Luka 6:27 - BAIBLO ALOO NGMAMI KLƆUKLƆU Ɔ

²⁷ “Se nyɛ nihi nɛ nyɛ ngɛ mi tue bue nɛ ɔ, i ngɛ nyɛ dee ke nyɛɛ suɔ nyɛ he nyɛli, nɛ nihi nɛ nyɛɛ nyɛ ɔ, nyɛɛ pee mɛ kpakpa;

Somi He Ɔ

²⁷ “Se nyɛ nihi nɛ nyɛ ngɛ tue bue nɛ ɔ, i ngɛ nyɛ dee ke: Nyɛɛ suɔ nyɛ henyɛli; nyɛɛ pee nihi nɛ nyɛɛ nyɛ ɔ kpakpa.

Luka 6:27 ပူးပေါင်းရင်းမြစ်များ

1 Tesalonikabi 5:15

Nyɛɛ hyɛ nɛ nyɛ ti nɔ ko kó pee yayami kɛ to yayami nane mi. Se mohu daa nɛ ɔ, nyɛɛ bɔ mɔde kaa nyɛ maa pee kpakpa ha nyɛ sibi, kɛ nihi tsuo.

Luka 6:35

Dɛbi! Nyɛɛ suɔ nyɛ he nyɛli, nɛ nyɛɛ pee mɛ kpakpa; nyɛɛ pa sika ha nɔ, nɛ nyɛ ko hyɛ blɔ kaa e ma ba wo hiɔ. Kɛkɛ ɔ, nyɛ hiɔwo maa hiɛ, nɛ nyɛ maa pee Hiɔwe No ɔ bimɛ; ejakaa lɛɛ e naa otlumuhi, kɛ yiwutsotsɛmɛ tsuo mɔbɔ.

Abɛ Womi 24:17

Ke o he nyɛlɔ tɛ nɔ́, loo e nɔ si ɔ, ko nya.

Galatabi 6:10

Lɛɛ ke e maa hi ɔ, waa pee nihi tsuo kpakpa daa, titli ɔ, nihi nɛ waa kɛ mɛ hɛɛ hemi kɛ yemi kake ɔ.

Marko 4:24

E de mɛ hu ke, “Nyɛ susu nɔ́ nɛ nyɛ ngɛ nue nɛ ɔ he saminya! Mlaahi nɛ nyɛ kɛ kojoɔ ni kpahi ɔ, lɔ ɔ Mawu kɛ maa kojo nyɛ; nɛ nyɛ kojomi ɔ nya maa wa wawɛɛ.

Ni Tsumi 10:38

Nyɛ le Yesu nɛ je Nazaret ɔ he sane, bɔ nɛ Mawu hla lɛ, nɛ e ha nɛ Mumi Klɔuklɔu ɔ he wami ɔ ba e nɔ. Nyɛ le bɔ nɛ e kpa si kɛ ya he tsuaa he kɛ kpakpa peemi. E tsa hiɔtsɛmɛ, nɛ e hia mumi yayamihi hulɔ; ejakaa Mawu kɛ lɛ ngɛ.

Ni Tsumi 7:60

E kpla si, nɛ e kpa ngmlaa wawɛɛ ke, “Nyɔmtsɛ, ngɔɔ yayami nɛ ɔ kɛ pa mɛ!” Benɛ e de kikɛ nɛ ɔ, kɛkɛ nɛ e ngɔ e nya.

Luka 23:34

Nɛ Yesu de ke, “Tsaatsɛ, kɛ pa mɛ! A li nɔ́ nɛ a ngɛ pee ɔ.” Kɛkɛ nɛ a fɔ sɔ kɛ dla e tade ɔmɛ.]

Luka 8:18

“Lɔ ɔ he ɔ, nyɛɛ bu tue saminya; ejakaa nɔ tsuaa nɔ nɛ nɔ́ ko ngɛ e dɛ ɔ, a ma ha lɛ fuu kɛ piɛ he. Se nɔ nɛ be nɔ́ ko ɔ, bɔɔ nɛ e susu kaa e ngɛ ɔ tete po a ma he ngɛ e dɛ.”

Luka 8:15

Wuhi nɛ ya pue zugba kpakpa mi ɔ daa si ha nihi nɛ a tsui mi hi, nɛ a yeɔ anɔkuale. Mɛɛ lɛɛ ke a nu Mawu munyu ɔ, a tsuɔ he ní hluu kɛ ya siɔ e woɔ yiblii.

Luka 8:8

Se ekomɛ hu ya pue zugba kpakpa mi, nɛ a puɛ, nɛ a wo yiblii totoe lafa.” Benɛ Yesu de enɛ ɔ gbe nya a, e de ke, “Nɔ nɛ ngɛ tue nɛ nuɔ nɔ ɔ, e nu nɔ́ nɛ i ngɛ dee ɔ!”

Luka 6:22

“Ke nimli nyɛ nyɛ, loo a kua nyɛ, loo a jɛ nyɛ, loo a puɛ nyɛ biɛ ke nimli yayamihi ji nyɛ, ngɛ imi Nɔmlɔ Bi ɔ, ye he ɔ, á gbaa nyɛ!

3 Yohane 1:11

Ye nyɛmi nɛ i suɔ! Ko ya wo nihi nɛ peeɔ ní yayamihi a nane; moo kase nihi nɛ peeɔ nɔ́ kpakpa mohu. Nɔ tsuaa nɔ nɛ peeɔ nɔ́ kpakpa a, Mawu nɔ́ ji lɛ; nɔ nɛ peeɔ yayami ɔ, e li Mawu.

Abɛ Womi 25:2

Hɛ mi nyami sa Mawu kaa e ngɔɔ níhi kɛ laa wɔ; matsɛmɛ lɛɛ bu sa mɛ, ejakaa a hyɛɔ níhi a mi fitsofitso.

Matsɛmɛ I, 13:6

Matsɛ Yeroboam de gbalɔ ɔ ke, “I kpa mo pɛɛ, moo fa kue ha Yawɛ, o Mawu ɔ, nɛ e tsa ye nine ɔ ha mi.” Gbalɔ ɔ fa kue ha Yawɛ, nɛ Yawɛ tsa matsɛ ɔ nine ɔ; nɛ nine ɔ pee kaa bɔ nɛ e ngɛ sa a.

Ni Tsumi 16:28

Se Paulo kpa ngmlaa wawɛɛ ke, “Koo ye o he awi; wɔ tsuo wa ngɛ hiɛ ɔ!”