a pee kɛkɛ.

Yesaya 50:6

I ngmɛ blɔ nɛ a fia ye se mi kpa; a jɛ mi; a hia ye kpɛni si bwɔmi, nɛ a su lada ngɔ pue ye hɛ mi kɛ pue ye hɛ mi si.

1 Korintobi 4:11

Kɛ ba si amlɔ nɛ ɔ tete po hwɔ kɛ kuma yee wɔ; wa heha níhi híaa ngɛ wa he; a kongoɔ wɔ, nɛ wa hii kpae kɛ hii bee.

Luka 22:64

A fi e hɛ mi, nɛ a bi lɛ ke, “Mɛnɔ lɛ fia mo nɔ́ ɔ? De wɔ!”

Ni Tsumi 23:2

Kɛkɛ nɛ Anania, osɔfo nɔkɔtɔma pe kulaa a fa nihi nɛ daa si ngɛ e kasa nya a ke a gba e nya ma.

Mika 5:1

Nyɛ Yerusalem bi, nyɛ bua nyɛ he nya! A sa ma a yi! A ba tua Israel hɛ mi nyɛɛlɔ ɔ!

Kronika II, 18:23

Kɛkɛ nɛ gbalɔ Zedekia, Kenaana binyumu ɔ ho nɛ e ya gba Mikaya hɛ mi ma, nɛ e bi lɛ ke, “Mɛni be nɛ Yawɛ mumi ɔ je ye nɔ nɛ e kɛ mo ba tu munyu?”

Samuel II, 19:30

Se Mefiboshet de ke, “Oo, ha nɛ e ngɔ lɛ tsuo kɛkɛ; nɛ́ ye nyɔmtsɛ matsɛ ná ba su we fiafiaafia nɛ ɔ kɛkɛ e hiɛ ha mi.”

Luka 6:30

Nɔ tsuaa nɔ nɛ ma bi mo nɔ́ ko ɔ, ha lɛ; ke nɔ ko ngɔ o nɔ́ ko ɔ, ko de lɛ ke e kpale kɛ ha mo.