Luka 6:13 - BAIBLO ALOO NGMAMI KLƆUKLƆU Ɔ

¹³ Benɛ je na a, e tsɛ e kaseli ɔmɛ kɛ ba e ngɔ, nɛ e hla a kpɛti ni nyɔngma kɛ enyɔ, nɛ e tsɛ mɛ ke bɔfohi.

Somi He Ɔ

¹³ Nɛ benɛ je na a, e tsɛ e kaseli ɔmɛ kɛ ba e ngɔ nɛ e hla a kpɛti ni nyɔngma kɛ enyɔ, ninɛmɛ nɛ e tsɛ mɛ bɔfohi hulɔ ɔ:

Luka 6:13 ပူးပေါင်းရင်းမြစ်များ

Mateo 10:2

Bɔfohi nyɔngma kɛ enyɔ ɔmɛ a biɛhi ji nɛ ɔmɛ nɛ. Kekleekle nɔ ji Simon (nɛ a tsɛɛ lɛ Petro hulɔ ɔ), kɛ e nyɛmi Andrea, Yakobo, kɛ e nyɛmi Yohane, Zebedeo bimɛ ɔmɛ,

Mateo 19:28

Yesu de mɛ ke, “Niinɛ, i ngɛ nyɛ dee ke, je he ɔ mi, benɛ Nɔmlɔ Bi ɔ maa hi e nyami sɛ ɔ nɔ ɔ, nyɛ hu nyɛ maa hi matsɛ sɛ nyɔngma kɛ enyɔ nɔ, nɛ nyɛ maa kojo Israel wɛtso nyɔngma kɛ enyɔ ɔmɛ.

Mateo 9:36

Benɛ e na ma kpekpemi ɔ, e mi mi sã lɛ ngɛ ni ɔmɛ a he, ejakaa pɔ tɔ mɛ, nɛ a dɛ yaa kaa tohi nɛ be hyɛlɔ.

Marko 6:30

Kaseli ɔmɛ kpale kɛ ba Yesu ngɔ, nɛ a ba bɔ lɛ níhi nɛ a ya pee, kɛ níhi nɛ a ya tsɔɔ ɔ tsuo.

Marko 6:7

Yesu ya kpa kɔpehi nɛ bɔle lejɛ ɔ ní ɔmɛ a mi, nɛ e tsɔɔ ní. E tsɛ ni nyɔngma kɛ enyɔ ɔmɛ kɛ ba e ngɔ, nɛ e tsɔ mɛ enyɔɔnyɔ. E ha mɛ he wami nɛ a kɛ hia mumi yayamihi.

Luka 11:49

Enɛ ɔ he nɛ Mawu nile ɔ de ke, ‘Ma tsɔ gbali, kɛ tsɔli kɛ ya a ngɔ; a maa gbe a ti ni komɛ, nɛ a maa wa a ti ni komɛ yi mi.’

Luka 22:30

Nyɛ maa ye ní, nɛ nyɛ maa nu ní ngɛ ye we okplɔɔ ɔ he ngɛ ye matsɛ yemi ɔ mi; nɛ nyɛ maa hi matsɛ sɛhi a nɔ kɛ kojo Israel wɛtso nyɔngma kɛ enyɔ ɔmɛ.

Luka 6:14

Mɛ ji Simon, nɔ nɛ e wo lɛ biɛ ke Petro hulɔ ɔ, kɛ e nyɛmi Andrea, Yakobo kɛ Yohane, Filipo kɛ Bartolomeo,

Yohane 4:33

Lɔ ɔ he ɔ, kaseli ɔmɛ bi a he ke, “Anɛ nɔ ko ba ha lɛ nɔ́ ko nɛ e ye lo?”

Ni Tsumi 1:13

A ba sɛ ma a mi, nɛ a kuɔ kɛ ho hiɔwe tsu mi he nɛ a ba to ɔ. Mɛ ji Petro, Yohane, Yakobo, Andrea, Filipo, Toma, Bartolomeo, Mateo, Alfeo bi Yakobo, Simon ma he doolɔ ɔ, kɛ Yuda, Yakobo bi ɔ.

Efesobi 2:20

Sisi tomi nɛ a fia nyɛ ngɔ ma nɔ ji sɛ gbi ɔ nɛ bɔfo ɔmɛ, kɛ gbali ɔmɛ fiɛ ɔ; nɛ Kristo Yesu nitsɛ ngɛ kaa tsu ɔ kɔ nya tɛ.

Efesobi 4:11

Lɛ nɔuu nɛ a de ngɛ e he ke, “E ha nimli adesahi nike ní” ɔ nɛ. E pee ni komɛ bɔfohi, ni komɛ gbali, ni komɛ sane kpakpa fiɛli, ni komɛ osɔfohi, kɛ ni komɛ hu tsɔɔli.

Hebribi 3:1

Ye nyɛmimɛ, nyɛ nihi nɛ nyɛ he tsɔ, nɛ Mawu tsɛ waa kɛ nyɛ tsuo, nyɛɛ hyɛ Yesu, hemi kɛ yemi nɛ wa jajeɔ ɔ he bɔfo, kɛ osɔfo nɔkɔtɔma pe kulaa a.

2 Petro 3:2

Nyɛ kai munyuhi nɛ gbali klɔuklɔu ɔmɛ tu blema lokoo ɔ, kɛ wa Nyɔmtsɛ kɛ wa kpɔlɔ ɔ mlaa nɛ bɔfo ɔmɛ nɛ a tsɔ mɛ nyɛ ngɔ ɔ kɛ ba ha nyɛ ɔ.

Kpojemi 12:1

Enɛ ɔ se ɔ, nyakpɛ okadi nguaa ko je kpo ngɛ hiɔwe. I na yo ko; tade nɛ e wo ji pu. Nɛ nyɔhiɔ ngɛ e nane si, nɛ jlasi kɛ e mi dodoe nyɔngma kɛ enyɔ fi e yi.

Kpojemi 18:20

Hiɔwe! Mo nya kaa a kpata Babilon hɛ mi! Nyɛ ni klɔuklɔuhi, bɔfohi, kɛ gbali, nyɛ nya! Ejakaa Mawu bu lɛ fɔ ha nyɛ ngɛ nɔ́ nɛ e pee nyɛ ɔ he!

Kpojemi 21:14

Gbogbo nɛ bɔle ma a kɛ kpe ɔ, a fia ngɔ fɔ sisi tomi tɛ nyɔngma kɛ enyɔ nɔ, nɛ a ngma To bi ɔ bɔfo nyɔngma kɛ enyɔ ɔmɛ a biɛ ngɛ a nɔ.