Luka 6:15 - BAIBLO ALOO NGMAMI KLƆUKLƆU Ɔ

¹⁵ Mateo kɛ Toma, Alfeo bi Yakobo, kɛ Simon, (nɔ nɛ a tsɛɛ ma he doolɔ ɔ);

Somi He Ɔ

¹⁵ Mateo kɛ Toma; Yakobo, Alfeo bi ɔ, kɛ Simon, nɔ nɛ a tsɛɛ Zelote (Hɛdɔlɔ) ɔ;

Luka 6:15 ပူးပေါင်းရင်းမြစ်များ

Mateo 9:9

Yesu je lejɛ ɔ, nɛ benɛ e yaa a, e na tó tsulɔ ko nɛ a tsɛɛ lɛ Mateo nɛ hii si ngɛ e ní tsumi he ɔ. Yesu de lɛ ke, “Nyɛɛ ye se!” Kɛkɛ nɛ Mateo te si, nɛ e nyɛɛ Yesu se.

Marko 2:14

Benɛ e yaa a, e na Alfeo bi Levi nɛ hii si ngɛ tó tsumi he ɔ. Yesu de lɛ ke, “Nyɛɛ ye se.” Kɛkɛ nɛ Levi te si pam nɛ e nyɛɛ e se.

Marko 3:18

Andrea, Filipo, Bartolomeo, Mateo, Toma, Alfeo bi Yakobo, Tadeo, Simon ma he doolɔ ɔ,

Luka 5:27

Enɛ ɔ se ɔ, Yesu je kpo, nɛ e ya na tó tsulɔ ko nɛ hii si ngɛ tó tsumi he ɔ; e biɛ ji Levi. Yesu de lɛ ke, “Ba nyɛɛ ye se!”

Luka 6:14

Mɛ ji Simon, nɔ nɛ e wo lɛ biɛ ke Petro hulɔ ɔ, kɛ e nyɛmi Andrea, Yakobo kɛ Yohane, Filipo kɛ Bartolomeo,

Luka 6:16

Yuda, Yakobo nyɛmi ɔ, kɛ Yuda Iskariot, nɔ nɛ ba tsɔɔ Yesu se blɔ ɔ.

Yohane 11:16

Toma nɛ a tsɛɛ lɛ Hayo hulɔ ɔ, de e nyɛmimɛ kaseli ɔmɛ ke, “Nyɛ ha wɔ hu waa kɛ Tsɔɔlɔ ɔ nɛ ya, nɛ waa kɛ lɛ ya gbo.”

Yohane 20:24

Benɛ Yesu ba je e he kpo ɔ, Toma, ni nyɔngma kɛ enyɔ ɔmɛ a ti nɔ kake nɛ a tsɛɛ lɛ Hayo hulɔ ɔ be lejɛ ɔ.

Ni Tsumi 1:13

A ba sɛ ma a mi, nɛ a kuɔ kɛ ho hiɔwe tsu mi he nɛ a ba to ɔ. Mɛ ji Petro, Yohane, Yakobo, Andrea, Filipo, Toma, Bartolomeo, Mateo, Alfeo bi Yakobo, Simon ma he doolɔ ɔ, kɛ Yuda, Yakobo bi ɔ.

Ni Tsumi 15:13

Benɛ a bɔ amaniɛ ɔ ta a, Yakobo wo e nya nɔ nɛ e de ke, “Nyɛmimɛ, nyɛɛ bu mi tue!

Galatabi 1:19

Bɔfo kpa amɛ lɛɛ i nɛ a ti nɔ ko nɔ ko, pe Nyɔmtsɛ ɔ nyɛmi Yakobo pɛ.

Galatabi 2:9

Yakobo, Petro, kɛ Yohane nɛ a buu mɛ kaa asafo ɔ mi titimahi ɔ na paa kaa Mawu dloo mi babauu, nɛ e tu ní tsumi pɔtɛɛ nɛ ɔ ngɔ wo ye dɛ; lɔ ɔ he ɔ, mɛ hu a sa i kɛ Barnaba wa dɛ mi kɛ he wɔ atuu kaa nihi nɛ kɛ mɛ ngɛ ní tsumi kake tsue. Wa ma nya si kaa i kɛ Barnaba maa ya ma je li ɔmɛ a ngɔ, konɛ mɛɛ lɛɛ a ya Yuda bi ɔmɛ a ngɔ.

Yakobo 1:1

Imi Yakobo, Mawu kɛ Nyɔmtsɛ Yesu Kristo tsɔlɔ ɔ lɛ i ngɛ womi nɛ ɔ ngmae kɛ ya ha wɛtso nyɔngma kɛ enyɔ ɔmɛ nɛ gbɛ fĩa je ɔ mi tsuo. Nyɛ he manye!