Luka 5:7 - BAIBLO ALOO NGMAMI KLƆUKLƆU Ɔ

⁷ Lɔ ɔ he ɔ, a fɔ a huɛmɛ nɛ ngɛ lɛ kpa a mi ɔ nine ke a ba piɛ a he. A ba, nɛ a ba wo lɛ enyɔ ɔmɛ tsuo a mi lo tɔtɔɔtɔ kɛ ya si lɛ ɔmɛ miɔ nɛ a ma mu.

Somi He Ɔ

⁷ Lɔ ɔ he ɔ a fɔ a huɛmɛ nɛ ngɛ lɛ kpa a mi ɔ nine ke a ba nɛ a ba piɛ a he. A ba nɛ a ba wo lɛ enyɔ ɔme tsuo tɔtɔɔtɔ bɔ nɛ piɛ bɔɔ nɛ a ko mu.

Luka 5:7 ပူးပေါင်းရင်းမြစ်များ

Mose II, 23:5

Ke o na o futsɛ teji nɛ tlɔ zugba kɛ e se mi tlomi nɛ jiɔ pe lɛ ɔ, koo be e he nɛ o je; mohu wa o futsɛ ɔ, konɛ lohwe ɔ nɛ te nɛ e da e nane nɔ ekohu.

Abɛ Womi 18:24

Huɛ bɔmi komɛ a se kɛ we kulaa. Se huɛmɛ komɛ hu mɛtɛɛ a sibi a he kpɛii pe nyɛmimɛ tete po.

Marko 4:36

Lɔ ɔ he ɔ, kaseli ɔmɛ si nimli kpekpemi ɔ, nɛ a ya piɛ Yesu he ngɛ lɛ ɔ mi, nɛ a kɛ lɛ ho. Lɛ kpa komɛ hu fie a se.

Luka 5:6

A hlui kɛ ya he nɛ pa a mi kuɔ ngɛ, nɛ a pue ya a. A gbe lo babauu, nɛ e piɛ bɔɔ nɛ ya a hía.

Luka 5:8

Benɛ Simon Petro na nɔ́ nɛ ba a, e kpla si ngɛ Yesu nane nya, nɛ e de ke, “Nyɔmtsɛ! Jee ye kasa nya, ejakaa yayami peelɔ ji mi!”

Ni Tsumi 11:25

Jehanɛ Barnaba pue nɔ kɛ ho Tarso ya ya hla Saulo.

Galatabi 6:2

Nyɛɛ kpee nyɛ sibi kɛ tloo nyɛ tlomi ɔmɛ kaa bɔ nɛ Kristo mlaa a tsɔɔ kaa nyɛɛ pee ɔ.

Filipibi 4:3

Nɛ mo, ye nyɛmi sɔmɔlɔ anɔkualetsɛ, i ngɛ mo pɛɛ kpae nɛ o ye bua yi nɛ ɔmɛ. Ejakaa a kɛ Klemente, kɛ nyɛmimɛ kpahi nɛ waa kɛ mɛ sɔmɔ ɔ, piɛ ye he kɛ tsu ní wawɛɛ kɛ fiɛ sane kpakpa a. A ngma nimli nɛ ɔmɛ tsuo a biɛ ngɛ Mawu wami womi ɔ mi.