Luka 5:8 - BAIBLO ALOO NGMAMI KLƆUKLƆU Ɔ

⁸ Benɛ Simon Petro na nɔ́ nɛ ba a, e kpla si ngɛ Yesu nane nya, nɛ e de ke, “Nyɔmtsɛ! Jee ye kasa nya, ejakaa yayami peelɔ ji mi!”

Somi He Ɔ

⁸ Benɛ Simon Petro na enɛ ɔ ɔ, e nɔ si ngɛ Yesu nane nya nɛ e ke: “Nyɔmtsɛ jee ye kasa nya, ejakaa yayami peelɔ ji mi!”

Luka 5:8 ပူးပေါင်းရင်းမြစ်များ

Samuel II, 6:9

David ye Yawɛ gbeye jamɛ a ligbi ɔ, nɛ e bi ke, “Lɛɛ kɛ ma pee kɛ ngɔ somi daka a kɛ ya we mi kɛɛ?”

Matsɛmɛ I, 17:18

Kɛkɛ nɛ yo ɔ de Eliya ke, “Mawu nɔmlɔ, mɛni he je o pee mi nɔ́ nɛ ɔ? Pe o ba hiɛ ɔ nɛ o ba kai Mawu ye he yayami ɔmɛ, konɛ ye binyumu ɔ nɛ gbo lo?”

Mose II, 20:19

Nɛ a de Mose ke, “Mo nitsɛ o kɛ wɔ nɛ tu munyu nɛ waa nu; ko ha nɛ Mawu kɛ wɔ nɛ tu munyu nɛ wa ba gbo.”

Yesaya 6:5

Kɛkɛ nɛ i de ke, “Akuanyɛ! Ye yi ta pɛ! Ejakaa i na matsɛ ɔ nɛ ji Yawɛ Tabohiatsɛ ɔ! Ye nya mi munyu he tsɔ we; nɛ nimli nɛ i ngɛ a kpɛti ɔ, mɛ hu a nya mi munyu he tsɔ we ja nɔuu!”

Mateo 17:6

Benɛ kaseli ɔmɛ nu gbi ɔ, a ye gbeye wawɛɛ nitsɛ, nɛ a ngɔ a hɛ mi ngɔ bu si.

Mateo 2:11

A sɛ we ɔ mi, nɛ benɛ a na bimwɔyo ɔ, kɛ e nyɛ Maria a, a kpla si nɛ a ja bimwɔyo ɔ. A pɛne a kotoku ɔmɛ a nya, nɛ a ke lɛ ní: sika tsu, mimɛ, kɛ mire.

Mateo 8:8

Se Roma asafoatsɛ ɔ he nɔ ke, “Dɛbi, Nyɔmtsɛ, i sɛ kaa i haa nɛ o baa ye we mi; moo lɛɛ moo tu munyu kɛkɛ, nɛ ye nyɔguɛ ɔ ma na he wami.

Luka 5:7

Lɔ ɔ he ɔ, a fɔ a huɛmɛ nɛ ngɛ lɛ kpa a mi ɔ nine ke a ba piɛ a he. A ba, nɛ a ba wo lɛ enyɔ ɔmɛ tsuo a mi lo tɔtɔɔtɔ kɛ ya si lɛ ɔmɛ miɔ nɛ a ma mu.

Luka 5:9

E kɛ nihi nɛ piɛ e he ɔ tsuo a he mi po ngɛ lo babauu ɔ nɛ a gbe ɔ he.

Yohane 11:32

Maria ya su he nɛ Yesu ngɛ ɔ, nɛ amlɔ nɔuu nɛ e na Yesu ɔ, e kpla si ngɛ Yesu nane nya, nɛ e de lɛ ke, “Nyɔmtsɛ, kaa o ngɛ hiɛ ɔ jinɛ ye nyɛminyumu ɔ ko gbo we.”

1 Korintobi 13:12

Amlɔ nɛ ɔ lɛɛ wa ngɛ kaa ni komɛ nɛ ngɛ nɔ́ hyɛe tsuu kɛkɛ ngɛ ahuhuɛ mi. Se hwɔɔ se ɔ, wa maa na nɔ́ tsuaa nɔ́ paa. Piɔ lɛɛ ní nɛ i le ɔ, fa kɛ fa kɛkɛ. Se jamɛ a be ɔ lɛɛ ma le ní kɛ pi si kaa bɔ nɛ Mawu le mi kɛ pi si ɔ.

Kpojemi 1:17

Benɛ i na lɛ ɔ, i nɔ si ngɛ e nane nya kaa nɔ gbogboe. Se e ngɔ e hiɔ nine ngɔ fɔ ye nɔ, nɛ e de mi ke, “Koo ye gbeye! Imi ji kekleekle no kɛ nyagbe no.

Manyadali 13:22

Manoa de e yo ɔ ke, “Pe wa gbo ɔ nɛ; ejakaa wa na Mawu.”

Samuel I, 6:20

Kɛkɛ nɛ Bet Shemesh bi ɔmɛ bi ke, “Mɛnɔ po ma nyɛ Yawɛ, Mawu klɔuklɔu nɛ ɔ hɛ mi maa da? Nɛ jije wa ma je lɛ kɛ je wa ngɔ kɛ ya?”