Luka 6:23 - BAIBLO ALOO NGMAMI KLƆUKLƆU Ɔ

²³ Ke e ba mi ja a, nyɛ nya, nɛ nyɛ hlu kɛ bua jɔmi, ejakaa Mawu ngɔ hiɔwo agbo ngɔ to ha nyɛ ngɛ hiɔwe. Nyɛ kai kaa ja nɔuu a nɛmɛ ɔmɛ pee gbali ɔmɛ.

Somi He Ɔ

²³ Nyɛ nya ngɛ jamɛ a ligbi ɔ nɔ nɛ nyɛɛ tuu kɛ buajɔmi ejakaa oʼɛ, nyɛ hiɔwo ngɛ hiɔwe; ejakaa ja nɔuu a tsɛmɛ ɔmɛ pee gbali ɔmɛ.

Luka 6:23 ပူးပေါင်းရင်းမြစ်များ

Samuel II, 6:16

Benɛ daka a ba su David ma a mi ɔ, Mikal, Saul biyo ɔ je e hɛ mi kpo ngɛ saflɛ mi nɛ e na Matsɛ David nɛ e ngɛ tuue nɛ e ngɛ doe kɛ ngɛ Yawɛ hɛ mi nyami woe; nɛ David he pee lɛ tai.

Matsɛmɛ I, 18:4

Benɛ Yezebel ngɛ Yawɛ gbali ɔmɛ gbee ɔ, Obadia ngɔ gbali lafa ngɔ laa ngɛ tɛ puɔhi a mi, nɛ e ha mɛ niye ní kɛ nyu; gbali nyingmi enuɔ ngɛ kuu kake mi, nɛ nyingmi enuɔ hu ngɛ kuu kake mi).

Matsɛmɛ I, 19:10

E he nɔ ke, “Yawɛ Tabohiatsɛ Mawu, i sɔmɔɔ mo daa be tsuaa bekɛ hɛdɔ. Se Israel ma a lɛɛ somi nɛ o kɛ mɛ so ɔ, a yi nɔ; a hule o bɔ sami la tɛ ɔmɛ pue si, nɛ a gbe o gbali ɔmɛ tsuo pɛpɛɛpɛ. Imi nɔ kake too pɛ nɛ i piɛ, nɛ a ngɛ mi hlae nɛ a gbe!”

Matsɛmɛ I, 19:14

E he nɔ ke, “Yawɛ Mawu Ope, i sɔmɔɔ mo daa be tsuaa be kɛ hɛdɔ. Se Israel ma a lɛɛ somi nɛ o kɛ mɛ so ɔ, a yi nɔ; a hule o bɔ sami la tɛ ɔmɛ pue si, nɛ a gbe o gbali ɔmɛ tsuo pɛpɛɛpɛ. Imi nɔ kake too pɛ nɛ i piɛ, nɛ a ngɛ mi hlae nɛ a gbe.”

Matsɛmɛ I, 19:2

Yezebel tsɔ ya de Eliya ke, “Hwɔɔ be nɛ ɔ mi ke i pee we mo kaa bɔ nɛ o pee ye gbali ɔmɛ fii, lɛɛ mawu ɔmɛ nɛ a fia mi nɔ́ nɛ a gbe.”

Matsɛmɛ I, 21:20

Benɛ Ahab na Eliya a, e bi lɛ ke, “Ye he nyɛlɔ, pe o nuu mi nɛ ɔ?” Eliya he nɔ ke, “Ee, i nuu mo. O ngɔ o he ngɔ ha yayami peemi, nɛ o pee nɔ́ nɛ dɛ ngɛ Yawɛ hɛ mi.

Matsɛmɛ I, 22:27

De mɛ ke i ke a wo lɛ tsu, nɛ a ha lɛ abolo, kɛ nyu bɔbɔyoo pɛ kɛ yaa si ma kpale kɛ ba kɛ manye.”

Matsɛmɛ I, 22:8

Ahab he nɔ ke, “Nɔ kake ngɛ; lɛ ji Imla binyumu Mikaya. Se i sume lɛ, ejakaa e gbɛ manye nɔ́ ko ha we mi hyɛ gblee, ja nɔ́ yayami pɛ.” Yehoshafat de lɛ ke, “Mo ko de ja!”

Matsɛmɛ II, 6:31

Kɛkɛ nɛ e kpa ngmlaa nɛ e de ke, “Ke i ha we nɛ a po Shafat binyumu Elisha yi mwɔnɛ ligbi nɛ ɔ fii, Mawu nɛ gbe mi!”

Kronika II, 36:16

Se mɛɛ lɛɛ, Mawu tsɔli ɔmɛ a he fɛu mohu a yeɔ; a bui Mawu munyu ɔ tue, nɛ e gbali ɔmɛ hu muɔ sɔuu a hii mɛ muɔe hluu kɛ ya si be nɛ Yawɛ mi mi ba fu e ma a wawɛɛ nitsɛ nɛ nɔ́ ko hi peemi ngɛ he hu.

Nehemia 9:26

“Se enɛ ɔmɛ tsuo a se ɔ, o ma a tsɔ o hɛ mi atuã, nɛ a bui mo tue; a sake o mlaa a ngɔ fɔ a tue se. A gbe gbali ɔmɛ nɛ ka a hɛ mi, nɛ de mɛ ke a kpale kɛ ba o ngɔ ɔ; kɛ nɔ a bɔ musu babauu.

La 58:11

Bɔ nɛ nimli adesahi ma de ji, “Niinɛ, ni nɛmɛ nɛ peeɔ nɔ́ nɛ da a, a naa hiɔwo kpakpa. Niinɛ, Mawu ngɛ, nɛ e kojoɔ je ɔ tsuo.”

Yesaya 35:6

Glɔtsɛmɛ ma hlu kaa odabɔ, nɛ amuɛtihi ma la kɛ bua jɔmi. Pahi maa hia ngɛ nga kplanaa zugba a nɔ.

Yeremia 2:30

I gbla nyɛ bimɛ ɔmɛ a tue, se lɛ tsuo pee yaka; nyɛ sume tsɔsemi. Nyɛ nitsɛmɛ hu nyɛ gbe ye gbali ɔmɛ kaa bɔ nɛ jata tsɔtslɔɔ lohwe ɔ.

Malaki 4:1

Yawɛ Tabohiatsɛ ɔ ke, “Be ma nɛ he woli, kɛ yayami peeli tsuo maa sã kaa bɔ nɛ nga sãã ngɛ flɔɔnɔɔ mi ɔ. Jamɛ a be ɔ, a maa sã pɛsɛpɛsɛ, nɛ a he nɔ́ ko nɔ́ ko be piɛe.

Mateo 5:12

Nyɛ nya, nɛ nyɛ na bua jɔmi, ejakaa nyɛ hiɔwo nɛ ngɛ hiɔwe ɔ kle agbo. Gbali nɛ sɛ nyɛ hlami ɔ, kikɛ nɛ ɔ nɔuu a wa mɛ yi mi.

Luka 1:41

Benɛ Elizabet nu nɛ Maria nga lɛ ɔ, bimwɔyo ɔ hua ngɛ e mi mi. Mumi Klɔuklɔu ɔ ba Elizabet nɔ,

Luka 1:44

Benɛ i nu o ngami ɔ pɛ bimwɔyo ɔ hua ngɛ ye mi mi kɛ bua jɔmi.

Luka 6:35

Dɛbi! Nyɛɛ suɔ nyɛ he nyɛli, nɛ nyɛɛ pee mɛ kpakpa; nyɛɛ pa sika ha nɔ, nɛ nyɛ ko hyɛ blɔ kaa e ma ba wo hiɔ. Kɛkɛ ɔ, nyɛ hiɔwo maa hiɛ, nɛ nyɛ maa pee Hiɔwe No ɔ bimɛ; ejakaa lɛɛ e naa otlumuhi, kɛ yiwutsotsɛmɛ tsuo mɔbɔ.

Ni Tsumi 14:10

Kɛkɛ nɛ Paulo kpa ngmlaa de lɛ ke, “Tee si nɛ o da o nane nɔ tlɔmɔɔ!” Amlɔ nɔuu ɔ, libɔɔ ɔ hlu ma si glɛ, nɛ e bɔni nyɛɛmi kɛ ngɛ si bɔlee ngɛ lejɛ ɔ.

Ni Tsumi 3:8

e hlu da si, nɛ e bɔni nyɛɛmi. Jehanɛ e nyɛɛ a se kɛ ya sɛ sɔlemi we ɔ, nɛ jamɛ a be ɔ tsuo ɔ, e ngɛ hlue nɛ e ngɛ Mawu yi jee.

Ni Tsumi 5:41

Bɔfo ɔmɛ je kpe ngua a hɛ mi kɛ ho kɛ bua jɔmi kaa Yesu biɛ ɔ he ɔ, Mawu bu mɛ nihi nɛ sa kaa a bɔ mɛ ahlua.

Romabi 5:3

Wa le kaa dengme nɛ wa ngɛ gboe ɔ be yaka pee. Pi enɛ ɔ kɛkɛ, se ke wa ngɛ nɔ́ nae po, wa naa bua jɔmi, ejakaa wa le kaa nɔ́ nami haa nɛ wa toɔ wa tsui si;

2 Korintobi 12:10

Enɛ ɔ he je ɔ, i suɔ kaa ma na nɔ́ ngɛ Kristo he. E hɛwi mi kaa ma nu hiɔ; e hɛwi mi kaa a maa pee mi nisɛ ní, loo ye yi ma fi, loo a maa wa mi yi mi, loo ma na amanehlu. Ejakaa ke i pee gbedee ɔ, Kristo woɔ mi he wami.

Kolosebi 1:24

Amlɔ nɛ ɔ, e peeɔ mi bua jɔmi kaa nyɛ he ɔ, i ngɛ nɔ́ nae, konɛ nɔ́ nɛ piɛ ngɛ dengme nɛ Kristo ba gbo ngɛ asafo ɔ nɛ ji e nɔmlɔ tso ɔ he ɔ, ma gbe nya ngɛ ye he lo nɛ ɔ mi.

2 Timoteo 2:12

Ke wa mia wa hɛ mi ngɛ nɔ́ nami mi ɔ, waa kɛ lɛ maa ye matsɛ hulɔ. Ke wa kua lɛ ɔ, lɛ hu e ma kua wɔ.

Hebribi 11:26

Ngɛ Mose susumi nya a, ke a bɔ nɔ ko ahlua ngɛ Kristo ɔ he ɔ, juetli babauu nɛ ngɛ Egipt ɔ po he jua wɛ kaa lɔ ɔ, ejakaa e hɛ ngɛ hiɔwo nɛ e ma na hwɔɔ se ɔ nɔ.

Hebribi 11:6

Ke nɔ ko be hemi kɛ yemi ɔ, e be nyɛe maa sa Mawu hɛ mi. Ejakaa e hia kaa nɔ tsuaa nɔ nɛ maa hɛ lɛ kɛ su Mawu he ɔ, e he ye kaa Mawu ngɛ; nɛ nihi nɛ hlaa e se blɔ ɔ, e gbaa mɛ.

Yakobo 1:2

Ye nyɛmimɛ, ke nyɛɛ kɛ ka slɔɔtoslɔɔtohi ngɛ kpee ɔ, nyɛ bua nɛ jɔ wawɛɛ mohu;

1 Petro 4:13

Se mohu, nyɛ bua nɛ jɔ kaa amanehlu nɛ Kristo na a, nyɛ hu nyɛ ngɛ nae. Kɛkɛ ɔ, ke e ba ekohu kɛ he wami kpetekpleenyɛ ɔ, nyɛ ma na bua jɔmi babauu.

Kpojemi 2:17

“Lɔ ɔ he ɔ, nɔ nɛ ngɛ tue ɔ, e bu nɔ́ nɛ mumi ɔ ngɛ asafo ɔmɛ dee ɔ tue! “Ni nɛmɛ nɛ maa ye kunimi ɔ, ma ha mɛ mana nɛ a kɛ laa a eko. Jehanɛ se hu, ma ha a ti nɔ tsuaa nɔ tɛ hiɔ nɛ a ngma biɛ he ngɛ nɔ. Biɛ nɛ ɔ, nɔ ko nɔ ko li, ja nɔ nɛ a ngɔ tɛ ɔ ngɔ ha lɛ ɔ pɛ.

Kpojemi 2:26

Ni nɛmɛ nɛ maa ye kunimi, ni nɛmɛ nɛ maa ya nɔ maa pee ye suɔmi nya ní kɛ yaa si nyagbe ɔ, he blɔ nɛ Tsaatsɛ ngɔ ha mi ɔ, imi hu ma ha mɛ. Ma ha nɛ a maa ye je ma amɛ a nɔ kɛ kɔni si wami, nɛ a ma tsɔtslɔɔ a mi kaa buɛ nɛ ywia tsɔkɔtsɔkɔ. Nɛ ma ha mɛ dodoe nɛ a tsɛɛ nɔkɔ ɔ.

Kpojemi 2:7

“Lɔ ɔ he ɔ, nɔ nɛ ngɛ tue ɔ, e bu nɔ́ nɛ mumi ɔ ngɛ asafo ɔmɛ dee ɔ tue! “Ni nɛmɛ nɛ maa ye kunimi ɔ, ma ha mɛ blɔ nɛ a maa ye tso nɛ haa nɔ wami nɛ ngɛ Mawu abɔɔ ɔ mi ɔ yiblii.”

Kpojemi 21:7

Nihi tsuo nɛ maa ye kunimi ɔ ma na nike ní nɛ ɔ kɛ maa je ye dɛ mi; ma pee a Mawu, nɛ mɛ hu a maa pee ye ma.

Kpojemi 3:12

Nɔ nɛ maa ye kunimi ɔ, ma ngɔ lɛ ngɔ pee titima ngɛ ye Mawu ɔ sɔlemi we ɔ, nɛ e be lejɛ ɔ jee gblegbleegble. Ma ngma ye Mawu ɔ biɛ, kɛ ye Mawu ɔ ma, Yerusalem he ɔ biɛ ngɛ e he. Ma he nɛ ɔ maa je ye Mawu ɔ ngɔ ngɛ hiɔwe kɛ ba. Jehanɛ, ma ngma ye biɛ he ɔ hu ngɛ e he.

Kpojemi 3:5

Nihi nɛ maa ye kunimi ɔ, a maa wo ní hiɔ ha mɛ kaa kikɛ nɛ ɔ, nɛ i be a biɛ gbee ngɛ hɛ kali a womi ɔ mi. Nɛ ma jaje ngɛ Tsaatsɛ kɛ e bɔfo ɔmɛ a hɛ mi paa kaa ye nihi ji mɛ.