Luka 6:24 - BAIBLO ALOO NGMAMI KLƆUKLƆU Ɔ

²⁴ “Se nyɛ niatsɛmɛ, musu tloo nyɛ, ejakaa nyɛ bua jɔmi ɔ tsuo ji nɛ ɔ nɛ!

Somi He Ɔ

²⁴ “Se nyɛ niatsɛmɛ ɔmɛ ɔ, musu tloo nyɛ; ejaka nyɛ na nyɛ buawomi momo.’

Luka 6:24 ပူးပေါင်းရင်းမြစ်များ

Abɛ Womi 1:32

Kuasiahi gboɔ, ejakaa a bui nile; a heɔ mɛ nitsɛmɛ a he yeɔ, nɛ nɔ́ nɛ ɔ kpataa a hɛ mi.

Hagai 2:9

Mawu we he ɔ maa hi fɛu pe momo ɔ. Ma ha kplɔkɔtɔ maa ba ye ma a nɔ, nɛ ni ɔmɛ maa hi si ngɛ tue mi jɔmi mi.” Yawɛ lɛ de.

Mateo 6:16

“Jehanɛ ɔ, ke nyɛ ngɛ hwɔ hae ɔ, nyɛ ko pee nyɛ hɛ mi mɔbɔmɔbɔ kaa bɔ nɛ osatotsɛmɛ ɔmɛ peeɔ ɔ. A peeɔ a hɛ mi nyanyaanya, konɛ nihi nɛ a na kaa a ngɛ hwɔ hae. Niinɛ, i ngɛ nyɛ dee ke a nine su a hiɔwo nɔ momo.

Mateo 6:2

“Lɔ ɔ he ɔ, ke o maa ke nɔ́ ɔ, koo pee lɛ hoo kaa bɔ nɛ osatotsɛmɛ ɔmɛ peeɔ ngɛ kpe hehi, kɛ gbɛjegbɛ ɔmɛ a nɔ ɔ. A peeɔ jã, konɛ nihi nɛ je a yi. I ngɛ nyɛ dee anɔkuale mi ke a nine su a hiɔwo nɔ momo.

Mateo 6:5

“Ke nyɛ ngɛ sɔlee ɔ, nyɛ ko pee nyɛ ní kaa osatotsɛmɛ ɔmɛ! A suɔ kaa a da kpe he ɔmɛ, kɛ gbɛjegbɛ ɔmɛ a kɔ nya kɛ sɔle, konɛ nihi nɛ na mɛ. Niinɛ, i ngɛ nyɛ dee ke a nine su a hiɔwo nɔ momo.

Luka 6:25

“Nyɛ nihi nɛ nyɛ tɔ mwɔnɛ ɔ, musu tloo nyɛ, ejakaa hwɔ ma ba ye nyɛ! “Nyɛ nihi nɛ nyɛ ngɛ muɔe amlɔ nɛ ɔ, musu tloo nyɛ; ejakaa nyɛ ma ba ye kɔmɔ, nɛ nyɛ maa wo yana!

1 Timoteo 6:17

Niatsɛmɛ nɛ ngɛ nyɛ kpɛti ɔ, nyɛɛ a nɔ nɛ a ko wo a he nɔ. Á ko ngɔ a hɛ ngɔ fɔ ní nɛ a na a nɔ, ejakaa ní nami se maa po. Á ngɔ a hɛ ngɔ fɔ Mawu mohu nɔ. Lɛ nɛ e haa wɔ ní kpakpahi babauu nɛ wa yeɔ faa.

Yakobo 2:6

Se nyɛ pueɔ ohiatsɛmɛ ɔmɛ a hɛ mi si. Anɛ pi niatsɛmɛ ɔmɛ nɛ waa nyɛ yi mi ɔ? Anɛ pi mɛ nɛ a ngɔɔ nyɛ kɛ yaa kojomi he ɔ?